Ардын дуу 1 Юндэн Гөөгөө Perfect

Юндэн гөөгөө

Данагар данагар алхаатай даа хөө хөө
Дал мөрөө давсан гэзэгтэй дээ хөө хөө
Далай вангийн Юндэн гөөгөө
Даанчиг цэвэрхэн төржээ хөө
 
Гунагар гунагар алхаатай даа хөө хөө
Гурваар дарсан гэзэгтэй дээ хөө хөө
Гунхсан сайхан Юндэн гөөгөө
Гунигчгүй цэвэрхэн төржээ хөө
 
Хүзүүгээр нь жавар орно гээд
Хөвөнтэй дүүдүүг хийгээд өгсөн юм аа
Хүнээс илүү хайрлана гээд
Хүдрийн заарыг шингээсэн юм аа хөө
 
Сэмхэн сэмхэн алхаатай даа хөө хөө
Шилээ дүүрсэн гэзэгтэй дээ хөө хөө
Шинэхэн вангийн Юндэн гөөгөө
Сүртэй сайхан төржээ хөө