广东话拼音同"粤拼"嘅最直截了当嘅比较(一学就识)sell语言交流

拼音同耶鲁系嘅简单概括

Penkyamp 嘅旗帜	耶鲁系 嘅旗帜
Ek      戚 Onk   冲 Ot      出 Oy     吹	Ik     戚 Ung  冲 Eot   出 Eoy   吹

下边两篇彩字, 可以印成海报形式, 作为宣传

一: "戚冲出吹旗"

拼音同耶鲁系嘅简单概括

 

Penkyamp 嘅旗帜	耶鲁系 嘅旗帜
Ek      戚 Onk   冲 Ot      出 Oy     吹	Ik     戚 Ung  冲 Eot   出 Eoy   吹

===========================================================

二: 边个对, 边个错? 边种简洁, 边种简陋? 三种拼音对比.

边个对, 边个错? 边种简洁, 边种简陋? 三种拼音对比. 上: JYUTPING, 中: 耶鲁, 下: PENKYAMP.


(粤语广东话拼音)

JYUT6 YU5 Gwong2 DUNG1 wa2 PING3 yam1---错!      

YYUHT YYÚH Gwóng Dùng wá PING yàm---错!

Yeùdyeú Guõng-DÖNK-wã PÊNK-yämp --- 对!


(孔子曰；打交亦用砖乎，要尽伤头肤，还要狂呼．不亦乱呼)

HUNG2 zi2 JOEK6: da2 gaau1 JIK6 JUNG6 ZYUN1 fu1, jiu3 ZEON6 SOENG1 tau4 fu1, waan4 jiu3 kwong4 fu1, bat1 JIK6 LYUN6 fu1---错!

HÚNG jí YEUHK: dá gàau YIHK YUHNG JYÙN fù, yiu JEUHN SEÙNG tàuh fù, wàahn yiu kwòhng fù, bàt YIHK lyuhn fù.---错!

Hõnkjĩ YEÒD: dãgäu YÈK YÒNK JEÜN fü, yîu JÒNT SEÖNG taw fü, wanyîu kuong fü, bät YÈK LEÙN fü. --- 对!

[ 本帖最后由 beokguk 于 2008-8-5 05:14 编辑 ]

当初1993年 JYUTPING 嘅创制, 系误解咗当时教院方案嘅初衷.
当时教院打算采用 J , Y, DZ, TS 等, 完全系其之想作为黄锡陵宽式音标(系音标, 唔系黄锡陵拼音)嘅键盘易输入版. 当时教院, 顾名思义, 只想幽居于"教育院校"呢个象牙塔, 而唔想成为集1.普及拼音文字 2. 字典注音 3. 人地名英化 同 4. 电脑中文输入  于一身嘅真正意义嘅"拼音"嘅.

而 JYUTPING 喺 1993 年嘅创立, 好大程度上系想成为 4. 电脑中文输入. 而家 JYUTPING 嘅主要成功之处, 亦只系作为电脑中文输入嗻. 在其他地方, 佢并唔理想. 因为, 佢误解咗当初教院点解要采用 J 同 Y. 而且, JYUTPING 抛弃教院嘅 Y 而采取耶鲁嘅 YU, 实在系画蛇添足, 多此一举, 浪费字母, 白白浪费咗个 Y 字, 使其永远系 U 嘅"另一半".
既然 JYUTPING 唔想屈居于教育学院嘅象牙塔, 又点解要模仿一种完全来自于"音标"嘅系呢? JYUTPING 喺作为 1. 普及拼音文字 2. 字典拼音 3. 人地名英化 呢几方面都系"残废"嘅. 再沉迷于 JYUTPING, 会误咗广东话现代化嘅前程. 佢点解唔能够作为普及拼音文字同人地名英化, 呢个你应该一想就知道喇. 佢点解唔能够作为 2. 字典拼音呢? 好简单: 字典注音宜"一睇就明", 不宜需要睇规则先明嘅系统. 比如讲英文韦氏音标, 就在"一睇就明"呢度做得比较好. 好似 JYUTPING 呢种带 J, YU, EO, OE 同埋 IN, ING, IT, IK 异读嘅方案, 实在系唔可以一睇就明嘅. 字典, 适宜用音标或"一字母一音位"型嘅方案.

Y 系拼音同 J 系拼音嘅旗帜

Y 系拼音旗帜	J 系拼音旗帜 (个样系从音标遗传落来嘅, 都唔系畀人日常使用嘅)
越 yuet     yeud 卒 joet      jot 进 joen     jont 帅 soei      soy 曰 yeot      yeod 将 jeong    jeong	越 jyut         jyt 卒 zeot        dzoet 进 zeon       dzoen 帅 seoi        soei 曰 joet        joet 将 zoeng     dzoeng

下表: PENKYAMP 和 JYUTPING 最直截了当的比较: 1. 声母的"越卒进帅曰将"表 和 2. 韵母的"戚冲出吹"表 http://bbs.cantonese.asia/viewthread.php?tid=11459&pid=98523&page=1&extra=#pid98523 [url=http://wuu.wikipedia.org/wiki/Userenkyamp]Penkyamp[/url]

我个朋友有呢种懒音, 就系"潮州懒音", "失"经常发成"塞车"个"塞", "万"经常发成"孟". "紧"经常发成"梗"

因为呢种懒音, 佢亦会经常将"出"发成"束", "进"发成"众". 呢种变韵尾而导致嘅变韵现象, 再次说明, "出", "束", "进", "众"嘅韵腹, 其实系同一个元音音位. 只系因为"出", "进"嘅韵尾系舌齿辅音, 先导致"出", "进"韵腹嘅发音, 比"束", "众"稍为前置. 呢种属于"同位异读"现象, 所以唔应该将"出", "束"韵腹当作唔同两个音位.

香港粤语老前辈黄锡凌先生, 写嘅"粤音韵汇", 误解咗粤语呢个现象, 竟然认为"出", "进"嘅韵腹, 系同"卓", 帐"韵腹系同一个音位, 或认为, "出", "进"韵腹系一个完全独立于"束", "众"韵腹嘅前置音位, 呢种错误观点, 影响咗好几代粤语拼音. 黄锡凌宽式音标, 耶鲁, JYUTPING, 教院, 广州音字典, 犯嘅都系同样呢个错误. 我觉得, 呢个系粤语语音界一个好"丢脸"嘅事情.

而 SIDNEY LAU 同 PENKYAMP, 纠正咗呢个错误, 将"出", "束", "进", "众"嘅韵腹, 用同一个音位符号表示出来. 咁先系啱嘅!

[ 本帖最后由 beokguk 于 2008-8-10 04:26 编辑 ]

我从来就无讲 JYUTPING 喺电脑输入方面比任何第种方案优越. 我系讲, JYUTPING 喺人地名英化, 作为字典拼音, 普及拼音文字(细路仔读物注音)方面基本系残废嘅, 但系作为电脑输入呢方面, 系佢唯一能够胜任嘅, 因为, 喺电脑输入方面, 唔需要顾忌佢嘅观感同科学性, 只要每个汉字对得上一组 CODE 就得喇. 我并唔系话, 喺电脑输入呢方面, JYUTPING 比耶鲁, 唐话罗马字, PENKYAMP 优越. 其实, 佢要比呢三者差啲.

JYUTPING 唔大众实用. 你只要睇睇汉语拼音, 就知道乜嘢先系大众使用喇. 虽然汉语拼音观感上稍微欠佳, 但系话佢大众实用, 系无可厚非嘅. 佢可以作为人地名英化, 可以作为细路仔读物注音, 可以作为字典拼音, 亦可以作为电脑输入工具. 汉语拼音可以做嘅咁多嘢, JYUTPING 将来无几样系可以做到嘅. 呢个系同 JYUTPING 本身嘅设计有关嘅.

"我哋係咪要用嗰啲奇形怪狀嘅國際音標符號嚟推廣拉丁化粵文", 我从来无讲过呢种观点啊! 我嘅观点, 啱好系同"国际音标"相反嘅. "教院"采用 J 同 Y, 其初衷好容易明, 就系想采用普通英文键盘, 但系打出一种同黄锡凌宽式音标(注:系音标, 唔系黄拼音)差唔到几步远嘅表音系统, 以帮助香港大学粤语研究论文标记粤音. 耶鲁, 唐话罗马字, PENKYAMP, 有边种系"奇形怪状嘅国际音标符号"? 我睇重系"教院"同JYUTPING同"国际音标"比较似啲. 比如讲, 你姓袁嘅, 你老婆姓杨嘅, 你会想你哋嘅名喺英文报纸入边畀人串成 JYN, JYUN, JEUNG, JOENG 咩? 你想鬼佬点读你嘅名啊?

当初初订 JYUTPING 嘅人, 虽然好多出自香港院校, 习惯咗使用 J 同 Y 嘅"教院", 佢哋其实应该明白, 教院使用嘅 J, Y 系违反"大众实用"嘅需要嘅. 因为, 教院源出黄锡凌宽式, 目的完全系为咗"女生得似阿妈", 并留喺教育学院入边充当论文工具.

呢一段同某网友谈论 JYUTPING 利弊, 特存某啲观点于此, 特征求粤港学人注意, 供以后推行更好嘅方案作为借鉴.

JYUTPING 其实唔系好方便呢几方面使用: 1. 人地名英化(我建议人地名英化用唐话罗马字, 同香港政府拼法一样容易接受) 2. 字典拼音 (要解释一通 J , YU, EO, OE, ING, IN, UNG, UN 代表乜嘢, 咁有违字典拼音"一睇就明, 唔使太多讲解"嘅需求) 3. 普通键盘对话 (一种咁来用 J, YU, 咁来标调嘅拼音, 唔啱) 4. 博客粤文拉丁化, 报纸人名转写, 地址转写 (博客拉丁化, 忌用数字标调, 宜用元音上加号标调. 报纸人名, 地址"转写"同"英化"嘅需要稍为唔同. "英化"可以随心所欲, "云", "环"唔分. 但系报纸转写粤人名, 转写某地地址名, 宜完全反映读音, 不宜用唔能准确正音嘅"英化方案", 亦不宜用一种咁使 J, YU 同必须用数字标调嘅方案. 报纸上, 地图上, 涉粤地名文件上, 绝对唔可以出现数字标调. 只能够出现上加调号. )

至于电脑输入, JYUTPING 就唔好牙刷喇. 好多种拼音都叻得过 JYUTPING.

再次同你讲, 教院嘅 J , Y 嘅用法系"音标样", 佢咁做系有原因嘅, 唔能够怪佢. 但系 JYUTPING 喺呢方面拘泥于教院嘅旧样, 实在无乜道理. 只能够讲, 注定咗 JYUTPING 将来做唔到"汉语拼音"所能做到嘅咁多大事. 你重系信我嘞. 呢啲嘢, 一想就应该明嘅喇. JYUTPING 学会几努力推行呢种方案, 都解决唔到佢呢种自身根本嘅局限性.

1. "Y 系拼音同 J 系拼音嘅旗帜"又叫"越卒进帅曰将"旗.
2. "戚冲出吹旗"亦叫"PENKYAMP同耶鲁系比较"旗.

希望你能够睇出 JYUTPING 同教院所属嘅"耶鲁系韵母系统"嘅问题来. 不过, JYUTPING 同 教院最大最大嘅问题系其属于 J 系声母系. 如果韵母系属耶鲁, 声母系属 Y 系, 其实重可以容忍嘅. 如果一个拼音系统不单只系耶鲁系嘅, 而且系属于 J 系嘅, 咁佢除咗揾来打字之外, 基本上无乜用.