|
40#
发布于：2017-11-03 11:45
寂静涅槃大行之部
第二章 谒见上师 遵命笃行 以痛苦和失望的折磨将罪障清除无遗 Part 4 (完） དེ་ནས་དུས་སྒྲིག་པའི་མི་དེས་འཁོར་ནས་ངའི་བུག་སྒོར་བྱུང་སྟེ། མཁར་གྱི་རབ་གནས་དང་། སྲས་ཀྱི་ཆེ་འདོན་བྱེད་ཚུལ་གྱི་གླེང་མོ་རྣམས་ཞིབ་པར་བཤད་བྱུང་། ངའི་གླེང་མོ་འདྲ་འདུག་གམ་བྱས་པས་འདུག །ཡུམ་གྱི་ཞལ་ནས་ངེད་ཀྱི་མི་དེ་ཅི་བྱེད་ཅིང་འདུག་གསུངས། མཚམས་དམ་པོ་ལ་གདའ་ཞུས་པས། དེ་མིན་ཅི་བྱེད་ཅིང་འདུག་གསུངས། མི་མེད་ས་རང་ན་སྡོད་ཀྱིན་གདའ་ཞུས་པས། ཁོའི་འདི་ལུས་པས་ལན། ཁོ་འདིར་སྡོད་ཚེ་འདི་རང་རྩེ་བ་ཡིན་པས། འདི་སྤྲོད་ཅིག་གསུང་འདི་གནང་བ་ཡིན་ཟེར། ཁོའི་སྐ་རགས་ཀྱི་མདུད་པ་བཀྲོལ་ནས་འཇིམ་པའི་ཤོ་ཞིག་སྤྲད་བྱུང་། 约定时间的那人回来后，到我闭关的洞口来，把举办房子开光及公子的成年庆典的事详详细细对我说了。我问道：“说到我了吗？ ” 他说：“说到过。师母问过‘我们的那个人在做什么？’我说你在闭关。她又问‘此外还做些什么？’我又说你老在无人之处坐着。师母说：‘一定是他把这东西掉了的原因吧？他在这里时，很喜欢玩这个。你把这交给他吧！’于是就把这个交给我了。”说着便把腰带解开，取出一颗泥做的骰子。 དེར་ཡུམ་གྱི་ཕྱག་རེག་ཡོད་སྙམ་བྱིན་རླབས་ཞུས། ཁོ་སོང་བ་དང་ཤོ་རྩེ་སྙིང་འདོད་པ་ཞིག་བྱུང་ནས་རྩེས་པས། བསམ་བློ་ལ་ངས་སྔར་ཡུམ་གྱི་དྲུང་དུ་ཤོ་རྩེས་པ་ནི་མེད། ད་ཡུམ་ཡང་ཐུགས་རྗེས་མི་འཛིན་པ་ཡིན་ལས་ཆེ། ཤོ་འདིས་དང་པོ་ཕ་མེས་ཀྱང་ཡུལ་བཏོན་པ་ཡིན་སྙམ། ཀླད་ལ་བསྐོར་ཏེ་བརྡབས་པས། ཆག་པའི་ནང་ནས་ཤོག་རིལ་ཞིག་བྱུང་བ་བཀླགས་པས། ད་བུ་རང་ལ་ཡང་བླ་མས་དབང་དང་གདམས་ངག་གནང་བ་ཡོད་པས། བླ་མ་རྔོག་པ་དང་བསྡེབས་ལ་ཤོག་བྱ་བ་ཞིག་འདུག་པས། 我想这是师母之手触过的，便把它放在头上祈求加持。那人一走，我心中很想玩玩骰了，便玩起来。忽然又想到，过去，我在师母面前并未玩过骰子。看样子一定是师母也不慈悲摄授我了。当初我祖辈就因这骰子而背井离乡的。于是，我在头上绕一圈后就把它扔了。那骰子掉下后破了，里面现出一个小纸团来。我拿来看见上面写 着：“孩子，这下你也许能得到上师灌顶传法了。和俄巴大师一起来吧！” དགའ་དྲགས་ནས་ཕུག་པའི་ནང་དུ་ཕར་རྒྱུག་ཚུར་རྒྱུག་བྲོ་ཁྲབས་སོ། 我看后，高兴极了，便在岩洞中来回地跳起舞来。 །དེ་ནས་ང་ལ་བླ་མ་རྔོག་པའི་ཞལ་ནས། ཨ་བོ་མཐུ་ཆེན་རང་ཡང་རྐང་པ་ཕྱོགས་ལ་འགྲོ་གྲབས་གྱིས་ཤིག་གསུང་བ་ལྟར་བྱས། བླ་མ་རྔོག་པ་ནི། བླ་མ་མར་པ་རང་གིས་གནང་བའི་བྱིན་རླབས་ཀྱི་རྟེན་རྣམས་མ་གཏོགས། སྐུ་གསུང་ཐུགས་ཀྱི་རྟེན་ཡོད་ཚད་དང་། གསེར་གཡུ་དང་གོས་དར་སོགས་ནང་གི་རྡིག་ཀུན་དང་། ར་མ་རྒན་མོ་རྐང་ཆག་མ་ཞིག་འདུག་པ་དེ་ཕྱུགས་ཁྱུའི་རྗེས་མི་ཟིན་པ་འདུག་པས་ཞོག་གསུངས། དེ་མ་གཏོགས་ཕྱི་ནང་གི་ནོར་ཡོད་དགུ་ཀུན་ཁྱེར་ནས་འབྱོན་གྲབས་མཛད་པའི་ཚེ། 那以后，俄巴大师对我说：“阿波吐勤，我们预备动身出门吧！”我遵命去作准备。俄巴大师除了把马尔巴上师赐的有加持力的佛像圣物留下外，其余所有佛像经塔，金银绫罗，以及家中的用具等都收拾好，有一只跛脚牝山羊，因为赶不上畜群，只好留下，别的一切财产全部准备带走。刚打算动身时， བླ་མས་ང་ལ་ཡང་། ཁྱོད་ཀྱིས་ངེད་ལ་ཡང་ཕན་ཐོགས་པོ་རང་བྱས་པས་བླ་མ་མར་པ་དང་མཇལ་བའི་ཕྱག་རྟེན་གྱིས་ཤིག་གསུང་དར་ཡུག་ཅིག་གནང་། ཇོ་མོས་ཀྱང་ཡུམ་བདག་མེད་མ་དང་མཇལ་བའི་ཕྱག་རྟེན་གྱིས་ཤིག་གསུང་ཐུད་རྐྱལ་ཞིག་གནང་། དེ་ནས་བླ་མ་རྔོག་པ་ཡབ་ཡུམ་འཁོར་དང་བཅས་པ་ཆས་ཏེ་གྲོ་བོ་ལུང་གི་མདར་སླེབ་པ་དང་། བླ་མའི་ཞལ་ནས། ཨ་བོ་མཐུ་ཆེན་སྔོན་ལ་སོང་ལ་ཡུམ་གྱི་དྲུང་དུ་ངེད་རྣམས་འོང་ཞིང་ཡོད་ཞུས་ལ་ཆང་ཞིག་ཨེ་གནང་ལྟོས་ལ་ཤོག་གསུངས་པས། 大师对我说：“你对我也很有帮助，应该给你准备一分谒见马尔巴上师的礼物。”便给我一匹绸子。大师的妻子也说：“你还需要谒见师母达梅玛的礼品呀！”说罢，给我一袋奶酪糕。于是，我和俄巴大师夫妇以及上下人等一同启程。到了卓阿隆沟口时，俄巴大师对我说：“阿波吐勤，你先去见师母，说我们都来了。看赏我们一点酒不？” ངས་སྔོན་ལ་ཕྱིན་པས། ཐོག་མར་ཡུམ་དང་མཇལ། ཕྱག་དང་ཐུད་རྐྱལ་ཕུལ་ནས། བླ་མ་རྔོག་པ་འབྱོན་ཞིང་བདོག་པས་བསུ་ཆང་ཞིག་གནང་བར་ཞུ་ཞུས་པས། ཡུམ་ཤིན་ཏུ་དགྱེས་ནས་བླ་མ་གཟིམ་ཁང་ན་བཞུགས་ཡོད་པས་དེ་སྐད་ཞུས་ཤོག་ཅིག་གསུངས་ཞུར་ཕྱིན་པས། བླ་མ་གཟིམ་ཁང་གི་ཡང་ཐོག་ན་ཞལ་ཤར་ལ་གཟིགས་ནས་ཐུགས་དམ་ལ་བཞུགས་འདུག་པ་ལ། ཕྱག་དང་དར་ཡུག་ཕུལ་བས་ཞལ་ནུབ་ཏུ་གཟིགས་སོང་། ནུབ་ནས་ཕུལ་བས་ལྷོར་གཟིགས་སོང་བ་ལ། 我就先去了。见到师母，顶礼后便献上酪糕，禀道：“俄巴大师他们也到了，请赐一点酒洗洗尘吧！”师母欢喜极了，说道：“师父坐在房里，快去告诉他。”我遵命进去，看见师父坐在顶楼上，面向东方正在入定。于是，我顶礼，把绸子献上。师父又把脸朝向西方。我往西顶礼，他又转向了南方。 ངས་བླ་མ་ལགས། བདག་ལ་བཀའ་བཀྱོན་གནང་ཕྱིར་ཕྱག་མི་བཞེས་རུང་། བླ་མ་རྔོག་པས་སྐུ་གསུང་ཐུགས་ཀྱི་རྟེན་དང་། གསེར་གཡུ་དང་མཛོ་རྟ་སོགས་ནོར་ཡོད་དགུ་ཅོག་འབུལ་བར་ཁྱེར་ནས་འབྱོན་གྱིན་ཡོད་ལགས་པ། དེ་ལ་བསུ་ཆང་ཞིག་རེ་བ་འདྲ་ལགས་པས་གནང་བར་ཞུ་ཞུས་པས། 我说道：“师父啊！为了责备我，你可以不受礼，但是，俄巴大师带来的佛像金塔，金银珠宝，牛马牲畜等所有财产，都要供养给你，他们马上就到了，愿上师赏给他们一点接风酒吧！” ཐུགས་རྒྱལ་བཞེངས་ཏེ་ཕྱག་སེ་གོལ་གཏོགས་ཤིང་གསུང་དྲག་པོས། ངས་རྒྱ་གར་ནས་བཀའ་སྡེ་སྣོད་བསམ་གྱིས་མི་ཁྱབ་པའི་ནང་ནས་རྒྱུད་སྡེ་བཞིའི་དོན་སྙིང་ཕྱུང་བའི་མན་ངག་ཁྱད་པར་ཅན་རྣམས་ཁྱེར་འོངས་པའི་ཚེ། བསུ་མཁན་བྱིའུ་ཐེང་མ་ཞིག་ཀྱང་མེད་པའི་ཁོ་དུད་འགྲོ་ཀྱལ་ཀྱོལ་འགའ་དེད་ནས་འོང་བ་ལ། ང་ལོ་ཙཱ་བ་ཆེན་པོ་ཞིག་གིས་བསུ་བ་དགོས་ན་མི་འོང་བས་ད་ལྟ་རང་ལོག་གྱིས་གསུངས། 说完，师父勃然大怒，把手指弹了一下，大声呵叱道：“当我从印度带来不可思议的三藏中的《四本续》密经 ，从密经的精要中取出的殊胜要门回到藏地时，连一只跛脚的麻雀都没有来欢迎过。他赶几头瘦弱的牲口来，便要我一个大译师去欢迎？哼！办不到！叫他马上回去！” བླ་མའི་བཀའ་བཞིན་ཡུམ་ལ་ཞུས་པས། བླ་མ་ཐུགས་གཏུམ་པས་ལན། རྔོག་མི་ཆེན་པོ་ཡིན་པས་བསུ་བ་བྱེད་དགོས། རང་རེ་མ་བུ་གཉིས་ཀྱང་འདོང་གསུངས་པ་ལ། བླ་མ་རྔོག་པ་བླ་མ་ཡབ་ཡུམ་གྱི་བསུ་བ་འོང་དུ་རེ་བ་མི་གདའ། ཕུད་ཅིག་གནང་བར་ཞུ་ཞུས་རུང་ང་རང་ཡང་འགྲོ་གསུངས། གྲྭ་པ་འགའ་ལ་ཆང་མང་པོ་བསྐུར་ནས་ཡུམ་གྱིས་བསུ་བ་མཛད། 我把师父的话告诉师母，师母说：“这是你师父脾气大的原因。俄巴是重要人物，应该前去迎接。我们母子两人同去吧！”我说：“俄巴大师并不希望师父师母去接他，只请赏赐一点接风酒即成。”但师母说：“我要去。”她就叫几个僧徒带了很多酒，自己亲自去欢迎他们。 དེ་ནས་ལྷོ་བྲག་ལུང་པའི་མི་མང་པོ་བསགས་ཏེ། སྲས་ཀྱི་ཆེ་འདོན། གཟིམ་ཁང་གི་རབ་གནས་སྟོན་མོ་བཟང་པོ་དང་བཅས་པ་མཛད་པའི་སྟོན་གྲལ་དུ། བླ་མ་མར་པས་བཀྲ་ཤིས་མངའ་གསོལ་གྱི་མགུར་འདི་གསུངས་སོ། 洛扎的很多人都来了。为庆祝公子成年和新屋开光，办了一个很热闹的庆贺宴会。席间，马尔巴上师唱了这样一支封赠吉祥的歌： །བླ་མ་བཀའ་དྲིན་ཅན་ལ་གསོལ་བ་འདེབས། །ངའི་བརྒྱུད་པ་རིན་ཆེན་འདི་ཉིད་ལ། །ཉེས་ལྟུང་མེད་པའི་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག “启请大恩大德的师长， 我的传承如珍宝一样， 具有免除过患的吉祥， 愿此吉祥更吉祥！ །གདམས་ངག་ཟབ་མོའི་ཉེ་ལམ་ལ། ། ནོར་འཁྲུལ་མེད་པའི་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག 我精深教授的捷径， 具有免除错误的吉祥。 愿此吉祥更吉祥！ །ང་རང་མར་པ་ལོ་ཙཱ་ལ། །ཟབ་མོ་གནད་ཀྱི་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག 我马尔巴译师， 具有精深法要的吉祥， 愿此吉祥更吉祥！ །བླ་མ་ཡི་དམ་མཁའ་འགྲོ་ལ། །བྱིན་རླབས་དངོས་གྲུབ་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག 上师本尊和空行， 具有加持悉地 的吉祥， 愿此吉祥更吉祥！ །བུ་ཆེན་སློབ་མའི་འཁོར་ཚོགས་ལ། །དད་པ་དམ་ཚིག་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག 弟子、门人和眷众， 具有信心及三昧誓戒的吉祥， 愿此吉祥更吉祥！ །ཡོན་བདག་ཡུལ་མི་ཉེ་རིང་ལ། །མཐུན་རྐྱེན་ཚོགས་གསོག་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག 施主、乡邻和亲友， 具有助他积福的吉祥， 愿此吉祥更吉祥！ །ལས་དང་བྱ་བ་ཐམས་ཅད་ལ། །འགྲོ་དོན་བྱང་ཆུབ་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག 一切事业及作为， 具有利益众生成菩提 的吉祥， 愿此吉祥更吉祥！ །སྣང་ཞིང་སྲིད་པའི་ལྷ་འདྲེ་ལ། །ཆད་མདོ་བཙན་པའི་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག 世间一切鬼神众， 具有誓愿威灵的吉祥， 愿此吉祥更吉祥！ །འདིར་ཚོགས་ཁྲོམ་གྱི་ལྷ་མི་ལ། །བདེ་སྐྱིད་སྨོན་ལམ་བཀྲ་ཤིས་ཡོད། །བཀྲ་ཤིས་དེས་ཀྱང་བཀྲ་ཤིས་ཤོག 在座世人和天神， 具有幸福善愿的吉祥， 愿此吉祥更吉祥！” །ཅེས་གསུངས་པའི་རྗེས་སུ། བླ་མ་རྔོག་པས་འབུལ་བ་རྣམས་ཕུལ་ནས། བླ་མ་རིན་པོ་ཆེ། སྤྱིར་གྱིས་བདག་རང་གི་སྒོ་གསུམ་བླ་མ་དབང་ལགས་ནའང་། ད་ལན་ཁྱད་པར་དུ་ཡུལ་ན་ར་མ་ཞོལ་མོ་རྐང་ཆག་མ་ཞིག་ཡོད་པ་དེ་སྤྱིར་གྱིས་ར་རྣམས་ཀྱི་ཕྱི་མོ་ཡིན་པས་རྒས་པ་དང་། ཁྱད་པར་རྐང་པ་ཆག་ནས་འདིར་འོང་མ་ཕེར་བར་ལུས། དེ་མིན་ནོར་ཡོད་དགུ་ཀུན་བླ་མ་ལ་འབུལ་བ་ལགས་པས། དབང་གདམས་ངག་ཟབ་ཁྱད་ཐོན་པ་ཀུན་དང་། ཁྱད་པར་སྙན་གྱི་ཤོག་རིལ་གྱི་གདམས་ངག་ཐུགས་རྗེས་འཛིན་པར་ཞུ་ཞུས་ནས། ཕྱག་ཕུལ་བས། 唱完后，俄巴大师献上所有的供品说道：“上师大宝，本来弟子的三业都是属于上师所有，但这次我家中留下一只牝山羊——它本是这些山羊的祖母——因断了一条腿，又老了，特别是因为腿断了，所以不便赶来敬献。此外，我把所有财物，完全献给了上师，请慈悲传授我最高深最殊胜的一切灌顶和教授，特别请求赐给耳传的秘卷 教授！”说罢，顶礼叩求。 བླ་མ་མར་པ་དགྱེས་བཞིན་འོ་དེ་ལྟར་ལགས་ན། ངའི་ཟབ་ཁྱད་ཅན་གྱི་དབང་དང་གདམས་ངག་རྣམས་ཀྱང་། སྤྱིར་གྱི་རྡོ་རྗེ་ཐེག་པའི་ཉེ་ལམ་བསྐལ་པ་གྲངས་མེད་ཀྱི་བར་དུ་བསྒུག་མི་དགོས་པར་ཚེ་འདིར་འཚང་རྒྱ་བའི་གདམས་ངག་ཡིན་པ་དང་། ཁྱད་པར་ཤོག་རིལ་གྱི་གདམས་ངག་ལ། བླ་མ་མཁའ་འགྲོའི་བཀའ་རྒྱ་དམ་པོ་ཡོད་པས། རྒས་པ་དང་རྐང་པ་ཆག་ནའང་ཆག་ར་མ་མ་ཕུལ་ན་འོང་བ་དཀའ་མོ་ལགས། དེ་མིན་གྱི་གདམས་ངག་གཞན་རྣམས་ཁྱོད་རང་ལ་བྱིན་ཚར་རོ་གསུངས་པས། 马尔巴大师面带笑容说道：“哦，原来是这样！我的那些高深殊胜的灌顶和教授，总的说，是金刚乘中的捷径，即：不须等到无量劫才成佛，而是此生便可成佛的教授。特别是耳传秘卷的教授，是上师空行曾严加密封的法要。所以，那个牝山羊虽然老了，又断了腿，但是，若不把牠也献出来，是难于求得法要的。除此以外，其余的教授，都早已传给你了。” གྲལ་པ་ཀུན་བཞད་གད་ཐེག་པ་ཞིག་བྱུང་། ཡང་བླ་མ་རྔོག་པས་ཞོལ་མོ་ཡང་བླངས་ཏེ་ཕུལ་ན་བཀའ་རྒྱ་བཀྲོལ་ནས་གནང་དུ་རུང་ལགས་སམ་ཞུས་པས། ཁྱོད་རང་གིས་བླངས་ཏེ་ཕུལ་ན་རུང་གསུངས། དེར་མི་རྣམས་གྱེས་པའི་ནང་པར་བླ་མ་རྔོག་པ་གཅིག་པུར་བྱོན་ནས། ར་མ་རྒྱབ་ཏུ་བསྣམས་ཏེ་བླ་མ་ལ་ཕུལ་བས། 在座的大众听了，都笑起来。俄巴大师又问：“若将断腿山羊供养了，是否可以打开密封、传授给我呢？ ” 师父说：“你亲自去取来供养， 就可以传授。 ” 说完，大家各自散去。第二天早上，俄巴大师便单独回去了，他把山羊背来供养给上师。 བླ་མ་ཤིན་ཏུ་དགྱེས་ཏེ། གསང་སྔགས་ཀྱི་སློབ་མ་དམ་ཚིག་ཅན་བྱ་བ་ཁྱོད་འདྲ་བ་ལ་ཟེར་བ་ཡིན། ང་ར་མ་ཞིག་རང་གིས་དགོས་རྒྱུ་ཆུང་སྟེ། ཆོས་ཀྱི་ཆེ་བ་འདོན་པ་ལ་དགོས་པ་ཡིན་གསུངས་ནས། དབང་དང་གདམས་པ་ཁྱད་པར་ཅན་མང་པོ་གནང་བར་ཞལ་གྱིས་བཞེས་ཏེ། ཕྱིས་གནང་ངོ་། 师父非常喜欢，说道：“所谓守三昧耶戒的密宗弟子，就是指的像你这样的人。一只山羊对我并没有多大的用处。但要达到法的高深地步，则需要这样。”于是，答应传授他很多殊胜的灌顶和教授，后来果然传授了。 །དེ་ནས་ཐག་རིང་གི་གྲྭ་པ་རྣམས་དང་། ནང་མི་ཉུང་བསྡུས་འགའ་བསགས་ནས། བྱ་དགའི་ཚོགས་མཆོད་ཅིག་བྱས་པའི་གྲལ་དུ། བླ་མ་མར་པའི་སྐུ་འཁྲིས་སུ་སེང་ལྡེང་གི་དབྱུག་པ་རིང་པོ་ཞིག་ཡོད་པ་དེ་བཞག་ནས། བླ་མ་རྔོག་པ་ལ་སྤྱན་འབྲུ་ཚུགས་སུ་གཟིགས་ཤིང་ཕྱག་སྡིགས་མཛུབ་ཏུ་མཛད་ནས། རྔོག་སྟོན་ཆོས་རྡོར་ཁྱོད་ཐོས་པ་དགའ་ཟེར་བའི་མི་ངན་འདི་ལ་དབང་བསྐུར་ནས་གདམས་ངག་བཤད་པའི་རྒྱུ་མཚན་ཅི་ཡིན་གསུངས་སྤྱན་དབྱུག་པ་ལ་སྲིག་སྲིག་འདུག་པ་དང་། བླ་མ་རྔོག་པ་ཐུགས་སྐྲག་སྟེ། ཕྱག་འབུལ་བའི་ངང་ནས། 那以后，远道来的僧徒弟子和几个家小亲眷，会聚起来举办了一个颂扬的会供。在法席上，马尔巴的身边放着一根很长的紫檀木棍。他怒目看着俄巴大师，手作威猛印 ， 厉 声问 道： “俄敦 曲古多吉，你给那个名叫闻喜的坏蛋传授灌顶，讲解教授，是什么道理？”他紧盯着木棍，俄巴大师心中害怕，顶礼禀道： བླ་མ་རིན་པོ་ཆེ་བདག་ལ་བླ་མ་རང་གིས་མཐུ་ཆེན་ལ་དབང་བསྐུར་གདམས་ངག་སྟོན་གསུང་བའི་ཕྱག་རྟགས། ནཱ་རོའི་སྐུ་རྒྱན། ཐུགས་དམ་པདྨ་རཱ་ག་རྟེན་དང་བཅས་པ་གནང་བྱུང་བས་བཀའ་བསྒྲུབས་པ་ལགས། དེས་ན་བདག་ལ་གནོང་འགྱོད་མེད་པས་བཀའ་བཀྱོན་དང་ཐུགས་ཁྲེལ་མེད་པ་ཞིག་མཁྱེན་ཞུས་ནས་སྤྱན་རིག་རིག་འདུག་པས། ཐུགས་ཁྲོས་པའི་ཕྱག་མཛུབ་ང་ལ་གཏད་དེ། ཁྱོད་ལ་དེ་ཀུན་གང་ནས་བྱུང་གསུང་པས། “上师大宝！你自己曾给我来信，叫给吐勤传法灌顶，并赐有那若巴的身严和硃砂宝石的本尊像等给我。我是遵命而行，没有错误。请不要责备和怨怪我。”师父把眼睛盯着我，忿怒地用手指着我问：“你从哪里得到这些东西的？” ང་ནི་སྙིང་ཐོན་འགྲོ་བ་ལྟ་བུའི་སྡུག་བསྔལ་དང་། འཇིགས་སྐྲག་སྐད་མི་ཐོན་པ་ལྟ་བུ་བྱུང་སྟེ། འདར་བའི་སྐད་ཀྱིས་བདག་ལ་ཡུམ་གྱིས་གནང་བ་ལགས་ཞུས་པས། ཧར་གྱིས་བཞེངས་ཏེ། སེང་ལྡེང་གི་དབྱུག་པ་འཕྱར་ནས། ཡུམ་ལ་ཕྱག་འབེབས་སུ་ཆས་པ་ལས། ཡུམ་གྱིས་སྔ་སོ་ནས་དགོངས་ཏེ། བཞེངས་ནས་ཕྱིར་རྒྱངས་བསྐྱེད་དེ་བཞུགས་འདུག་པ། མཆོད་ཁང་ནང་དུ་བྲོས་ཏེ་སྒོ་བཅད་པས། བླ་མ་སྒོ་ལ་ཕྱག་སྲད་སྲད་པ་འགའ་མཛད་པའི་མཐར། བཞུགས་གདན་གྱི་ཁར་བྱོན་ནས། 我那时的苦恼，好像心脏被挖出来一样，吓得不敢吱声，用颤抖的声音说：“这些是师母给我的。”师父听了突然离座，拿起紫檀木棍儿，要去打师母。师母早就料到这点，已起身退出去坐在很远的地方。这时，便逃入佛堂里把房门关上了。师父在房门上使劲地推了几下，又重返座上说道： རྔོག་སྟོན་ཆོས་རྡོར་ཟེར་བའི་མ་བཅོལ་བ་བྱེད་མཁན་ཁྱོད་རང་། ངའི་ནཱ་རོའི་སྐུ་རྒྱན་དང་ཐུགས་དམ་རྣམས་ད་ལྟ་རང་ལོངས་ཤོག་ཅིག་གསུང་དབུ་གཏུམས་ནས་བཞུགས་པ་ལ། དེ་མ་ཐག་བླ་མ་རྔོག་པས་ཕྱག་ཕུལ་ནས་སྐུ་རྒྱན་དང་ཐུགས་དམ་ལེན་པར་ཆས་ནས་ཕྱིར་བྱོན་བྱུང་བ། ངས་ཀྱང་ཡུམ་དང་དུས་མཉམ་དུ་ཕྱིར་བྲོས་ཏེ་བསམ་བཞིན་ངུ་བྲོ་བ་ཞིག་བྱུང་ནས་ཕག་ཏུ་ངུ་ཞིང་བསྡད་པས་མཐོང་སྟེ། ཕྱག་ཕྱིར་ཁྲིད་པར་ཞུ་བ་ཕུལ་བས། “俄敦曲古多吉，我没有吩咐过你，你太多事！现在，你马上去把我的那若巴身严及本尊像取回来！”说后蒙头而坐。俄巴大师急忙顶礼后，起身去取身严和本尊像。这时，我和师母一起早就一溜烟地跑到外面。我呢，想起了这些情况真想哭一场，就坐在一边哭起来；看见俄巴来了，我便央求他，把我作为他的侍者带走。 བླ་མའི་བཀས་མ་གྲོལ་བར་ངས་ཁྱེད་ཁྲིད་རུང་ད་ལན་གྱི་འདི་དང་འདྲ་སྟེ། རང་རེ་གཉིས་ཀ་ལ་མི་དགའ་བས་ད་ལན་སྡོད། ཕྱིས་ངེས་པར་རྗེས་སུ་མི་འཛིན་ཞིང་བཀས་གྲོལ་ན་ཕན་ཅི་ཐོགས་བྱེད་དོ་གསུངས་པ་ལ། 俄巴说：“没有得到师父的允许，即使我把你带走，结果事情又会像上次一样，对我们两人都不好。你暂且住下，将来若真的不摄授你，又得到允准时，我可尽力协助你。” འོ་ན་བདག་སྡིག་སྒྲིབ་ཆེས་པའི་ཞོར་ལ་བླ་མ་དང་ཡུམ་ལ་ཡང་འོ་བརྒྱལ་འདི་འདྲ་བྱུང་བས། ད་ལན་གྱི་ལུས་འདི་ཆོས་མི་ཐོབ་པའི་ཁར་སྡིག་པ་ཆེ་ལ་མང་བ་གསོག་པར་གདའ་བས་ལྕེབ་ནས་ཤི་སྡོད། ཕྱི་མ་ཆོས་ཐོབ་པའི་མི་ལུས་ཤིག་ཏུ་སྐྱེ་བར་ཐུགས་རྗེས་འཛིན་པར་ཞུ་བྱས་ལྕེབ་གྲབས་བྱས་པས། 我说道：“唉呀！我自己罪重，使大师及师母也受了许多委屈。现在我这个身子，不但得不到大法，还造很多很重的罪孽。不如自尽了吧！请你慈悲摄授让我来世得到能学法的人身。”说完，准备自杀。 བླ་མས་ང་བཟུང་སྟེ། སྤྱན་ཆབ་བསིལ་ཞིང་། ཨ་བོ་མཐུ་ཆེན་དེ་འདྲ་མ་བྱེད་ཅིག །རྒྱལ་བའི་བཀའི་མཐར་ཐུག་གསང་སྔགས་ཀྱི་ལུགས་ལ། རང་གི་ཕུང་ཁམས་སྐྱེ་མཆེད་ཐམས་ཅད་ལྷ་ལས་འདའ་ས་མེད་པ་ཞིག་ཡོད་པ་ཡིན། དུས་ལ་མ་བབ་པར་འཕོ་བ་བྱས་རུང་ལྷ་བསད་པའི་ཉེས་པ་ཡོད་ན། ལྕེབས་ན་དེ་བས་སྡིག་ཆེ་བ་ཅི་ཡོད། མདོ་ལུགས་ལའང་རང་སྲོག་རང་གིས་བཅད་པ་ལས་སྡིག་ཆེ་བ་མེད་པས་དེ་རྣམས་གོ་བར་གྱིས་ལ་ལྕེབ་པའི་བསམ་སྦྱོར་བོར་ཅིག །ད་དུང་བླ་མས་ཆོས་གནང་བའང་སྲིད། མ་གནང་རུང་བླ་མ་གཞན་ལ་ཆོས་ཐོབ་པ་ཞིག་ངེས་པར་འོང་གསུངས་ཞལ་ཏ་གནང་བའི་བར་ལ། 俄巴把我挡住，哭着说：“阿波吐勤，千万不要那样！如来教中最究竟的是密乘。密乘中的规矩，自身的一切蕴、界、处 ，无有一处不住有佛菩萨的；若死期未到时，即使修迁识往生 ，也有杀害佛菩萨之罪。况且自杀，较之其他罪更为深重。在显教中，也没有比这种自己杀害自己的罪更重的了。这些道理，你要明白，把自杀的想法完全抛弃吧！依我看，师父终究会传法给你的。假若真是不传，从别的师父处求法，也一定办得到的。” གྲྭ་པ་གཞན་རྣམས་ཀྱིས་ཀྱང་། ང་ལ་ཐུགས་ཀྱིས་མ་བཟོད་པར། རེས་ཡར་བྱོན་ནས་བླ་མ་ལ་ཞུ་སྐབས་ཨེ་འདུག་བལྟས། རེས་འགའ་མར་བྱོན་ནས་ང་ལ་སེམས་གསོ་མཛད་རུང་། ངའི་སྙིང་འདི་ལྕགས་ལས་བྱས་པ་ཡིན་ནམ། མིན་ན་གས་ཏེ་འཆི་ཐང་སྙམ་པའི་སྡུག་བསྔལ་བྱུང་སྟེ། ཚེ་སྟོད་ལ་སྡིག་པ་ཆེན་པོ་བྱས་པས་ཆོས་ཞུ་བ་རང་གི་ཕྱིར་ཡང་དེ་ལྟ་བུའི་སྡུག་བསྔལ་མྱོང་གསུངས། 正在劝我的时候，其他的僧众看见我这样，全都可怜我。有些进屋里去看看有无机会，想代为说情；有些又走出来安慰我。我想：“唉！我这心难道是铁打的吗？若不是的话，早该破裂了吧？”当时，受过这种痛苦。我前半生造了大罪，就是为了求法，也受了这样的苦啊！ དེའི་ཚེ་ཆོས་ཉན་པ་ཀུན་གྱི་ནང་ནས་མཆི་མ་དྲག་པོ་མི་གཏོང་བ་ནི་གཅིག་ཀྱང་མེད་དེ། སྐྱོ་ཤས་དང་ངེས་འབྱུང་གིས་བརྣངས་ཏེ་བརྒྱལ་བ་ཡང་འགའ་བྱུང་ངོ་། 尊者说完后，听法的人们，没有一个不泪下如雨的。有些为厌离心和出离心所窒息，几乎昏倒过去了。 །སྡུག་བསྔལ་ཡི་ཆད་ཀྱི་སྒོ་ནས་སྡིག་སྒྲིབ་སྦྱང་བའི་མཛད་པ་སྟེ་གཉིས་པའོ།། 以痛苦和失望涤罪大行第二章完。 |
|
|
41#
发布于：2017-11-02 20:17
|
|
|
|
42#
发布于：2017-11-02 20:16
autobug：这个不是我的翻译，是 藏文原文 和 刘立千的汉文翻译 的对照。我只是把两个文本编排在一起。了解，我會去下載font |
|
|
|
43#
发布于：2017-11-02 16:19
寂静涅槃大行之部
第二章 谒见上师 遵命笃行 以痛苦和失望的折磨将罪障清除无遗 Part 3 ང་ཐོན་པ་དང་ཡུམ་གྱིས་བླ་མ་ལ། ཡབ་ཀྱིས་མ་ཐུབ་པའི་དགྲ་དེ་ཐོན་ནས་མི་གདའོ། །ཐུགས་བདེ་ལགས་སམ་ཞུས་པས། སུ་གསུངས། འོ་ན་དགྲ་མི་ཤ་བོ་ཟིན་པ་ལྟར་ཡབ་ཀྱིས་སྡུག་གཏོང་བ་དེ་མཐུ་ཆེན་མིན་ལགས་སམ་ཞུས་པས། ཞལ་རས་ནག་ལོག་མཛད་ནས་སྤྱན་ཆབ་ཉིལ་བྱུང་སྟེ། བཀའ་བརྒྱུད་བླ་མ། མཁའ་འགྲོ་ཆོས་སྐྱོང་། ངའི་སྐལ་ལྡན་གྱི་བུ་ཁུག་ཤོག་ཅིག་གསུངས་དབུ་གཏུམས་ཏེ་བཞུགས་པར་གདའ། 当我走后，师母告诉师父：“你没能制伏的冤家已经走了，不在了。你安心了吧！”师父问：“谁呀？”师母说：“谁 ？ 就是你像对待仇人一样让他吃苦的那个人。难道他不是吐勤吗？”师父一听，脸阴沉下来，眼泪禁不住簌簌地往下落，说道：“噶举上师、空行、护法们，请召回我的有缘弟子吧！”说罢，捂着头坐在那里。 དེར་ངས་ཡུམ་གྱི་དྲུང་དུ་སླེབ། ཕྱག་ཕུལ་བས། ཡུམ་ཤིན་ཏུ་དགྱེས་ནས། དེ་ཀ་ལོས་དྲག །ད་ཁྱོད་ལ་བླ་མས་ཆོས་ཤིག་གནང་བ་འདྲ། ངས་ཁྱོད་ཐོན་འདུག་ཞུས་པས། ངའི་སྐལ་ལྡན་གྱི་བུ་ཁུག་ཤོག་གསུངས། སྤྱན་ཆབ་བསིལ་ཞིག་འདུག །ཁྱོད་བླ་མའི་ཐུགས་རྗེས་བཀུག་པ་འདྲ་གསུངས། ངའི་བསམ་པ་ལ་དེ་ཡུམ་གྱིས་ངའི་སེམས་གསོ་བ་ཡིན། ངེས་པར་བདེན་ནས་སྤྱན་ཆབ་འདོན་པ་དང་། སྐལ་ལྡན་གསུང་བ་ཡིན་ན་དག་ང་འཚེང་སྟེ། དེ་མིན་ཁུག་ཤོག་གསུང་བ་དང་། དབང་དང་གདམས་ངག་མི་གནང་ལུགས་ཀྱིས་སྐལ་ལྡན་མིན་ཚར་འདུག་པས། གཞན་དུ་འགྲོ་ས་ཡང་མེད། འདིར་ཆོས་ཀྱང་མི་ཐོབ་པའི་སྡུག་པོ་འོང་ངམ་སྙམ་པ་བྱུང་། 这时，我回到师母面前，向她顶礼。师母非常喜欢，对我说：“这就好了！这下或许师父要给你传法了。你走后，我去告诉师父时，他说请召回我的有缘弟子！还流了眼泪。或许你是师父的慈悲心勾摄来的。”我心想这些话不过是师母说来安慰我的。若说是真的，师父流了眼泪，我就很满足了。至于说到召我回来，可是又从不肯灌顶和传法，看来，完全不是什么有缘。然而，又别无去处，在这里又得不到法，不是又有苦头要吃吗？ དེར་ཡུམ་གྱིས་མཐུ་ཆེན་གྱིས་འོ་ཅག་བློས་མ་ཐོངས་པར་ལོག་བྱུང་ཕྱག་འབུལ་དུ་འོངས་པས་ཆོག་ལགས་སམ་ཞུས་པས། འོ་ཅག་བློས་མ་ཐོངས་པ་མིན། ཁོ་རང་བློས་མ་ཐོངས་པ་ཡིན། ཕྱག་འཚལ་དུ་ཐོང་ནའང་ཐོང་གསུངས་ཕྱག་འབུལ་ལ་ཕྱིན་པས། 我正在那里出神，师母跑去告诉师父：“吐勤对我们放心不下，他又回来了。允许他进来磕头吗？”师父说：“不是对我们放心不下，而是他对自己放心不下。他要来磕头就让他磕头吧。”于是，我进去顶礼。 བླ་མའི་ཞལ་ནས། མཐུ་ཆེན་ཙབ་ཙོབ་དང་བློ་མ་མང་བར་སྙིང་ནས་ཆོས་འདོད་པ་ཡིན་ན། ཆོས་ཕྱིར་སྲོག་ཀྱང་གཏོང་དགོས་པས། མཁར་ལ་ད་ཐོག་གསུམ་ཁོལ། དེ་ནས་གདམས་ངག་སྟེར། དེ་མིན་ངའི་ལྟོ་གྲོན་པ་མིན་པ་མེད། ཁྱོད་རང་ལ་འགྲོ་ས་ཡོད་པར་འདུག་པས་སོང་གསུངས་པས། ལན་ཞུ་མ་ནུས་པར་ཕྱིར་ཐོན་འོངས་ཏེ། 师父说：“吐勤，不要急躁，不要乱想。若诚心求法，为了法就是生命也可舍去。这房子还有三层了，完工后就传法。不然的话，我只不过是消耗些粮食而已。你有去处就去吧！”我不敢回答，退了出来， ཡུམ་ལ་ད་ཨ་མ་ཡང་དྲན་པོ་རང་གདའ། བླ་མས་ཆོས་ཀྱང་མི་གནང་བར་གདའ། མཁར་ལས་ཀྱི་འཕྲོ་ཚར་ནས་ཆོས་གནང་ན་བསྡད་རིན་ཆོག་པ་གདའ་སྟེ། མཁར་ལས་ཚར་རྟིང་ཡང་ཆོས་མི་གནང་བའི་བསྙད་ཅི་མཛད་ཁུངས་མི་གདའ་བས། བདག་ཡུལ་དུ་འགྲོ་བར་ཞུ། ཡབ་ཡུམ་སྐུ་ཁམས་བཟང་བར་སྨོན་ལམ་འདེབས་བྱས། ཕྱག་ཕུལ་ཏེ་དཔེ་ཆ་ཁྱེར་ནས་འོང་གྲབས་བྱས་པས། 对师母说：“现在我很想念母亲。师父呢，又不给传法。若把房子修完后能够传法，当然有价值留下来。但房子修完后，又会找一个什么借口不传法，这是很难断定的。现在，我请求回家去。祝师父师母佛体平安！说着顶礼后，拿起经书准备起身。 ཡུམ་གྱི་ཞལ་ནས། བུ་བདེན་ངས་དང་པོ་ཁས་བླངས་པ་ལྟར། བླ་མ་རང་གི་བུ་ཆེན་ཡང་ཡིན། གདམས་ངག་ཀྱང་ཡོད་པའི་རྔོག་སྟོན་ལས་ཆོས་ཐོབ་པའི་ཐབས་ཤིག་བྱའོ། །རེ་ཞིག་སྡོད་ལ་ལས་བྱེད་པ་ལྟར་གྱིས་ཤིག་གསུངས་དེར་དགའ་དྲགས་ལས་བྱེད་ཅིང་བསྡད་པས། 师母说：“孩子，你说的极是。前次我曾许诺过，想设法使你到俄敦大师处去求法。此人是师父的一个大弟子，也有教授。但是暂时要装着在此干活的样子。”我听了欢喜之至，就暂时住下干活。 པཎ་ཆེན་ནཱ་རོ་པ་དེ་ཚེས་བཅུ་ལ་ཚོགས་གཏོར་གྱི་མཆོད་པ་རྒྱ་ཆེན་མཛད་ཀྱི་ཡོད་འདུག་པས། དེའི་སྟོབས་ཀྱིས་མར་པ་ཡང་ཚེས་བཅུ་མཛད་ཅིང་འདུག །དེ་དུས་ཡུམ་གྱིས་ནས་ཁལ་རེ་ཡོད་པའི་ཆང་ཚོད་ཆེན་པོ་གསུམ་བཙོས་པ་ལ། གར་སླ་འབྲིང་གསུམ་དུ་བྱས་ནས། 过去，班勤那若巴每到初十必设盛大的会供供养，因此马尔巴也常作初十会供。这时，师母每次煮一斗青稞的酒，一共酿造了三次。把这些酒分成浓的、淡的、浓淡适中的三种。 ཡང་ལ་ཡང་བསིངས་བྱས་པའི་ཕུད་གར་མ་དེ། ཡུམ་གྱིས་གྲྭ་པ་རྣམས་བླ་མ་ལ་ཡང་ཡང་བཏུད་ནས་འདྲེན་དུ་བཅུག་ཡུམ་དང་ངས་ཀྱང་ཡང་ཡང་དྲངས། འབྲིང་པོ་གྲྭ་པ་རྣམས་ཀྱིས་གསོལ། སླ་བ་ནས་ཡུམ་གྱིས་ཞལ་རེག་པ་རེ་མཛད་ནས་མང་པོ་མི་གསོལ་བར་འདུག །ངས་ཀྱང་ཡུམ་བཞིན་བྱས་པས་མ་བཟི། གྲྭ་པ་རྣམས་ཀྱང་བད་འདུག །བླ་མ་ནི་ཕུད་གདའ་བ་དང་། ཞུ་མཁན་མང་བའི་སྟོབས་ཀྱིས་ཤིན་ཏུ་བད་ནས་མནལ་མཐུག་པོར་སོང་བའི་ཚེ། 师母把反复提纯过的最浓的头酒让僧众去劝师父喝，不断给他斟酒。有时师母和我也去斟。中等酒，僧众自己喝。最淡的，师母每次只沾一沾唇并不多饮。我也学着师母一样，故未喝醉。僧众都喝醉了。师父喝的是头酒，劝酒的人又很多，所以饮得大醉睡了。在他睡得很熟时， ཡུམ་གྱིས་གཟིམ་ཁང་ནས། བླ་མའི་ཕྱག་རྟགས། ནཱ་རོའི་སྐུ་རྒྱན། ཐུགས་དམ་པདྨ་རཱ་ག་རྣམས་བླངས་ཏེ། བླ་མའི་བཀའ་ཤོག་ལྟར་བྱས་པའི་ཡི་གེ། ཡུམ་གྱིས་སྔར་ནས་མཛད་མཛད་པ་ཞིག་འདུག་པ་དེ་ལ་ཕྱག་རྟགས་སྐྱོན་རྒྱ་བྱས་ཏེ། རྟེན་རྣམས་ན་བཟའ་བཟང་པོས་དྲིལ། ལ་ཅའི་དམ་ཁས་མནན་ནས་ང་ལ་གནང་སྟེ། ཡུམ་གྱི་ཞལ་ནས། འདི་རྣམས་བླ་མས་སྐུར་བ་ལྟར་གྱིས་ལ། བླ་མ་རྔོག་པའི་དྲུང་དུ་ཕུལ་ལ་ཆོས་ཞུས་ཤིག་གསུང་ང་གཞུང་དུ་བརྫངས་ཏེ། 师母从卧室中取出作为上师凭证的那若巴的身严，朱砂宝石的本尊像，同时又把一封假造为上师名义的信，盖了印鉴，密封缄口。她把佛像用好衣服包裹，又用火漆盖印后一并交给了我，对我说：“这些东西，你就说是师父托带的，把它供养给俄巴大师并向他求法。”就这样，遣送我前往雄地。 ངས་བླ་མ་རྔོག་པ་ལ་བློ་གཏད་ནས་ཕྱིན། དེ་ནས་ཞག་གཉིས་ཙམ་སོང་བ་དང་། ཡུམ་ལ་བླ་མའི་ཞལ་ནས། ད་ལྟ་མཐུ་ཆེན་ལས་ཅི་བྱེད་ཅིང་འདུག་གསུང་བ་ལ། ཁོ་འགྲོ་ཞིང་ཡོད་འོང་། དེ་མིན་བདག་ལ་རྒྱུས་མེད་ཞུས་པས། གར་སོང་གསུངས། ཁོ་མཁར་ལས་འདི་ཙམ་ཞིག་བྱས་རུང་ཆོས་མི་གནང་བའི་ཁར་བཀའ་བཀྱོན་དང་ཕྱག་འབེབས་མང་བར་བྱུང་བས། ད་བླ་མ་གཞན་དུ་ཚོལ་དུ་འགྲོ་ཟེར་ཆས་པ་ལ། ཡབ་ལ་ཞུས་རུང་ནི་ཐུགས་བརྩེ་མི་འདུག་པ་དང་། ཡང་ཕྱག་འབེབས་བྱས་སྙིང་རྗེ་བ་ལས་མི་འོང་སྙམ་ནས་མ་ཞུས། ངས་ནི་བཤོལ་ཅི་བཏབ་རུང་མ་ཐེབས་པར་སོང་ཞུས་པས། ཞལ་རས་ནག་ཐིང་བ་ཞིག་མཛད་ནས་ཇི་ཙམ་ལ་སོང་གསུངས། ཁ་སང་སོང་ཞུས་པས། དར་ཅིག་དགོངས་པ་ལ་བཞུགས་པའི་མཐར། ད་ལན་ངའི་བུ་དེ་ཐག་རིང་ཞིག་ཏུ་མ་སོང་བར་འདུག་གསུངས། 我便登程，一心投向俄巴大师处去。我走后两天，师父向师母问道：“现在吐勤在干什么活？”师母说：“恐怕走了，除此以外，我也不太了解。 ” 师父问：“往何处去了？ ” 师母说：“他修房子费了这么大的功夫，不但不给他传法，还要挨打受骂。因此，他在临走时说，现在我往别处投师去。我本想向师父禀告，但师父总看不起他，反会招来一顿打骂，实在可怜。所以没有告诉你。我尽力劝他留下他不肯听， 便走了。 ” 师父不高兴地问道：“走多时了？ ” 师母说：“昨天走的。 ” 师父顷刻入定， 出定后便说：现在我的孩子， 走得还不远。 དེར་ངས་གཞུང་གི་རི་བོ་ཁྱུང་ལྡིང་དུ་སླེབ་སྟེ། བླ་མ་རྔོག་པས་གྲྭ་པ་མང་པོ་ལ་བརྟག་གཉིས་འཆད་ཅིང་འདུག་པ་ལ། ཆོས་མཚམས། འཆད་པ་པོ་ང་ཆོས་ཀྱང་ང་། །རང་གི་ཚོགས་ལྡན་ཉན་པོ་ང་། །འཇིག་རྟེན་སྟོན་པ་བསྒྲུབ་བྱ་ང་། །འཇིག་རྟེན་འཇིག་རྟེན་འདས་པ་ང་། །ལྷན་ཅིག་སྐྱེས་དགའི་རང་བཞིན་ང་། །ཞེས་བྱ་བ་གསུངས་པའི་སྐབས་སུ། 这时，我到了雄地的穹顶山寺 ，刚好碰上俄巴大师在给很多僧众讲《喜金刚续第二品》 ，正讲到这一段：“说法者我法亦我，培有福德听法我，世间导师所修我，世和出世间亦我，俱生欢喜本性我。” ངས་ཀྱང་རྒྱང་ནས་ཕྱག་བཙལ་བས། བླ་མས་དབུ་ཞྭ་ཕུད་ནས་ཕྱག་ལན་མཛད་ཅིང་། བླ་མ་མར་པའི་སློབ་རྒྱུད་ཀྱི་ཕྱག་འཚལ་ལུགས་སུ་འདུག །ཆོས་མཚམས་ཀྱི་རྟེན་འབྲེལ་ཡང་ཤིན་ཏུ་ལེགས་ཏེ། ཁོང་རང་ཆོས་ཀུན་གྱི་བདག་པོར་འོང་བར་འདུག་པས། སུ་ཡིན་དྲིས་ཤོག་གསུང་། 这时，我远远地便顶礼起来。大师忙摘下帽子对我回礼，随即说：“看那人顶礼的样子像是马尔巴大师门下的规矩。他来至法会中，缘起很好，必将成为一切教法的主宰者。此人是谁？快去问来。” གྲྭ་པ་ཞིག་ངའི་སར་བྱུང་བས་ངོ་ཤེས་ཏེ། ཁྱོད་འདིར་གང་ལ་བྱོན་ཟེར་བ་ལ། ངས་བླ་མ་མར་པ་ཐུགས་བྲེལ་ཆེས་ནས་ང་གཅིག་པུ་ལ་ཆོས་གསུང་སྐབས་མ་བྱུང་བས། འདིར་ཆོས་ཞུ་རུ་འོངས་པ་ཡིན། དེའི་ཕྱག་རྟགས་སུ་ནཱ་རོའི་སྐུ་རྒྱན། ཐུགས་དམ་པདྨ་རཱ་ག་རྣམས་གནང་ཡོད་བྱས་པས། གྲྭ་པ་དེས་བླ་མའི་དྲུང་དུ། ཨ་པོ་མཐུ་ཆེན་ཡིན་པར་འདུག །དེས་ཞུ་དོན་རྣམས་ཕུལ་བས། 一个僧人到我面前，马上认出了我，因问我道：“你为何事到此？”我说：“因马尔巴大师极为繁忙，没有机会给我一人单独传法，来此是为了求法的。上师赐有那若巴大师的身严和朱砂宝石的本尊像等作为凭证。”那位僧人回到大师前禀道：“原来是阿波吐勤！”他把我的话完全代禀了。 བླ་མ་ཤིན་ཏུ་མཉེས་ཏེ། ངའི་གདན་སར་ཇོ་བོ་ནཱ་རོ་པའི་སྐུ་རྒྱན་དང་ཐུགས་དམ་འོང་བ་ཨུ་དུམ་ཝ་རའི་མེ་ཏོག་ལྟར་དཀོན་ཞིང་ངོ་མཚར་ཆེ་བས་བསུ་བ་བྱེད་དགོས། དེས་ན་ད་ལན་གྱི་ཆོས་མཚམས་ལེགས་སར་ཞོག །ཁྱེད་གྲྭ་པ་རྣམས་སོང་ལ་གདུགས་རྒྱལ་མཚན་དང་རོལ་ཆ་རྣམས་ཁྱེར་ལ་མྱུར་དུ་ཤོག །ཨ་བོ་མཐུ་ཆེན་ལ་ཕྱིར་ཁྱེད་པ་ཞིག་གྱིས་གསུང་། ང་ཕྱག་བཙལ་ས་དེ་ཀར་བསྡད་ཡོད་པས། གྲྭ་པ་ཞིག་བྱུང་ནས་ཞལ་ཏ་བསྒྱུར་སོང་། ངས་ཕྱག་བཙལ་ས་དེ་ལ་ཕྱིས་ཕྱག་འཚལ་སྒང་དུ་གྲགས། 大师很高兴，说道：“我的庙中，承蒙那若巴的身严和朱砂宝石佛像降临，这些如优婆罗花 ，实在稀罕，应当恭迎。今天的法会就在这美好的时刻暂停。你等弟子们快去拿幡、幢、宝盖和饶钹等乐器来。请阿波吐勤退出去一下。”我还坐在适才顶礼的地方。来了一个僧人向我转述了大师的吩咐。在我顶礼的那地方，后来便命名叫：“恰参岗 ”。 ངས་ཀྱང་ཕྱིར་བསྐྱེད་པས། དེ་མ་ཐག་གདུགས་རྒྱལ་མཚན་དང་རོལ་ཆ་བསམ་གྱིས་མི་ཁྱབ་པ་ཁྱེར་བའི་སེར་ཕྲེང་གི་བསུ་བ་མཛད་ནས། གཟིམ་ཁང་དུ་སླེབ་པ་དང་། ངས་ཕྱག་བཙལ་ཕྱག་རྟགས་རྟེན་དང་བཅས་པ་ཕུལ་བས། སྤྱན་ཆབ་བསིལ་ཞིང་དབུ་ཐོག་ཏུ་བཞག་ནས་བྱིན་རླབས་ཞུས་ཏེ། རྟེན་རྣམས་མཆོད་པ་བཟང་པོ་བཤམས་ནས་རྟེན་གྱི་གཙོ་བོར་བཞུགས་སུ་བཅུག །ཕྱག་རྟགས་དེ་བཀླགས་པས། 于是，我遵示退出。不一会僧众打着幡、幢、伞盖和敲着意想不到的乐器，列队迎请我到大师坐床处。我顶礼并献上师父的信和随信所附礼物。大师眼中流泪，将法宝放在头上，祈祷加持，设起盛大供养，把这些法宝作为比一切佛像经塔都珍贵的圣物供在首位，然后读师父的信。信中说道： རྔོག་ཆོས་སྐུ་རྡོ་རྗེས་བསྒྲུབ་བྱ་ལ་འདིར་ང་མཚམས་དམ་པོ་རང་ཞིག་ལ་ཆུག་ནས་མཐུ་ཆེན་ངང་ཐུང་བར་འདུག་པ། ཁོ་ཁྱོད་ལ་ཆོས་ཞུར་བཏང་བ་ཡིན་པས། དབང་བསྐུར་གདམས་ངག་སྟོན་ཅིག །དེ་ལྟར་བྱས་པས་ཆོག་པའི་བརྡར་ནཱ་རོའི་སྐུ་རྒྱན། ཐུགས་དམ་པདྨ་རཱ་ག་རྣམས་བསྐུར་བ་ཡིན་བྱ་བ་ཞིག་འདུག “俄曲古多杰知照： 我现闭关甚严，吐勤急不可待，故尔特命他前来求你传法。可为之传法灌顶。为了表示允许作此传授，特托他带来那若巴身严和朱砂宝石本尊像等为凭。” དེར་བླ་མའི་ཞལ་ནས། བླ་མའི་བཀའ་ཡིན་པས། དབང་དང་གདམས་ངག་ཅིས་ཀྱང་འོང་། ང་ཁྱེད་འབོད་དུ་རང་གཏོང་དགོས་སྙམ་པ་ཡོད་པ་ལ། བྱོན་པ་དེ་བླ་མའི་ཐུགས་རྗེ་ཡིན། ང་ལ་ཁམས་དང་དྭགས་ཀོང་ཡར་ལུང་རྣམས་ནས་གྲྭ་པ་མང་པོ་འོང་ཞིང་ཡོད་པ་ལ། དོལ་གྱི་ཡས་ཕོ་ཡས་མོ་བྱ་བའི་མི་ངན་རྣམས་ཀྱིས་ཆོས་རྒྱགས་མགོ་ཐོན་དུ་ཡེ་མ་བཅུག་པས། དེར་སེར་བ་ཞིག་ཕོབ་ཤོག །དེ་ནས་དབང་དང་གདམས་པ་བྱ་ཡིས་གསུངས། 于是，俄巴说：“既然上师有命，不管怎样是会得到灌顶和教授的。我也正想要派人来喊你，但你自己来了，这是师父的慈悲。从康区、塔波、工布、亚隆等地有很多僧徒来我处，因为有名叫兑野和野漠两地的一些坏人，常常劫夺他们的学法资粮，根本无法顺利通过。你给那里放一次冰雹，然后就给你传法灌顶。” དེར་ངའི་བསམ་པ་ལ། ལས་ངན་པ་ང་འདྲ་བ་ཞིག་འོང་བ། སེར་བ་བཏང་ན། འོངས་པ་དམ་པའི་ཆོས་ལ་འོངས་པ་ལ། འོང་བ་སྡིག་པའི་ལས་ཞིག་འོང་བར་འདུག །མ་བཏང་ན་ནི་བླ་མའི་བཀའ་བཅག་པར་ཡང་འགྲོ་ཞིང་ཆོས་ཀྱང་མི་ཐོབ་པར་འདུག་པས། སེར་བ་མི་གཏོང་ཐབས་མི་འདུག་སྙམ། རྫས་བསགས་སྔགས་ཀྱིས་བྲབས་པའི་ཐུན་ཁྱེར་ནས་ཡུལ་དེར་ཕྱིན་ཏེ། ལས་ལ་སྦྱར་ནས་སེར་བ་འབབ་ཏུ་ཆ་བ་དང་། 我心中寻思着，唉！竟有我这样罪深孽重的人呀！我是来放冰雹的呢，还是来求法的？我一来，又要造罪了。不放雹吧，恐怕又要违背大师之命，又得离开，也得不到法。看来，不放雹是不行的了。于是，把法器和作法时撒的咒沙拿到作法地点，开始作法降冰雹。 ཡས་ཕོར་རྒན་མོ་ཞིག་གི་ནང་དུ་གནས་གཡར་ཏེ་ཆར་ཡིབ་བྱས་པས། གློག་འཁྱུག །འབྲུག་ལྡིར། སྤྲིན་ནག་འདུས་ཏེ་སེར་བའི་མགོ་རེ་རེ་གཉིས་གཉིས་བྱུང་བ་དང་། རྒན་མོས་ལོ་སེར་བས་བརྡུངས་རྟིང་ངས་གང་ཟ་ཟེར་ངུ་ཞིང་འདུག་པས། 我在野坡的一个老妪家借地躲雨，一会儿，天空电闪雷鸣，乌云密布，冰雹开始星星点点地降下来。老妪哭泣说：“庄稼被冰雹打后我吃什么呀！” ངས་སྡིག་ཅིག་རང་བསགས་སྙམ། གནས་མོ་ཞིང་ཅི་འདྲ་ཞིག་ཡོད་པ་མྱུར་དུ་རི་མོར་བྲིས་དང་བྱས་པས། ཡོད་དག་འདི་འདྲ་ཡོད་དེ་ཟེར། གྲུ་གསུམ་མཆུ་རིང་ཞིག་བྲིས་བྱུང་བས། ལྟ་སྟངས་བྱས་སླ་ང་བཀབ་པས་མཆུའི་རི་མོ་ཅུང་ཟད་ཅིག་མ་ཁེབ་པ་དེ་རླུང་ཚུབ་ཅིག་གིས་སུབས་སོང་། 我心想我又造罪了！就问道：“姆姆，你的地是怎样的？快画个地形给我！”老妪说：“像这个样子。”说着画出一个长嘴三角形的地形图。我便作镇压手势，用锅盖上，但未完全盖住，图上的嘴露在锅外。因此露在外面那地角就被狂风扫光了。 དེར་སེར་ཐག་ཆོད་ནས་བལྟར་ཕྱིན་པས། ཡུལ་གཉིས་ཀྱི་ལྟག་གི་རི་ཐམས་ཅད་གྲོག་པོར་བཏང་། ཞིང་གཞན་ཐམས་ཅད་ནི་ལྷག་མེད་དུ་སོང་འདུག་པ་ལ། རྒན་མོའི་ཞིང་མ་སྐྱོན་པ་སྣུམ་རུག་གེ་འདུག །མཆུ་སེར་བས་བརྡུངས་རྟིང་ཆུ་ལོག་གིས་མནན་ཏེ་འདུག །ཞིང་དེ་ལ་ཕྱིས་ཀྱང་སེར་བ་ཅི་བྱུང་རུང་མི་འབབ་པས་མོ་ལ་སེར་ཁྲལ་མི་དགོས་ལ། ཆུ་ལོག་གིས་མནན་པའི་མཆུ་ལ་སེར་ཁྲལ་དགོས་ཀྱིན་ཡོད་སྐད། 冰雹停了后，我去看时，那两地的一切山梁都冲成沙壕，别人的所有土地都摧毁无余，只有老妪的地未受损害，麦穗依然黄澄澄地长着。那地角被雹摧毁后，又被山洪淹没。听说从此以后，不管下什么样的冰雹，总不降在这块地上。因此，老妪也不必交防雹捐 了。但被山洪所冲没的那地角，仍然要捐防雹钱。 དེ་ནས་ངས་ལོག་ཡོངས་བས། ལམ་དུ་ཕྱུགས་ལུག་རྣམས་ཆུ་ལོག་གིས་ཁྱེར་བའི་རྫི་བོ་རྒན་བྱིས་གཉིས་དང་ཕྲད་དེ། དེ་གཉིས་ལ་ང་ཡིན་ཏེ་བླ་མ་རྔོག་པའི་གྲྭ་པ་རྣམས་མ་བཅོམ་ཞིག །བཅོམ་ན་སེར་བ་འདི་འདྲ་རྟག་ཏུ་འབེབས་སོ་བྱ་བའི་ཕྱི་ཐན་བསྐུར་བས། ཡུལ་དེ་གཉིས་ཀྱིས་གུས་པས་བཏུད་དེ་ཡོན་བདག་ཏུ་གྱུར་པས་ཕྱིས་བླ་མའི་ཞབས་ཏོག་ཏུ་སོང་འདུག 在回来的路上，遇到一老一小两个牧人，他们的牛羊被洪水冲走了。我便对他们讲了我是谁，并捎了一个恫吓的口信，要他们不要抢劫俄巴大师的弟子们。若再抢劫，便要经常降下这样的雹子。因此，这两个地方的人，对我极端恭敬，成为施主。后来成了为俄巴喇嘛效力的人。 དེར་ངས་ཚེར་ཕུང་ཞིག་རང་གི་འོག་ནས་ཀྱང་བྱེའུའི་རོ་མང་པོ་རྙེད་པ་དང་། ལམ་བར་ཀུན་ལ་བྱ་དང་བྱི་བའི་རོ་བྱུང་ཚད་འཐུ་ཞིང་འོངས་པས། ཆར་ཁེབས་ཀྱི་སྟེང་གཡོགས་ཤིག་དང་ཐུ་བ་གང་བྱུང་བ། བླ་མའི་དྲུང་དུ་སྤུངས་ཏེ། བླ་མ་རིན་པོ་ཆེ་ད་བདག་གིས་འོངས་པ་དམ་པའི་ཆོས་ལ་འོངས་ནས་བྱུང་བ་སྡིག་པའི་ལས་ལས་མ་བྱུང་བས། སྡིག་པོ་ཆེ་ལ་ཐུགས་རྗེས་གཟིགས་འཚལ་ཞེས་ཞུས་ནས་ངུས་པས། 这时，我在荆棘丛下发现很多鸟儿的尸体，沿途到处都有鸟和老鼠的尸体。我都把它们拾起，把雨衣和衣兜都装满了，堆在大师的面前，禀道：“上师大宝，这次我来是为了求法。然而得到的，除了造罪外，一无所获。请以慈悲照看我这个大罪人吧！”说完痛哭起来。 བླ་མའི་ཞལ་ནས། ཨ་བོ་མཐུ་ཆེན་དེ་ཙམ་སྐྲག་མི་དགོས། རང་རེ་ནཱ་རོ་མཻ་ཏྲིའི་བརྒྱུད་པ་ལ་སྡིག་པོ་ཆེ་བཙན་ཐབས་སུ་སངས་རྒྱ་བ། བྱ་བརྒྱ་འུར་རྡོ་གཅིག་གིས་འདེད་པའི་གདམས་ངག་ཡོད་པ་ཡིན། ད་ལེན་སེར་བས་བསད་ཚད་ཀྱི་སེམས་ཅན་ཐམས་ཅད་མ་འོངས་པའི་ཚེ། ཁྱེད་རང་མངོན་པར་རྫོགས་པར་སངས་རྒྱས་པའི་ཞིང་དེར་འཁོར་གྱི་ཐོག་མར་སྐྱེ་བ་ཡིན། དེ་བར་ལ་ངའི་མཐུས་ངན་སོང་དུ་མི་སྐྱེ་བས་དགའ་བར་གྱིས་ཤིག །ཡིད་མི་ཆེས་ན་འདི་ལྟར་ཡིན་གསུངས། 大师说：“阿波吐勤，不要这样害怕。我们那若巴、弥勒巴祖师的法统，纵有大罪亦可用强制的方式成佛，有投掷一石而驱百鸟的教授。现在，凡被冰雹杀死的众生，未来往生于你成佛后的佛土，成为你的眷属上首 。在未成佛前，我施法力，使它们不投生恶道。你应当高兴才是！你若不信，少时便知。” དར་ཅིག་དགོངས་པ་ལ་བཞུགས་པའི་མཐར་སེ་གོལ་ཞིག་གཏོགས་པས། རོ་ཐམས་ཅད་སོས་ནས་ཧར་ལངས་ཏེ། སྐད་ཅིག་དེ་ཉིད་ལ་གནམ་ལ་འཕུར་དགུ་དང་ས་ལ་འཛུལ་དགུ་རྣམས་རང་རང་སོ་སོའི་གནས་སུ་སོང་བ་དང་། བླ་མ་སངས་རྒྱས་དངོས་སུ་མཐོང་སྟེ། རེ་རང་དགའ་ན་རེ་རང་དགའ། ད་ལན་སེམས་ཅན་མང་པོ་རང་ཞིག་ཤི་ན་འཚེང་སྟེ་སྙམ་པ་བྱུང་། 说着立即入定。出定后，弹了一下指头，那堆死尸都活了，突然站立起来。刹那之间，该在天上飞的一切飞禽都飞了，该在地上跑的一切走兽都跑了，一个个回到了各自的去处。这时，我明白了大师是真正的佛。高兴呀！高兴呀！我想此刻若有很多众生死去，他们也会很满足的。 དེ་ནས་དགྱེས་པ་རྡོ་རྗེའི་དཀྱིལ་འཁོར་དུ་དབང་བསྐུར། གདམས་ངག་གནང་ནས། བླ་མའི་གདན་ས་མཐོང་བའི་གྲོག་ལྡན་ཁ་ལྷོར་ལྟ་བ་ཞིག་ན་ཕུག་རོན་ཞིག་འདུག་པ་དེ་གསོས་ཏེ་འདག་སྦྱར་ལ་བསྡད་པའི་བུག་སྒོར། བླ་མས་ཆོས་གནང་ཞིང་ཡེངས་མེད་དུ་བསྒོམས་རུང་། མར་པའི་བཀས་མ་གྲོལ་བས་ཉམས་མྱོང་ཅི་ཡང་མ་སྐྱེས་པ་ལ། 于是，大师让我入 喜金刚曼荼罗，给我灌顶，并传教授。在一个能看见大师住处而又面向南方的石崖上有一个破岩洞，我把它修整一下，抹过泥后便住下来。我一心不乱地观修喇嘛在洞口为我所传之法。但是，因为没有得到马尔巴的允准，一点感受也生不起来。 ལན་གཅིག་བླ་མའི་ཞལ་ནས། ཨ་བོ་མཐུ་ཆེན། རྟགས་འདི་འདྲ་དང་འདི་འདྲ་བྱུང་ངེ་གསུངས། ཅི་ཡང་མ་བྱུང་ལགས་ཞུས་པས། ཅི་ཟེར་ངའི་བརྒྱུད་པ་འདི་ལ་དམ་ཚིག་གི་སེལ་མེད་ན་ཉམས་རྟོགས་ཀྱི་ཡོན་ཏན་མྱུར་དུ་མི་སྐྱེ་བའི་མཐུ་མེད་པ་ཞིག་ཡིན་ཏེ། ཁྱེད་རང་ནི་ང་ལ་དད་ནས་འོངས་པ་ཡིན། བླ་མའི་བཀས་མ་གྲོལ་ན་ནི་ཕྱག་རྟགས་གནང་དོན་ཡང་མེད་ཅི་ཡིན་ནམ། གང་ལྟར་ནའང་སྙིང་རུས་བསྐྱེད་ལ་སྒོམས་ཤིག་གསུངས་པས། 一次，喇嘛问我：“阿波吐勤，你生起这样或那样的验相 了吗？”我回答说：“什么也还没有呢！”师父说：“为什么？我的这个传承 ，只要没有破过三昧耶戒，不可能不很快生起证悟功德的。你呢，是因为很信仰我才来的呀！要说没有得上师允许，那就不可能赐我那么些礼物。这是什么原因呢？唉，不管怎样，你得勤奋地观修！” འཇིགས་ཆུམ་པ་ཞིག་བྱུང་སྟེ། དངོས་གནས་ཞུའམ་སྙམ་པ་ལ། ཞུ་རང་མ་སྤོབས་པར། བླ་མ་མར་པའི་ཐུགས་ཟིན་པ་ཞིག་ཅིས་ཀྱང་དགོས་པ་འདུག་སྙམ་པ་བྱུང་། སྙིང་རུས་བསྐྱེད་ནས་སྒོམ་ཞིང་བཞུགས་པའི་ཚེ། བླ་མ་མར་པས་སྲས་མཁར་གྱི་འཕྲོ་ལོངས་ནས། རྔོག་པའི་སར་གསུང་ཡིག་བྱུང་བ་ལ། 我听了不觉害怕起来，想把实情告诉他，却不敢开口。心想无论如何要得到马尔巴上师的悲心摄持才行！于是，我便勤奋观修起来。这时，马尔巴大师把未盖完的他儿子的住房盖好了。他给俄巴大师寄来一信，信上说： འདིར་ངེད་ཀྱི་སྲས་མཁར་ལ་སྤེན་པད་དགོས་པ་བྱུང་བས། ཁྱེད་ཀྱིས་དེ་ནས་སྤེན་ཁུར་གྱི་འབུལ་བ་ཅི་ལྕོགས་ཤིག་སྔོན་ལ་ཁྱེར་ཤོག །སྤེན་པད་དང་གཉྫྱི་ར་ཁེལ་བ་དང་། མཁར་གྱི་རབ་གནས། མདོ་སྡེ་འབུམ་གྱི་ཆེ་འདོན་རྣམས་དུས་མཉམ་དུ་བྱེད་པ་ཡོད་པས། དེ་ལ་ཁྱེད་རང་ཡང་ཤོག །དེ་ན་ངེད་ཀྱི་མི་ངན་དེ་ཡོད་འདུག་པ། དེ་ཡང་དེ་དུས་ཁྲིད་ཤོག་གསུངས་པ་ཞིག་འདུག་པས། “此间我儿子的住房，需要修柽柳女墙。望你先把你所能提供的柽柳运来！修柽柳女墙、盖宝顶、新屋开光和我儿子多德邦的成年庆典同时举办。你要前来参加。我们的坏人可能在你那儿，到时也把他领来！” བླ་མ་རྔོག་པ་ངའི་བུག་སྒོར་བྱོན་ནས། གསུང་ཡིག་བསྟན་ཏེ། ངེད་ལ་ཕྱག་རྟགས་འདི་བཞིན་འདུག །མི་ངན་དེ་ཡོད་འདུག་པ་གསུང་ལུགས་ཀྱིས་བླ་མའི་བཀས་རང་མ་གྲོལ་བ་འདྲ་གསུངས་པས། བདག་ལ་བླ་མ་རང་གི་བཀའ་ལུང་དངོས་ནི་མེད་ལགས་ཏེ། ཕྱག་རྟགས་རྟེན་དང་བཅས་པ་ཡུམ་གྱིས་གནང་ནས་འདིར་བརྫངས་པ་ལགས་ཞུས་པས། 俄巴大师到我闭关的洞口来，让我看信，说道：“我收到这样一封信。从信中说有‘坏人’的口气看来，似乎你未得到他的允许呀！”于是，我对他说：“我是没有师父亲自下的命令。信件及佛像等都是师母给的。她打发我到这里来的。” ཨེ་ཨེ་དེས་ན་རང་རེ་གཉིས་ཀྱིས་དོན་མེད་ཀྱི་ལས་ཤིག་བྱས་འདུག །བླ་མའི་བཀས་མ་གྲོལ་ན་ཡོན་ཏན་མི་སྐྱེ་བ་ལས་འོས་མེད་དེ་བྱ་ཐབས་མེད། ཁྱེད་རང་ལ་ཤོག་གསུང་བ་འདུག་པས་འགྲོའམ་མི་འགྲོ་གསུངས་པས། ད་ལན་བདག་ཀྱང་ཕྱག་ཕྱི་ལ་འགྲོ་བར་ཞུ་ཞུས་པས། འོ་ན་སྤེན་མ་རྣམས་བརྫངས་ནས། དུས་ངེས་པ་ཅན་སྒྲིག་ཏུ་སོང་ཡོད། དེ་བར་ལ་མཚམས་གྱིས་གསུངས། 大师说：“唉，唉！所以我们两人做一件无意义的事情。没有得到上师允许，自然不会有功德！这是没有办法的。信中说要让你去，你去不去呢？”我回答说：“好吧，这次我要求作为你的侍者同去。”大师说：“那么，先派人把柽柳送去，让他约定时间。在这期间，你仍然闭关坐静吧！ ” |
|
|
44#
发布于：2017-11-02 14:45
寂静涅槃大行之部
第二章 谒见上师 遵命笃行 以痛苦和失望的折磨将罪障清除无遗 Part 2 ཁྱམས་ལོངས་སུ་ཆ་བའི་ཚེ། དོལ་གྱི་ཚུར་སྟོན་དབང་ངེ་གསང་འདུས་ཀྱི་དབང་མོ་ཆེ་ཞུར་བྱུང་བས། ཡུམ་གྱི་ཞལ་ནས་ད་ལན་བུར་དབང་ཞིག་ཅིས་ཀྱང་ཐོབ་པ་བྱེད་གསུངས། མར་ལྟང་གཅིག །སྣམ་བུ་བུབས་གཅིག །ཟངས་ཆུང་གཅིག་རྣམས་གནང་བ་ཕྱག་རྟེན་ལ་ཕུལ་ནས་དབང་གྲལ་ལ་བསྡད་པས། 走廊快要完工时，兑地的楚敦旺额来求密集金刚大灌顶。师母说：“孩子，这次你无论如何去请求受灌顶。”又拿了一包酥油，一匹氆氇，一口小铜锅作为供礼。于是，我来到灌顶的法席上坐下。 བླ་མའི་ཞལ་ནས་མཐུ་ཆེན་ཁྱོད་དབང་གྲལ་ལ་སྡོད་པའི་དབང་ཡོན་ཅི་ཡོད་གསུངས། མར་ལྟང་དང་སྣམ་བུ་དང་ཟངས་དེ་རྣམས་ལགས་ཞུས་པས། དེ་རྣམས་ང་ལ་ཡོན་བདག་ཆེ་གེ་མོ་དང་ཆེ་གེ་མོ་རྣམས་ཀྱིས་ཕུལ་བའི་ནོར་ལགས། ངའི་ནོར་གྱིས་ཁྱོད་ཀྱི་དབང་ཡོན་མི་འོང་། ཁྱོད་རང་ལ་ཡོད་ན་ཁྱེར་ཤོག་དེ་མིན་ངའི་དབང་གྲལ་དུ་མ་སྡོད་གསུངས་བཞེངས་ནས་བཀའ་བཀྱོན་མང་པོ་གསུང་ཞིང་། ཞབས་ཐོས་བརྡུངས་ཏེ་བཏོན་པས། 师父又说：“吐勤，你坐在灌顶法席上，你有什么灌顶的供养？”我说：“有酥油、氆氇、铜锅等物。师父说：这些东西，都是大施主某某等供养给我的财物，怎么能拿我的财物作你灌顶的供养？你若自己有就送来。若是没有，就不许坐在我灌顶的法席上！”说着，起身狠狠责骂我一顿，用脚把我踢出门外。 ས་ལ་ཐིམ་ན་དགའ་བ་ལ་སྙམ་པ་དང་། ངས་མཐུ་བཏང་ནས་མི་མང་པོ་བསད། སེར་བས་ལོ་མང་པོ་བཅོམ་པའི་རྣམ་སྨིན་ཡིན་ནམ། ཆོས་ཡེ་མི་འོང་བ་མཁྱེན་པ་ཡིན་ནམ། བླ་མ་ཐུགས་རྗེ་ཆུང་ནས་མི་གནང་བ་ཡིན་ནམ། གང་ནའང་ཆོས་མེད་པའི་མི་ལུས་སྡིག་གསོག་པ་འདིས་ཅི་བྱེད། ལྕེབ་བམ་ལྕེབ་བམ་སྙམ་པའི་ཚེ། ཡུམ་གྱིས་ཚོགས་སྐལ་ཅིག་བསྐྱལ། སེམས་གསོ་མང་པོ་མཛད་ནས་སོང་རུང་། 这时，我真想能钻入地下才好。又想我曾经施过咒术害死很多人，又放冰雹打坏了许多禾苗。这是报应吗？！或者他知道我根本没有修法之分吗？！或者是上师悲心不大不肯传授吗？！ 唉！不管怎样，不能修法只能造罪，这个身子要它何用呢？几次三番都想自杀。这时，师母又给我送来供神后所分得的东西，并安慰我，很久以后才离去。 ཚོགས་ལ་རོལ་བའི་འདུ་ཤེས་ཀྱང་སྟོར་ནས། མཚན་ཡལ་ངུ་ཞིང་བསྡད་པས། ནང་པར་ཡང་བླ་མ་བྱོན་ནས། ད་ཁྱོད་རང་ཁྱམས་དང་སྤེའུའི་འཕྲོ་སློང་ལ་མཐར་སྐྱོལ། དེ་ནས་དབང་དང་གདམས་ངག་སྟེར་རང་སྟེར་གསུངས་ནས་མཁར་ལས་བྱས་པས། ཁྱམས་མཐར་ཕྱིན་དུ་ལོངས། 我没有心思吃那些供物，整整哭泣了一夜。次晨，师父又来了，对我说：“这次你把未完工的走廊和山神堂修筑完，我当然传给你灌顶和教授。”我又去修建房子，把走廊修完。 དེའི་དུས་ངའི་ཚང་ར་ལ་ཡང་སྒལ་པ་གཅིག་བྱུང་སྟེ། སྒལ་མིག་གསུམ་ཀ་ནས་རྣག་ཁྲག་འཛག་པ་དང་། རྒྱབ་རྨ་རུ་སོང་བ་ཡུམ་ལ་གཟིགས་ཕུལ་ཏེ། མཁར་གྲུ་བཞི་འགྲམ་འདིང་དུས་ཀྱི་ཞལ་བཞེས་རྣམས་བསྙེལ་གསོས་ནས། ཆོས་དྲན་དྲགས་ཆོས་ཞུ་གྲོགས་སུ་སྦྲན་པས། ཡུམ་གྱིས་ལེགས་པར་གཟིགས་ནས་སྤྱན་ཆབ་བསིལ་ཏེ། ངས་བླ་མ་ལ་ཞུ་གསུང་། 那时，在我的臀部又磨了一个伤口。三个伤口都溃烂了，脓血淋漓，背上的伤口溃烂成大疮。我让师母看，请求师母去提醒一下师父在打这个方形碉房地基时答应过的那些话。同时，我因求法心切，也要求帮我代为求法。师母把伤处仔细地看过一遍，也流下眼泪来。她说：“我去告诉师父。” བླ་མའི་དྲུང་དུ་བྱོན་ནས་ཞུས་པ། བླ་མ་རིན་པོ་ཆེ། མཐུ་ཆེན་གྱིས་འདི་ཙམ་གྱི་མཁར་ལས་བྱས་པས་ཡན་ལག་ཐམས་ཅད་རྨ་དང་སེར་ཀར་སོང་། རྒྱབ་ལ་སྒལ་མིག་གསུམ་བྱུང་བ་ནས་རྣག་ཁྲག་བསམ་གྱིས་མི་ཁྱབ་པ་འཛག་གིན་གདའ། སྔར་རྟ་བོང་ལ་སྒལ་པ་བྱུང་ཟེར་བ་རྣ་བས་ཀྱང་ཐོས། མིག་གིས་ཀྱང་མཐོང་སྟེ། མི་ལ་སྒལ་པ་བྱུང་ཟེར་བ་ཐོས་ཀྱང་མ་ཐོས་མཐོང་ཡང་མ་མཐོང་། འདི་འདྲ་མི་གཞན་གྱིས་མཐོང་བ་དང་ཐོས་པ་བྱུང་ན་ང་ངོ་ཡང་ཚ་བར་གདའ། ཡབ་རང་བླ་མ་ཆེན་པོ་ལགས་པས་ཞབས་ཡང་འདྲེན་པར་གདའ། ཁོ་སྙིང་ཡང་རྗེ་བར་གདའ་བས། ད་བུ་འདི་ལ་ཆོས་ཤིག་གནང་བར་ཞུ། དང་པོ་མཁར་ལོངས་ནས་ཆོས་གནང་བར་མཛད་པ་ལགས་མོད་ཞུས་པས། 说罢，就到了师父那里，对他说：“上师大宝！吐勤搞了那么多的修建，手脚都磨破了，长了疮，背上有三个大孔，脓血流个不止。过去只听说过马、驴等牲口背上磨烂了长疮，也见到过。至于人体磨烂长疮的事没有听说过，更没有见过。这事，让别人听到或者看见会出丑的。上师，你自己是一位大喇嘛，出现这等事真可耻！他确实怪可怜的，快给这个孩子传一点法吧。开始不是说过房子修完了就传法吗？” བླ་མའི་ཞལ་ནས་དེ་ཀ་ང་ཟེར། མཁར་བཅུ་ཐོག་ལོངས་ནས་ཆོས་སྟེར་བར་བྱས་པ་ཡིན་པས་བཅུ་ཐོག་ག་རེ་གསུངས། བཅུ་ཐོག་ལས་ལྷག་པའི་ཁྱམས་བརྩིགས་པ་ལགས་མོད་ཞུས་པས། ལབ་ལབ་མང་ཁ་ན་མེད། བཅུ་ཐོག་ཁེལ་ན་ཆོས་སྟེར་བ་ཡིན་སྒལ་པ་རང་བྱུང་འདུག་གམ་གསུངས་པས། དེས་ན་ཡབ་སྐུ་དབང་གིས་གཅོད་པར་གདའ་བས་གང་དགྱེས་ཡིན། སྒལ་པ་བྱུང་བ་ཙམ་དུ་མ་ལུས་པར་རྒྱབ་སྒལ་པར་སོང་གདའ་ཞེས་ཟུག་གེ་བ་ཞུས་ནས་མྱུར་དུ་བྱོན་པས། 师父说：“是的，我这样说过，等十层楼修完了就传法。十层楼在哪儿？”师母说：“岂止十层！不是另外还修了走廊么？”师父说：“别多话，十层修完了就传法。他的背真是烂了吗？”师母答：“这都是你任性所致，随你的便好了！他的背上不仅仅长了疮，整个背部都完全溃烂了。”师母很气愤地诉说后急忙走了。 འོ་ན་ཡང་ཤོག་གྱིས་གསུངས། ཆོས་གནང་བ་ཡིན་ནམ་སྙམ་ཕྱིན་པས། མཐུ་ཆེན་སྒལ་པ་སྟོན་དང་གསུངས། གཟིགས་ཕུལ་བས་ལེགས་པར་གཟིགས་པའི་མཐར། ཁྱོད་ཀྱི་འདི་བས་ལྷག་པ་ངའི་ཇོ་བོ་ནཱ་རོ་པ་དེས་དཀའ་ཆེན་བཅུ་གཉིས། དཀའ་ཕྲན་བཅུ་གཉིས་ཏེ། དཀའ་བ་མི་འདྲ་བ་ཉེར་བཞི་སྐུ་ལུས་རང་གི་ཐོག་ཏུ་སྤྱད་པ་ཡིན། ངས་ཀྱང་གཅེས་པའི་སྲོག་དང་ཕངས་པའི་ནོར་ལ་མ་བལྟས་པར་ཇོ་བོ་ནཱ་རོ་པ་བསྟེན་པ་ཡིན། དེའི་ཕྱིར་ཆོས་འདོད་ན་ཡུས་མ་ཆེ་བར་མཁར་ལས་ཀྱི་འཕྲོ་གྱིས་གསུང་བ་ལ་དེ་ཡང་མད་སྙམ་པ་བྱུང་། 师父说：“那么叫他来！”我以为也许要给我传法了，便去到师父跟前。 师父说“ ：吐勤， 把溃烂处让我看看！ ” 我让他看， 师父仔细看了一遍说道：“我的怙主那若巴在自己的身体上经受了十二大苦行，十二小苦行，不同的苦行共二十四种，比你这个要厉害得多。我自己也是不顾可爱的生命，不惜财帛，拜那若巴为师。所以，要想求法，就不能抱怨受苦。还是去修未完工的房子吧！”我想师父说得也对。 གོས་ལ་སྒལ་ཚགས་མཛད་དེ། རྟ་བོང་ལ་ཡང་འདི་བཞིན་བྱེད་ཀྱིན་འདུག་པས་སྒལ་ཚགས་གྱིས་ལ་ས་རྡོ་སྐྱོལ་གསུངས། རྒྱབ་རྨར་སོང་བ་ལ་སྒལ་ཚགས་ཀྱིས་ཅི་ལ་ཕན་ཞུས་པས། ས་མི་འཆོར་བ་ལ་ཕན་གསུངས། དེར་བླ་མའི་བཀའ་ཡིན་སྙམ་ས་སྣོད་མདུན་དུ་ཁྱེར་ནས་ས་བསྐྱས་ཤིང་ཞལ་བ་བྱས་པ་བླ་མས་གཟིགས་པས། བླ་མས་ཅི་གསུང་སྒྲུབ་པའི་སྐྱེས་བུ་ངོ་མཚར་ཆེ་སྙམ། མར་པ་རང་ཡང་ལྐོག་ཏུ་སྤྱན་ཆབ་ཤོར་འདུག 师父在我的衣服上加了一个背垫，并说：“马驴都是这样做的。衣服上已经加上了背垫，快去搬土运石吧！”我问：“背上已经溃烂长疮了，在衣服上加背垫有什么益处？”师父说：“泥土不至于钻进去。”我想这是上师的命令，不好违抗，只好把取土的工具，挂在胸前去运泥土和粉刷墙壁。上师看见后，心想这样遵从师命的大德实在罕有！他自己也禁不住在一旁暗暗流泪。 དེར་རྨ་རྣམས་འགྲམས་ནས་ཤིན་ཏུ་ན་བའི་ཚེ། ཡུམ་ལ་ཞུས་ནས་རབ་ཆོས་གནང་བ། ཐ་མའང་རྨ་སོས་སོས་བར་བསྡད་རྒྱུ་འོང་བའི་ཞུ་བ་ཡུམ་གྱིས་ཕུལ་བས། མཁར་མ་ཚར་བར་ཆོས་མི་འོང་། ལས་ནུས་ན་ཅི་ལྕོགས་གྱིས། མི་ནུས་ན་སྡོད་པ་ལས་འོས་མེད་གསུངས། ཡུམ་གྱི་ཞལ་ནས། རྨ་དང་སྒལ་པ་རྣམས་མ་སོས་བར་ལས་མ་བྱེད་པར་སྡོད་གསུང་། 那时，我的伤口继续发展，痛苦不堪，去告诉师母。师母遂代我转禀，要求最好是传法，否则至少也要准许养伤休息。师父说：“碉房未修完，不能修法。若能干活就尽量干活，实在不能干活，只好住下休息了。”于是，师母给我说：“疮伤未养好之前，不要干活，坐下养息。” བསྡད་པའི་བར་ལ་ཟ་མ་བཅུད་ཆེ་ལ་བཟའ་ཆེ་བ་གནང་བས་ཞག་འགའ་ཆོས་མ་ཐོབ་པའི་སེམས་ལས་མིན་པ་སྐྱིད་དུ་ཚོར་བ་བྱུང་། དེར་རྨ་དགའ་རབ་སོས་པ་དང་། བླ་མའི་ཞལ་ནས་ཆོས་ཀྱི་སྒྲོས་མེད་པར། མཐུ་ཆེན་ད་ཡང་མཁར་ལས་རན་གསུང་པས་བྱེད་གྲབས་ཡོད་ཚེ་ཡུམ་གྱི་ཞལ་ནས། ད་རང་རེ་གཉིས་ཆོས་ཐོབ་པའི་ཐབས་ཤིག་བྱེད་གསུངས། 在休息期间，师母给我最好的滋补食品吃。过了几天，除因未得法要心中不安而外，其他都感到很舒服，疮也大半痊愈了。师父说：“不要提传法的事。 吐勤， 现在该继续动工了。 ” 我刚要去干活时，师母来对我说：“我们来商量一个求法的办法。” ངེད་གཉིས་ཀྱིས་གྲོས་བྱས་ནས། ངས་ཕྱེ་སྒྱེ་ཆུང་ངུ་མ་ཞིག་གི་ཁར་དཔེ་ཆ་དང་ཆས་ཕྲན་ཚེགས་ཡོད་པ་དྲགས་ཏེ། བླ་མས་གཟིགས་ས་ཞིག་ཏུ་ད་ང་གཏོང་གྲོགས་མཛོད་ཟེར་ཞིང་འགྲོ་བ་ལྟར་བྱས། ཡུམ་གྱིས་ད་ངས་བླ་མ་ལ་ཞུས་ནས་ཆོས་འོང་རང་འོང་བར་བྱའོ། །ཅིས་ཀྱང་སྡོད་གསུང་ཞིང་འཛིན་པ་ལྟར་མཛད་པས། 于是，我们二人议定，我在一个装糌粑面的小口袋上面捆着一些经书和零星的东西，在师父能看得到的地方，故意对师母说：“这下请放我走！”说了便装着要走的样子。那时，师母说：“现在我去告诉师父，当然会得到法的。你无论如何要留下来！”她又故作挽留之状。 བླ་མས་གཟིགས་ཏེ། བདག་མེད་མ་ཁྱེད་གཉིས་ཅི་བྱེད་ཅིང་ཡོད་པ་ཡིན་གསུངས། མཐུ་ཆེན་ཁོ་དང་པོ་ས་ཐག་རིང་ནས་བླ་མའི་དྲུང་དུ་ཆོས་ལ་གཏད་ནས་འོངས་པ་ལ། ཆོས་མི་གནང་བའི་ཁར་བཀའ་བཀྱོན་དང་ཕྱག་འབེབས་མང་བ་ལས་མ་བྱུང་བས། ཆོས་མེད་དུ་ཤི་ཡིས་དོགས་ད་བླ་མ་གཞན་ཚོལ་དུ་འགྲོ་ཟེར་ཆས་གདའ་བ་ལ། བདག་གིས་ཆོས་གནང་བའི་ཁག་ཁུར་དང་ངོ་ཆེན་བྱེད་བྱས་བཤོལ་བཏབ་པ་ལགས་ཞུས་པས། 我们这样做，果然被师父看见了，便问：“达梅玛， 你们两人在干什么？ ” 师母即回答说：“吐勤他原先是从远方派到大师跟前求法的。你不但未传法给他，反而让他多次挨打受骂。他怕未学到法之前，便已身亡，现在准备到别处去投名师。我劝他留下说：“我代你在师父面前求情，保证传法给你。” གོ་གསུང་ཕྱིར་བྱོན་བྱུང་སྟེ། ང་ལ་འགྲམ་ལྕག་མང་པོ་བརྒྱབ་ནས། ཁྱོད་དང་པོ་ངའི་སར་སླེབ་མ་ཐག་ལུས་ངག་ཡིད་གསུམ་ང་རང་ལ་ཕུལ་ཚར་བ་ལ་ད་ཁྱོད་གང་དུ་འགྲོ་བ་ཡིན། ནན་ཏར་མ་སོང་ན་ང་རང་དབང་བའི་ལུས་ངག་ཡིད་གསུམ་དུམ་བུ་བརྒྱར་གཏུབས་ཀྱང་ང་རང་དབང་ཆེ་མོད། ཅིས་ཀྱང་ཁྱོད་ཐོན་འགྲོ་ན། ངའི་ནང་ནས་ཕྱེ་ཁྱེར་བའི་རྒྱུ་མཚན་ཤོད་གསུངས། སྒྱེལ་ཞིང་བརྡུངས། ཕྱེ་ཕྲོགས་ཏེ་ནང་དུ་བསྣམས་སོང་བ་དང་། 师父应道：“我懂了。”遂走出来，给了我一阵耳光，骂道：“你最初刚到我跟前来时，说把身语意三业供养给我了。现在你要往哪儿去？当心点！说真的，属于我所有的你的身语意三业，就是把它剁成百段，我都完全有权。不管怎样说，你若真的要走，你从我家把糌粑拿去，是什么道理？你说！”于是，把我推倒就打，并将糌粑口袋抢走，拿着进屋里去了。 སེམས་ཕམ་པ་ལ་ཚད་མེད་པ་བུ་གཅིག་པུ་ཤི་བའི་མ་ལྟ་བུ་བྱུང་རུང་། ཡུམ་དང་གྲོས་ཡོད་པ་དང་། བླ་མ་ཟིལ་ཆེ་བས་ཟིལ་མ་བཟོད་པར་ནང་དུ་ལོག་ནས་ངུ་ཞིང་བསྡད་པས། ཡུམ་གྱི་ཞལ་ནས་རེ་ཞིག་ཐབས་ཅི་བྱས་རུང་། བླ་མས་ཁྱོད་ལ་ཆོས་མི་གནང་བར་འདུག་སྟེ། འོན་ཀྱང་ནམ་གཞུག་གནང་བ་ཞིག་ཅིས་ཀྱང་འོང་། དེ་བར་ལ་ངས་ཅིག་བྱ་གསུངས། རྡོ་རྗེ་ཕག་མོའི་སྒོམ་ཐབས་ཤིག་གནང་བས་ཀྱང་། ཉམས་མྱོང་མ་སྐྱེས་རུང་སེམས་ལ་ཤིན་ཏུ་ཕན་པ་དང་ཟིད་ཐུང་བར་བྱུང་སྟེ། 这时，我悲痛万分，如死了独子的母亲一样难受。由于和师母商议的计划失败了，师父又十分威严，我忍受不了，便回到屋里，坐着哭泣起来。师母安慰我说：“虽然采取各种方法，但上师都不传法给你。将来无论如何是会传的。此前，我可以传法给你。 ” 遂传了我金刚亥母 的现修法。虽然未得到感受，但心中却获益不浅，凡念也减少了。 ཡུམ་རང་གི་སྐུ་དྲིན་བསབ་པ་དང་། བླ་མའི་ཡུམ་ཡིན་པས་སྡིག་པ་འདག་བསམ། མནང་ཆུང་དབྱར་ཡུམ་བ་འཇོ་བའི་འཇོ་སྟེགས། གོ་གར་ཡོས་རྔོད་པའི་རྔོད་སྟེགས་ཚུན་མཛད་ཅིང་ཞབས་ཏོག་བསྒྲུབས། 我想，一则报答师母的大恩，同时，她是上师的妻子，可以求得罪垢清净。于是，在夏天帮她抬挤奶的架子和放在灶前炒青稞用的椅凳，这些小事我都尽力效劳。 དེའི་ཚེ་ངེས་པར་བླ་མ་གཞན་ཚོལ་དུ་འགྲོ་དགོས་སྙམ་པ་ལ། བསམ་མནོ་ལེགས་པར་བཏང་བས། ཚེ་གཅིག་ལུས་གཅིག་ལ་སངས་རྒྱ་བའི་གདམས་ངག །བླ་མ་འདི་མིན་པ་གཞན་ལ་མེད་པར་ཐག་ཆོད་འདུག །ད་ལན་སངས་རྒྱས་མ་ཐོབ་ན་ངས་ཕྱི་མ་ངན་སོང་དུ་སྐྱེ་བའི་ལས་བསགས་ཚར་ཡོད་པས། ཆོས་ཕྱིར་ནཱ་རོ་པའི་དཀའ་བ་ཙམ་སྤྱད་ནས། བླ་མ་འདི་ཅི་མཉེས་ཤིག་གིས་གདམས་ངག་ཐོབ་པར་བྱས་ལ། བསྒོམས་ནས་ཚེ་འདིར་སངས་རྒྱས་ཐོབ་པ་ཞིག་བྱེད་དགོས་སྙམ་ནས། ཡང་ས་རྡོ་བསྐྱས་ནས་ཁྱམས་དང་གཙང་ཁང་གི་ཞལ་པའི་འཕྲོ་བྱེད་ཅིང་ཡོད་པའི་ཚེ། 当时，虽然想一定得去另访名师，但是，我仔细地想了想，一生即身能够成佛的教授，除这个上师外，肯定没有其他的人知道。今生若不能成佛，就给来世造了堕入恶道的罪业。为了求法，应当像那若巴大师那样苦干下去，尽量使上师欢喜，求得他的教授，然后修行，今生方能成佛呀！这样一想，我便又去搬土运石，继续粉刷走廊和山神堂。 གཞུང་གི་རྔོག་སྟོན་ཆོས་རྡོར་འཁོར་དང་བཅས་པ་འབུལ་བ་མང་པོ་ཁྱེར་ཏེ་དགྱེས་པ་རྡོ་རྗེའི་དབང་མོ་ཆེ་ཞུར་བྱུང་བས། ཡུམ་གྱི་ཞལ་ནས། ཡབ་མཁར་ལས་ཀྱི་ཞབས་ཏོག་འདི་ཙམ་གྱིས་མི་ཆོག་པར་ནོར་རང་ལ་དགྱེས་ན། ད་ལན་འབུལ་བ་ཕུལ་ཏེ། དབང་ཐོབ་རང་ཐོབ་པ་ཞིག་བྱེད་པས། འདི་ཕུལ་ལ་སྔོན་ལ་ཁྱོད་རང་གིས་ཞུས་ཤིག །མ་གནང་ན་ངས་ཞུ་ཡིས་གསུངས། ཡུམ་རང་གི་ཕག་ནོར་གྱི་གཡུ་དྲུག་དམར་ཆེ་ལ་ལེགས་པ་ཞིག་གནང་བ་དེ་ཕུལ་ནས། ད་ལན་གྱི་དབང་འདི་བདག་ལའང་ཅིས་ཀྱང་གནང་བར་ཞུ་ཞུས་ཏེ། དབང་གྲལ་ལ་བསྡད་པས། 那时，雄地的俄敦曲多和他的眷属带了很多的供养，来求喜金刚 大灌顶。师母对我说：“要是师父对你修房子所受的苦还嫌不够，只喜欢财物的话，这次可以供养他一件供品。那样，定会得到灌顶。你把这个东西供养他。你自己先去请求，若是不许，我再代你请求。”说着，师母把一个又大又好、放红光的私房松耳石给我。我就将它献给上师，禀道“ ：这次无论如何请传授我这个灌顶！ ” 说罢， 就坐在灌顶席内。 གཡུ་སློག་ཅིང་གཟིགས་ནས། མཐུ་ཆེན་ལ་འདི་གང་ནས་བྱུང་། བདག་ལ་ཡུམ་གྱིས་གནང་བ་ལགས་ཞུས་པས། ཞལ་འཛུམ་མཛད་དེ། བདག་མེད་མ་བོས་ཤོག་གསུངས། ཡུམ་སྤྱན་དྲངས་པས། བདག་མེད་མ་འོ་སྐོལ་ལ་གཡུ་འདི་ག་ནས་བྱུང་གསུང་བ་ལ། 师父把松耳石反复看了一遍，说：“吐勤，你这东西从哪里来的？ ” 我禀道：“是师母赐给我的。 ” 师父微笑了一下说：“去喊达梅玛来！ ” 我请来了师母。 师父问道：“达梅玛， 我们这松耳石从哪儿来的？” དེར་ཡུམ་གྱིས་ཕྱག་མང་པོ་ཕུལ་ནས། གཡུ་འདི་ལ་ཡབ་ཀྱི་ཐེ་རེག་ཡེ་མེད་ལགས། འདི་དང་པོ་ང་ཕ་མས་ཡབ་ཀྱི་དྲུང་དུ་རྫོང་བའི་ཚེ། བླ་མ་ཡང་ཐུགས་གཏུམ་མེ་བ་ཞིག་ཡོད་པར་འདུག་པས། གལ་ཏེ་བཟའ་ཚོ་བྱེ་བྲལ་ལ་སོང་ན་དགོས་པས་འདི་སུ་ལའང་མ་སྟོན་པར་ཚགས་གྱིས་ཤིག་ཟེར་བདག་རང་གི་ཕག་ནོར་དུ་གནང་བ་ལགས་ནའང་། ད་བུ་འདི་སྙིང་རྗེ་དྲགས་མ་བཟོད་པར་བྱིན་པ་ལགས་པས། གཡུ་འདི་ཡབ་བཞེས་ལ་མཐུ་ཆེན་ལ་དབང་བསྐུར་ཐུགས་རྗེས་འཛིན་པར་ཞུ། སྔར་དབང་གྲལ་ནས་བཏོན་པའི་ཡི་ཆད་མང་པོ་རང་མྱོང་བས་ད་ལན་བླ་མ་རྔོག་པ་འཁོར་བཅས་ཀྱིས་ཀྱང་ངའི་ཞུ་བ་འབུལ་གྲོགས་མཛོད་ཅིག་གསུངས། ཕྱག་མང་དུ་ཕུལ་བས། 师母向师父磕了很多头， 答道：“这个松耳石与你无关。此是当初我父母让我嫁给你时，考虑到你的脾气暴躁，万一有一天夫妇不和睦，要分离时，这很有用，于是赐给了我，叫我不要让人看见，暗中保藏着，作为我的私房。眼下这孩子实在可怜，我心不忍，所以赐给了他。大师，请你把松耳石收了，发大慈悲，让吐勤受灌顶吧！以前多次把他从法座中赶走，使他失望伤心。现在请俄巴师父及其眷属也帮我哀求上师允准吧！”说完又多次顶礼。 བླ་མ་ཐུགས་གཏུམ་པའི་སྟབས་ཀྱིས་རྔོག་པ་འཁོར་བཅས་ཀྱིས་ཀྱང་ཞུ་བ་གཞན་འབུལ་མ་ནུས་པར་དེ་ལྟར་ལགས་སོ་ཞེས་ཡུམ་དང་མཉམ་པོར་ཕྱག་ཕུལ་བས། བླ་མའི་ཞལ་ནས། བདག་མེད་མའི་བྱེད་ལུགས་ཀྱིས་གཡུ་བཟང་པོ་མི་ལ་ཤོར་ཚད་ཚད་པ་བྱུང་འདུག་གསུངས། 因为师父脾气暴躁，俄巴及其眷属也不敢多说话，只说：“就那样吧！”并和师母一齐向上师顶礼。师父说：“达梅玛这种做法，几乎让很好的松耳石落入别人之手。” གཡུ་མགུལ་དུ་བཞེས་ནས་བདག་མེད་མ་ཁྱོད་བསམ་མནོ་མ་ཆུང་། ཁྱོད་རང་རིལ་པོ་ང་དབང་ན། གཡུ་ང་ཡི་དབང་ཡིན་མོད། མཐུ་ཆེན་ཁྱོད་རང་ལ་ནོར་ཡོད་ན་ཁྱེར་ཤོག་དབང་བསྐུར་གྱིས། གཡུ་ང་རང་གི་ཡིན་པར་འདུག་གསུང་རུང་། ཡུམ་གྱིས་གཡུ་ཕུལ་བའི་ཡུས་ཀྱིས་ད་དུང་ཞུ་བ་འོང་ངམ་སྙམ་བསྡད་པས། 他把松耳石带在颈上说道：“达梅玛，你不要糊涂！连你整个身体都是属于我的，松耳石当然也是属于我的。吐勤，你自己若有财物就献上来，可以领受灌顶！这个松耳石是我自己的。”我以为虽然师父这么说，但是师母献了松耳石，一定不甘心，可能还会再次要求的，于是，我就坐着不动。 བླ་མ་ཐུགས་ཁྲོས་ནས་ཧར་གྱིས་བཞེངས་ཏེ། ཐོན་བྱས་རུང་མི་འགྲོ་བའི་ཁྱོད་ཀྱི་ཡུས་ཅི་ཡོད་པ་གསུངས། ཁ་བུབ་ཏུ་ས་སྲོས་པ་འདྲ་བ་ཞིག་བརྡབས། གན་རྐྱལ་དུ་ནམ་ལངས་པ་འདྲ་བ་ཞིག་བརྡབས་ནས་ཕྱག་དབྱུག་བཞེས་བྱུང་བ། རྔོག་གིས་བཟུང་བའི་བར་ལ་འཇིགས་དྲགས་རྒྱ་མཐོངས་ཤིག་ཡོད་པ་དེ་ལ་མཆོངས་ཕྱིན་པས། 师父大怒，突然立起来呵叱我道：“叫你出去，为何不动？你有什么好抱怨的？”于是把我推倒在地，顿时觉得眼前一片漆黑；又被抓起来仰面摔了一下，眼中直冒金星。师父还拿手杖来打，幸好俄巴把他挡住了。那时，我害怕极了，正好有个天窗，便从天窗里跳了下去。 བླ་མ་རང་ཡང་ཐུགས་ལས་བྱུང་རུང་ཐུགས་རྒྱལ་བཞེངས་པ་ལྟར་མཛད་འདུག །ང་ལ་ཅི་ཡང་མ་བྱུང་སྟེ། སྡུག་དྲགས་ལྕེབ་དགོས་སྙམ་ཡོད་པའི་ཚེ། ཡུམ་ཡང་སྤྱན་ཆབ་འདོན་ཞིང་བྱུང་ནས། མཐུ་ཆེན་སེམས་སྡུག་པོ་མ་བྱེད་ཅིག །ཁྱོད་བས་ཤ་ཚ་བ་དང་སྙིང་ཉེ་བའི་སློབ་མ་མི་འོང་བས། བླ་མ་གཞན་ལ་ཆོས་ཞུ་རུང་ངས་མཇལ་བའི་མཐུན་རྐྱེན་བྱས་ནས་ཆོས་རྒྱགས་དང་འབུལ་བ་ཡང་སྦྱིན་གྱིས་གསུང་སེམས་གསོ་མཛད། སྔར་ཡིན་ན་ཚོགས་འཁོར་ཅི་བྱེད་ཀྱི་གྲལ་ལ་ཡུམ་བཞུགས་དགོས་པ་ལ། དེའི་ནུབ་མོ་ང་མཚན་ཡལ་ངུ་བའི་ཟླ་ལ་བཤུམས་ཤིང་བཞུགས། 师父心里也过意不去，但仍然装出生气的样子。我呢，丝毫没有受伤，只是心中太悲伤了。正想去寻死时，师母流着眼泪走来了，说道：“吐勤！不要伤心，没有比你再可怜和更亲切的弟子了。我可以资助你向别的师父求法去。你学法期间的口粮和上师的供养我可以承担。”她多方安慰我。以前无论作什么集轮会供 ，她都要到法席上去坐的，那晚，却陪着我哭泣，直到天明。 ནང་པར་ང་ལ་བླ་མའི་དྲུང་དུ་ཤོག་གསུངས། ཆོས་གནང་བ་ཡིན་ནམ་སྙམ་ཕྱིན་པས་མདང་ངས་ཁྱོད་ལ་དབང་མ་བསྐུར་བ་ལ་མ་དགའ་བ་དང་ལོག་ལྟ་མ་བྱུང་ངམ་གསུངས། བླ་མ་ལ་དད་ལོག་དག་མ་བྱུང་ལགས་ཏེ། བདག་རང་ལས་སྡིག་སྒྲིབ་ཆེ་བས་ལན་སྙམ་སྡུག་པོ་རང་བྱུང་ལགས་ཞུས་ནས་ངུས་པས། ང་ལ་ངུ་མ་ཤགས་བྱེད་པའི་ཡུས་རང་ཅི་ཡོད། ཕྱིར་སོང་གསུངས། 次晨，又来叫我到师父面前去。我认为要传法了，就去了。师父问：“昨天我没给你灌顶，你有没有不高兴？是否生起邪见？”我答道：“没有产生对上师失去信心的想法，只想到这都是由于自己的罪障深重所致，该受苦！”说罢便哭。师父怒道：“你在我面前又哭又闹，有什么可抱怨的？出去！” ཕྱིར་ཐོན་ཕྱིན་ཏེ། སྙིང་རླུང་ལྡང་བ་ལྟ་བུའི་སྡུག་བསྔལ་གྱི་ངང་ནས་བསམ་བློ་ལ། ང་སྡིག་བྱེད་དུས་རྒྱགས་ཡོན་འབྱོར་ནས། ཆོས་བྱེད་དུས་ནོར་ཅི་ཡང་མེད་པ་འདི་འདྲ་བྱུང་། སྡིག་བྱེད་དུས་ཀྱི་གསེར་དེའི་ཕྱེད་ཙམ་ཞིག་ཡོད་ནའང་དབང་དང་གདམས་ངག་ཐོབ་པར་འདུག་སྟེ། ད་བླ་མ་འདིས་ནི་འབུལ་བ་མེད་པར་གདམས་ངག་མི་གནང་བར་འདུག །གཞན་དུ་ཕྱིན་རུང་འབུལ་མི་དགོས་པ་ནི་མི་འོང་། ནོར་མེད་པས་ཆོས་ནི་མི་ཐོབ་པར་འདུག །ཆོས་མེད་ཀྱི་མི་ལུས་སྡིག་གསོག་པ་ལས་ནི་ལྕེབ་པ་དགའ། ད་ཅི་དྲག་ན་ཅི་དྲག་ན་སྙམ་པ་ལ། 我走出来，心都气痛了。我想，当我造罪时有口粮和供养；求法时，却一点财帛都没有。事情竟然这样！假如能有造罪时的一半金子，也可以得到灌顶和教授。目前，若没有供养，这个师父是决不会传法的。即使可以到别处去求法，但也决不会不要供养。没有钱是得不到法的。没有修到有法的人身，与其留着它造罪，不若自杀了的好。怎么办？怎么办？心中踌躇着。 ཡང་ཕྱུག་པོ་ཆེན་པོ་ཞིག་གི་གཡོག་བྱས་པའི་གླ་བསོགས་ནས་ཆོས་ཞུ་བའི་རྒྱགས་ཡོན་འདྲ་འབྱོར་རམ། ཡང་ན་ལས་ངན་པོས་མཐུ་བཏང་ཡོད་པས་ཡུལ་དུ་ཕྱིན་རུང་ཆོག་པར་འདུག །ཨ་མ་ཡང་ཕྲད་པས་དགའ་འོང་། ནོར་ཁུག་པའང་སྲིད། གང་ལྟར་ནའང་ཆོས་ཚོལ་བའམ་ནོར་ཚོལ་བ་གང་རུང་ཞིག་ལ་འགྲོ་དགོས་པར་འདུག །བླ་མའི་ཕྱེ་ཁྱེར་རུང་ཐུགས་ཁྲེལ་ལས་མི་འོང་སྙམ། ང་རང་གི་དཔེ་ཆ་རྣམས་ཁྱེར་ཏེ། ཡུམ་ལ་ཡང་མ་ཞུས་པར་ཐོན་ཕྱིན་པས། 随又想到，不如到富人家当奴仆，存积工钱，或者可以攒下求法的口粮和供养吧？要不是我这个罪孽重的人对家乡放咒施法，不然也可以回家。那样就能见到母亲让她高兴，并且或许可以积攒一点财产。唉！要么求法，要么找钱，总要选择一样才行呀！我又想，固然我可以把师父家的糌粑带走，但这只能遭他嘲笑。只好先带上自己的书，也未告知师母，便出门去了。 ལམ་བར་ལ་ཡུམ་གྱི་བཀའ་དྲིན་དྲན་པས་ཤིན་ཏུ་འཕྲེང་བ་ཞིག་བྱུང་། གྲོ་བོ་ལུང་ནས་ཚ་ལམ་རྒྱང་བ་ཞིག་གི་སར་སླེབ་པ་དང་ལྟོ་རན་ཏེ། དང་པོར་ཕྱེ་སློང་། དེ་ནས་སྣོད་སྤྱད་གཡར། ཆུ་མེ་ཤིང་རྣམས་བསོགས་ནས་ལྟོ་གཡོས་ཏེ་ཟོས་པས། ཉི་མ་ཕྱེད་ཡོལ་སོང་། 途中，想起师母待我的恩情，实是不忍分离。我从卓阿隆走了约半天路程，肚中有些饥饿，便先去要来糌粑，又去借炊具。这才取水、拾柴、生火、做饭。吃完日已过午。 དེར་བསམ་པ་ལ། ངས་ལས་བྱས་པ་རྣམས་ཀྱི་ཕྱེད་ཙམ་བླ་མའི་ཞབས་ཏོག་ཏུ་སོང་རུང་། ཕྱེད་ཙམ་ང་རང་གི་ལྟོ་རིན་དུ་འདུག །ད་ནང་གི་ལྟོ་ནམ་གཅིག་པོ་འདིའི་དཀའ་ལས་འདི་ལ། ཡུམ་གྱིས་ལྟོ་གཡོས་གཡོས་པ་བྱ་ན་དང་བཅས་པ་ཁ་ཚ་རིང་ངེ་བ་རྒྱུན་དུ་གནང་བ་ཡིན་པ་ལ། ད་ནང་ངས་ཡུམ་ལ་ཁམས་བདེ་ཞིག་ཞུས་མི་འོང་བ་དེ་ང་མི་ངན་པར་འདུག །ད་དུང་ལོག་གམ་སྙམ་ནའང་། ལོག་འགྲོ་རང་མ་སྤོབས། 这时，回想我做的工，一半虽是为上师服务，可是，有一半是为了自己的膳食。今天才一顿饭就这样困难，平时，师母把饭做好后连菜一起热烘烘地给我吃。今早上，我却未向师母告别，我这个人太坏了！想回去，但又不敢回去。 སྣོད་སྤྱད་རྣམས་སྤྲོད་དུ་ཕྱིན་པས། མི་རྒན་ཞིག་ན་རེ། མི་གཞོན་ལས་འོང་འོང་འདྲ་མོ་འདུག་པ་ལ། སློང་བ་ལས་རབ་ཀློག་ཤེས་ན་ཆོས་ཐོན། མི་ཤེས་ན་གཡོག་བྱས་ནའང་ལྟོ་གོས་གཉིས་ཀ་འོང་། ཁྱོད་ཀྱིས་ཀློག་ཤེས་སམ་ཟེར་བ་ལ། ང་རྒྱུན་དུ་སློང་བ་ཞིག་མིན། ཀློག་ཤེས་བྱས་པས། དེ་ཀ་ཙམ་ཀ་གཤའ། འོ་ན་ཞག་འགའ་ངའི་ཀློག་ཐོན་ཡོན་སྨར་པོ་སྟེར་ཟེར་བས་དགའ་སྟེ། རུང་བྱས་བསྡད་ནས་བརྒྱད་སྟོང་པ་བཀླགས་པས། 我把借的食具还了。一个老人对我说：“小伙子，看来你很能干。若识字，最好去念经；假使不识字，去当佣人，也可求得衣食，比乞讨强。你会念书吗？”我答道：“能念经，我不是经常乞讨的。”老人说：“哦，那就正合适了。那么给我念几天经，我给你很好的饭食作为供养。”我心里很高兴，答应可以，便留了下来。我念了《般若八千颂》。 རྟག་ཏུ་ངུའི་རྣམ་ཐར་མཐོང་སྟེ། ནོར་མེད་མཉམ་པོ་ལ་ཁོང་གིས་ཆོས་ཕྱིར་དུ་ལུས་སྲོག་བློས་གཏོང་ནུས་འདུག་སྟེ། སྙིང་བཏོན་ན་འཆི་བ་ལས་འོས་མེད། སྙིང་ཡང་འཚོང་བ་ལ་ཐག་བཅད་འདུག །འདིའི་རྩིས་བཏང་ན་ངས་ཆོས་ཕྱིར་དུ་དཀའ་བ་ཡེ་མ་སྤྱད་པར་འདུག །བླ་མས་ཆོས་གནང་བའང་སྲིད། མ་གནང་རུང་ཡུམ་གྱིས་བླ་མ་གཞན་དང་སྤྲོད་པའི་ཞལ་བཞེས་བཟང་པོ་ཡང་ཡོད་སྙམ་ལོག་འགྲོ་བའི་སྤོབས་པ་ཞིག་སྐྱེས་ཏེ། ལོག་ནས་ཕྱིན། 看到常啼菩萨一生经历对我启发很大：他没有财帛，这一点我们是一样的；然而，他为了求法，能够牺牲身体和生命。人掏了心就活不成，但他坚决地把心掏来卖了。比较起来，我为了求法，简直就没有受一点困苦了。也许师父会传法给我的。即使不传，师母好心地答应愿帮我介绍另外的师父呵！这样一想，就产生了回去的勇气，于是就回去了。 |
|
|
45#
发布于：2017-11-02 09:05
|
|
|
46#
发布于：2017-11-02 09:01
dekdentei：感謝樓主的耐心翻譯工作，但是藏文字體實在是太小，能不能放大一些?回到原帖 这个不是我的翻译，是 藏文原文 和 刘立千的汉文翻译 的对照。我只是把两个文本编排在一起。 另外藏文字体太小可能是你自己电脑的藏文字体的问题，也许你用了微软系统默认自带的字体， 微软的操作系统Windows Vista和Windows 7自带一种藏文字体，叫做Microsoft Himalaya，翻译成“微软喜马拉雅藏文字体”。遗憾的是微软的这套藏文字体，其字号设计得太小，无法与英文和汉文混排显示，非常不方便。yalasoo为此推出Bigger Himayala字体，帮助用户解决这一问题。http://www.tibetanfont.org/uploads/1/1/3/9/11390285/himalaya_2.ttf 图片：1.jpg  |
|
|
47#
发布于：2017-11-01 17:42
感謝樓主的耐心翻譯工作，但是藏文字體實在是太小，能不能放大一些?
|
|
|
|
48#
发布于：2017-11-01 16:58
寂静涅槃大行之部
第二章 谒见上师 遵命笃行 以痛苦和失望的折磨将罪障清除无遗 part 1 གཉིས་པ་ནི་དེར་ལྷོ་བྲག་གི་ལུང་པ་ཕུ་མདའ་ཀུན་ལ་བསོད་སྙོམས་བྱས་པས། ལྷོ་བྲག་བྲེ་བོ་ཆེའི་ནས་ཁལ་ཉེར་གཅིག་རྙེད་པ་ལས། བཅུ་བཞི་ལ་ཟངས་རུ་བཞི་མ་ཕྱི་ནང་གཉིས་ཀ་ལ་དྲེག་དང་གཡའ་སོགས་སྐྱོན་གྱིས་མ་གོས་པ་ཞིག་ཉོས། ཁལ་གཅིག་ཤ་ཆང་དུ་སྦྱར། ཁལ་དྲུག་སྒྱེ་ཆེ་བ་ཞིག་ཏུ་བླུགས། དེའི་ཁར་ཟངས་དེ་དྲགས་ཏེ་ཁྱེར་འོངས་པས། 于是，我走遍洛扎的山沟与河谷去募化。我募化到青稞（洛扎大斗）约二十一斗。用十四斗换得一口里外都光洁、没有积垢和锈斑的四耳赤铜锅；用一斗粮食换了酒和肉；剩下的六斗粮食装在一个大口袋里，把铜锅覆在口袋上面背着回来了。 བླ་མའི་གཟིམ་ཁང་དུ་སླེབ་པ་དང་། ཐང་ཆད་ནས་ལིང་བསྐྱུར་དུ་ཕོག་པས། གཟིམ་ཁང་མེར་བ་ཞིག་བྱུང་། དེར་བླ་མ་བཞེས་པ་མཛད་ཅིང་འདུག་པ། འཕྲོ་ལ་བཞེངས་ནས་བན་ཆུང་ཤེད་པོ་ཆེ་ཞིག་འདུག་སྟེ། ཁྱོད་ངེད་རྣམས་ཀྱང་གཏིབས་འོག་ཏུ་ལག་མཐུས་གསོད་སྙམ་པ་ཡིན་ནམ། ནན་ཏར་མ་འཚམ་པས། ནས་དོ་ཕྱིར་ཐོན་གསུངས་ཞབས་ཀྱིས་ཕུལ་བས། 到了师父的住处，因为疲乏极了，摇摇晃晃，把背着的东西丢下来，连房子都震动起来了。那时，师父正在吃饭，便停下来起身呵叱道：“你这个小和尚，劲倒很大。你还想用人力震倒房屋压死我们吗？真是荒唐已极！把青稞口袋拿出去！”他还踢了一脚。 རེ་ཞིག་ཕྱིར་འདོན་དགོས་བྱུང་བ་ལ། བླ་མ་ཐུགས་གཏུམ་པོ་རང་ཞིག་འོང་རིགས་སུ་འདུག་པས། སྐུ་དྲུང་དུ་དེ་ལུགས་ཀྱི་ཞབས་ཏོག་དང་སྤྱོད་ལམ་བྱེད་དགོས་སྙམ་པ་མ་གཏོགས་ལོག་ལྟ་མ་སྐྱེས། 因此，我只好暂时把东西拿出去。喇嘛可能是那种脾气暴躁的人，在他面前要小心服侍，行为谨慎才好。我仅这样想了一下，对于上师并未产生邪见。 དེ་ནས་ཟངས་དེ་སྟོང་པར་དེ་ཀ་ཕྱག་རྟེན་དུ་ཕུལ། ཕྱག་བཙལ་བས། ཟངས་ཕྱག་ཏུ་བཞེས་པའི་ངང་ལ། ཡུག་ཅིག་སྤྱན་ཟིམ་མེ་དགོངས་པ་ལ་བཞུགས་པའི་མཐར། སྤྱན་ཆབ་ཉིལ་མཛད་དེ། རྟེན་འབྲེལ་བཟང་། པཎ་ཆེན་ནཱ་རོ་ལ་འབུལ་ལོ་གསུངས་ཕྱག་ཏུ་ཡེར་བ་ཞིག་མཛད་ནས། ཟངས་དེའི་ལུང་རྣམས་འཁྲོལ་བ་དང་དབྱུག་པས་བརྡུངས་ཏེ་སྐད་ཅི་ཐོན་མཛད་ནས་མཆོད་ཁང་དུ་བསྣམས་ཏེ། མར་མེའི་མར་ཁུས་བཀང་བཞག་པར་གདའ། 后来，我把空铜锅供养给上师，恭敬顶礼。喇嘛把铜锅拿着，忽然合眼入定片刻，眼泪汪汪地说道：“缘法很好！贡献给班勤那若巴大师。”他用手举起来，摇着铜锅的环子，并用棍子敲铜锅，让它发出响声来。然后，把它拿进经堂去，在里面装满点供灯用的酥油。 དེའི་ཚེ་ང་ཡིད་སྐྱོ་ཞིང་ཆོས་ཀྱི་འདོད་པས་གདུངས་ཏེ། ཡང་ཡང་ཆོས་དང་གདམས་ངག་གནང་བར་ཞུ་ཞུས་པས། 这时，我心里很感伤，一心要想求法。便再三请求师父传授法要。 བླ་མའི་ཞལ་ནས། ང་ལ་དབུས་གཙང་ནས་སློབ་མ་དད་པ་ཅན་མང་རབ་འོང་གིན་ཡོད་པ། ཡར་འབྲོག་སྟག་ལུང་པ་དང་། གླིང་པའི་མིས་བརྡུངས་ནས་རྒྱགས་ཆུ་དང་འབུལ་བ་མགོ་ཐོན་དུ་ཡེ་མ་བཅུག །དེ་གཉིས་སུ་སེར་བ་རེ་ཕོབ་ཤོག །དེ་ཡང་ཆོས་ཀ་ཡིན་ཞིང་། གདམས་ངག་ཀྱང་སྟེར་གསུངས་པ་ལ། དེ་གཉིས་སུ་སེར་བ་ཆེན་པོ་ཕབ་གདམས་ངག་ཞུས་པས། 师父说：“我有很多从卫藏来的有信心的弟子，常常遭到羊卓的达隆 人和林巴 人的袭击，把他们路上粮食、油肉和供养物全都抢光，根本无法顺利通过。你给这两个地方施放一次冰雹吧！这也算是佛事。这样，我便给你传法。”于是，我就对这两处施放了极大的冰雹，又去向师父求法。 ཁྱོད་ཀྱིས་སེར་བ་རྡོག་པོ་གསུམ་ཕབ་པ་ལ་ངས་རྒྱ་གར་ནས་དཀའ་བ་སྤྱད་པའི་ཆོས་ཨེ་འོང་ངམ། ཅིས་ཀྱང་ཆོས་དགོས་ན་ལྷོ་བྲག་ལ་ཁ་བ་འདི་པས་ངའི་གཉལ་ལོ་རོ་ནས་འོང་བའི་བུ་སློབ་རྣམས་བརྡུངས། ང་ལ་ཡང་བརྙས་པ་ཆེན་པོ་རང་བྱས་པས། ཁྱོད་ལ་མཐུ་ཆེན་པོ་ཡོད་ཟེར་བ། ཁྱོད་རང་ལ་ཁ་བ་འདི་རྣམས་ལ་མཐུ་ཐོང་། མཐུའི་རྟགས་ཐོན་ན་པཎ་ཆེན་ནཱ་རོའི་ཚེ་གཅིག་ལུས་གཅིག་ལ་སངས་རྒྱ་བའི་གདམས་ངག་ཡོད་པས་སྟེར་གསུངས། དེར་མཐུ་བཏང་བས་ལ་ཁ་བ་རྣམས་ནང་འཛིངས་བྱུང་། 师父说：“你只放了两三个雪弹，怎么能得到我在印度饱受辛苦所学的法？假若你无论如何要求大法，洛扎纳喀瓦 人，他们曾经抢劫从聂和洛若来的我的弟子们，并且也欺负我。听说你有很厉害的咒术，你对纳喀瓦的人施一施咒术。若咒术灵验了，我就将班勤那若巴的一生即身成佛的教授传授给你。”于是，我又对那里施咒术，引起纳喀瓦人们发生内乱。 ཐུགས་བསྙུང་བའི་མི་མང་པོ་གྲི་ཁར་ཤི་བ་གཟིགས་ནས། ཁྱོད་ལ་མཐུ་ཆེན་པོ་ཡོད་ཟེར་བ་བདེན་པར་འདུག་གསུངས་ནས་ང་ལ་མིང་མཐུ་ཆེན་དུ་བཏགས། ད་སངས་རྒྱ་བའི་གདམས་ངག་གནང་བར་ཞུ་ཞུས་པས། 师父看到他所憎恨的人，多死于刀剑之下，便对我说：“听说你有很高的咒术，果不虚传，遂为我改名吐勤。 我又请他传我成佛的教授。 ཧེ་ཧེ་ཁྱོད་ཀྱི་སྡིག་པ་བསགས་པའི་རྔན་པར་ངས་ལུས་སྲོག་ལ་མ་བལྟས་པར་རྒྱ་གར་ལ་ཕྱིན། ནོར་ལ་མ་བལྟས་པར་གསེར་ཕངས་མེད་དུ་ཕུལ་ནས་ཞུས་པའི་གདམས་ངག་མཁའ་འགྲོའི་ཁ་རླངས་ཐོལ་ལེ་བ་འདི་ཚོ་དགོས་ཟེར་བ་དེ་ཀུ་རེ་ཡིན་རུང་ཅུང་དྲགས་པས་དགོད་བྲོ། ང་མིན་གཞན་ཞིག་ཡིན་ན་གསོད་དུའང་འོང་། ད་ཁྱོད་རང་ཡར་འབྲོག་པ་རྣམས་ཀྱི་ལོ་སྐྱིན་ཆུག །ལ་ཁ་བ་རྣམས་ཀྱི་མི་ཀུན་གསོས་ཤོག་ཅིག་དེ་བྱུང་ན་གདམས་ངག་སྟེར། དེ་མིན་ངའི་ཕྱོགས་ལ་མ་འཁོར་གསུངས་ཕྱག་འབེབས་གནང་བ་ཙམ་གྱིས་བཀའ་བཀྱོན་མཛད། 师父大笑道：“哈哈！你以造下大罪的代价来索取我的教授。这些是我不顾生命危险远赴印度，不惜财帛供养黄金所求得的教授，是空行们传法时口中的热气还没有散失完的教授。就算是说着玩都觉得过分，实在好笑！幸而是我，若遇别人，早把你杀了。现在你把羊卓人的庄稼损失赔偿了；把被杀的纳喀瓦人完全救活。若办得到，我便传法给你。倘若不能，我这个地方，你也不必来了！”他仅仅打了我一下算是对我的严厉斥责。 དེ་ནས་ཡི་ཆད་དྲགས་མང་པོ་ངུས་པས། ཡུམ་གྱིས་སེམས་གསོ་མཛད། ནང་པར་བླ་མ་རང་ཕེབས་ནས་མདང་ངས་ཁྱོད་ལ་མང་པོ་རང་འཐབས་འདུག །མ་དགའ་བ་མ་བྱེད། ག་ལེ་བྱེད་གདམས་ངག་སྟེར་བས་ངང་མ་ཐུང་། ཁྱོད་ལས་རེམ་པོ་རང་ཞིག་འདུག་པས། ང་དར་མ་མདོ་སྡེ་འབོགས་པའི་མཁར་ཞིག་རྩིག་གྲོགས་གྱིས། དེ་ཚར་ནས་གདམས་ངག་ཀྱང་སྟེར་ལ། ལྟོ་གོས་ཀྱང་ང་རང་གིས་སྦྱོར་གསུངས། 我极为沮丧，不觉放声痛哭。师母前来安慰我。次日早晨，师父自己来了，说道：“昨夜我责备你太过分了，不要介意。耐心等着。我要传法给你的，不必着急。你能很勤奋地干活，现在，正需要一所碉房分给达玛多德 。你帮忙修建一下。完工以后，我就传法给你。你的衣食也由我供给。” དེ་བར་ལ་བདག་ཆོས་མེད་དུ་ཤི་ན་ཇི་ལྟར་བྱེད་ལགས་ཞུས་པས། དེ་བར་ལ་མི་འཆི་བའི་ཁག་ཀྱང་ང་རང་གིས་ཐེག་ཁ་ཕོ་མེད་པའི་ཆོས་མེད་དེ། ཁྱོད་རང་སྙིང་རུས་ཆེ་རབ་ཅིག་འདུག་པས་ངའི་གདམས་ངག་སྒོམ་ནུས་ན། ཚེ་འདིར་སངས་ཨེ་རྒྱ་མི་རྒྱ་ཡང་སྟོན་པ་ཡིན་ཏེ། ངའི་བརྒྱུད་པ་འདི་ལ་གཞན་དང་རང་ཡེ་མི་འདྲ་བའི་བྱིན་རླབས་ཀྱི་བཀའ་བབས་ཤིག་ཡོད་གསུང་ཞལ་ཏ་བཟང་པོ་གནང་བས་སེམས་དགའ་བར་བྱུང་སྟེ། 我回禀道：“如果在这期间，我还没有学到正法就死了，那怎么办？”师父道：“这期间你不会死，这，我可以担保。我这法自信是可以夸耀的。你是有恒心有毅力的人，若能修持我的教授，今生能否成佛，全在于导师。我们的传承，与别派根本不同，得有加持亲传。”师父对我这样教诲，我心里欢喜起来，便说： འོ་ན་མཁར་གྱི་ཞལ་བཅོས་མཛད་པར་ཞུ་ཞུས་པས། མཁར་དེ་ཕ་ཚན་ཀུན་གྱིས་མནའ་བསྐྱལ་ནས་མཁར་རྩིག་ས་མེད་པའི་ས་འགག་དམ་པོ་ཞིག་ཡོད་པ་དེ་ལ། མར་པ་མནའ་ཁོངས་ན་མེད་པས་དེར་རྩིག་དགོངས་པའི་གཡོ་ཐབས་དང་། ངའི་སྡིག་པ་སྦྱོང་བའི་ཐབས་སུ། ཤར་ཕྱོགས་ཀྱི་རིས་སྣ་ཞིག་ལ་མཁར་འདི་ལྟ་བུ་ཞིག་རྩིགས་ཤིག་གསུངས། “那么，请吩咐怎样修碉房吧！”师父想把碉房修在一个极为险峻的要隘处——那是父族们发过誓不能修碉房的地方。不过，师父自己不在发誓者之列。他是想以此诱导我，作为消灭我的罪业的办法。他吩咐我在东方山头修筑一个这样的碉房。 ཟླུམ་པོ་ཞིག་བརྩིགས་པས། ཕྱེད་ཙམ་ལོངས་པ་དང་། བླ་མ་བྱོན་ནས་ཁ་སང་བསམ་མནོ་མ་ཐོངས་པར་འདུག །མཁར་འདི་རྩ་བ་ནས་བཤིག་ལ་ས་ས་མལ་དང་། རྡོ་རྡོ་མལ་དུ་སྐྱོལ་ཅིག་གསུངས། དེ་ལྟར་བྱས་པས། 我修一个圆形碉房，修到一半时，师父来了，对我说：“那天考虑得不周密。把这房子从根基上拆了，土从哪儿运来仍运还原处，石头也运回原处。”我遵命把房屋拆了，土石归还原处。 ཡང་ནུབ་ཕྱོགས་ཀྱི་རི་སྣ་ཞིག་ལ་བླ་མ་ཕུད་ཀྱིས་བད་པ་ལྟར་མཛད་ནས། ད་མཁར་འདི་ལྟ་བུ་ཞིག་རྩིགས་ཤིག་གསུངས་ཟླ་གམ་ཞིག་བརྩིགས། དེ་ཡང་ཕྱེད་ཙམ་ལོངས་པ་དང་། ཡང་བླ་མ་བྱོན་ནས་འདིས་ཀྱང་མི་འོང་བར་འདུག །འདི་ཡང་ས་ས་མལ་དང་རྡོ་རྡོ་མལ་དུ་སྐྱོལ་ཅིག་གསུངས། དེ་ལྟར་བྱས་པས། 师父又到西方山头上，装作喝醉了的样子吩咐我，应该如何修。于是，我按照吩咐修了一个半圆形的。这个碉房也修了一半，师父又来了，说：“这个也不成。仍然把土运还原处，石头搬回原处。”我又遵命做了。 ཡང་བྱང་གི་རི་རྩེ་ཞིག་ལ་བྱོན་ནས། ཨ་བོ་མཐུ་ཆེན་ཁ་སང་ང་ཆང་གིས་བཟི་ནས་ཁ་ཏ་དེ་ཙམ་ཞིག་མ་བྱུང་བར་འདུག །ད་འདིར་མཁར་དགའ་མོ་ཞིག་རྩིགས་གསུངས་པ་ལ། མཁར་བརྩིགས་ཤིང་བཤིག་པ་འདི་འདྲ་བདག་སྡུག་ལ་ཕྱག་རྫས་གཟན་པ་ལས་མི་གདའ་བས། ཐུགས་བསམ་ཡང་དག་བཏང་ནས་མཛད་པར་ཞུ་ཞུས་པས། ད་ལན་ཆང་གིས་བཟི་བ་ཡང་མེད། བསམ་བློ་ཡང་བཏང་བཏང་བ་ཡིན། སྔགས་པའི་མཁར་ཞེས་བྱ་བ་གྲུ་གསུམ་པ་ཞིག་དགོས་པ་ཡིན་པས་རྩིགས་ཤིག་འདི་བཤིག་ཀྱང་མི་དགོས་ཀྱིས་གསུངས། 师父又到北方山头上，说道：“阿波吐勤！那天我喝醉了，事情没有交代清楚。现在，在这里修一个很好的碉房吧！ ” 我说“ ：房子修起又拆， 这样做不但使我吃苦，也浪费师父的材料。请您考虑好后再吩咐吧。师父说：“这次我既未醉酒，又一直在考虑这事，需要修一个三角形状的‘密咒宫’。 你去修筑。 再不用拆了。 གྲུ་གསུམ་པ་ཞིག་བརྩིགས། དེ་ཡང་སུམ་ཆ་ཙམ་ལོངས་པའི་ཚེ། ཡང་བླ་མ་བྱོན་ནས། མཐུ་ཆེན་ཁྱོད་བརྩིགས་པའི་མཁར་འདི་སུའི་ཡིན། ཁ་ཏ་སུས་བྱས་གསུངས་པ་ལ། བླ་མ་རང་གིས་ཞལ་ཏ་མཛད་པའི་སྲས་མཁར་ལགས་མོད་ཞུས་པས། 我又去修那三角形的房子。这个也是刚修到约四分之三时，师父又来说道：“吐勤！你修的这个碉房是谁的？ 谁吩咐你修的？ ” 我答道：“师父您自己吩咐的。 是给公子修的房子。 不是吗？ ” ངས་འདི་འདྲའི་ཁ་ཏ་བྱས་པ་མི་དྲན། ཁྱོད་ཀྱི་དེ་བདེན་པ་རང་ཡིན་ན་ང་སྨྱོ་བའམ་དྲན་པས་མ་ཟིན་པ་ཞིག་དང་ཐུག་པ་ཡིན་འོང་གསུངས། དེ་དུས་བདག་གིས་འདི་འདྲ་བྱུང་གིས་དོགས་ནས་ཐུགས་བསམ་ལེགས་པར་གཏོང་བར་ཞུ་ཞེས་སྙན་བསྐུལ་ཕུལ་བས། ཐུགས་བསམ་བཏང་བཏང་བ་ཡིན། ད་ལན་གྱི་འདི་བཤིག་ཀྱང་མི་དགོས་གསུང་ཐུགས་དྲན་གསལ་པོ་རང་གདའ་ཞུས་པས། 师父说：“我想不起说过这样的话。若你说的话是真的，那可能是遇到我脑子乱或者是神志不清的时候了。 ” 我说：“那时我就担心又会发生这种情况， 曾劝师父详细考虑。师父曾说，早考虑好了。并说过现在修的这个，再不用拆了。师父一定能够清楚地回想起来的。” འོ་ན་དེ་དུས་ཀྱི་དཔང་པོ་ལ་སུ་ཡོད། ལར་མཁར་གྲུ་གསུམ་ཧོམ་ཁུང་འདྲ་བ་འདིར་ངེད་རྣམས་བཅུག་སྟེ་མཐུ་བྱེད་བསམ་པ་ཡིན་ན། ངེད་ཀྱིས་ནི་ཁྱོད་ཀྱི་གཞིས་འཕྲོགས་པ་ཡང་མེད་ལ། ཕ་ནོར་ཟོས་པ་ཡང་མེད་དོ། །དེ་ལྟར་མིན་པ་ཆོས་འདོད་པ་ཡིན་ན། གཞི་བདག་མི་དགའ་བར་འདུག་པས། འདིའི་ས་རྣམས་ས་མལ་དང་རྡོ་རྣམས་རྡོ་མལ་དུ་སྐྱོལ་ཅིག །ཆོས་དགོས་ན་སྟེར་རོ། །དེ་བཞིན་མིན་ན་སོང་གསུངས་ཐུགས་རྒྱལ་བཞེངས་འདུག་པས། 师父说：“那么当时有谁作证？本来三角形的碉房就像护摩穴 ， 是想把我们放在里面施咒术吗？我们既未抢夺你的家产，也未侵占你的父业，大可不必。如果不是这样，还想求法的话，这种连山神都不喜欢的东西，快把它拆了吧！土运还原处，石头搬还原处。这样，可以传法。否则，你便滚开！”说时生气了。 སེམས་སྡུག་པ་ལ་ཚད་མེད་པ་ཞིག་བྱུང་རུང་ཆོས་འདོད་པས་བླ་མའི་བཀའ་བཞིན་མཁར་གྲུ་གསུམ་དེ་ཡང་ས་ས་མལ་དང་རྡོ་རྡོ་མལ་དུ་བསྐྱལ། དེ་དུས་ངའི་རོ་སྟོད་ལ་སྒལ་པ་ཞིག་བྱུང་བས། བླ་མ་ལ་གཟིགས་ཕུལ་རུང་བཀྱོན་པ་ལས་མི་འོང་། ཡུམ་ལ་གཟིགས་ཕུལ་རུང་ལས་ཡུས་སུ་འགྲོ་བར་འདུག་སྙམ་གཟིགས་མ་ཕུལ་བར་ངུས་ནས་ཆོས་ཞུ་གྲོགས་སུ་སྦྲན་པས། 那时我心中虽然无限苦恼，但是又贪想求法，不得不遵从上师之命，把这三角形房子拆了。土运还原处，石头搬回原处。那时，我的背都磨烂了。我想：让师父看一下吧，只会遭到责骂的；让师母看看吧，也会觉得我在抱怨。所以，不敢让他们看，只在师母面前哭泣，并恳求她帮我求法。 ཡུམ་བླ་མའི་དྲུང་དུ་བྱོན་ནས། དོན་མེད་ཀྱི་མཁར་ལས་ཀྱིས་མི་སྡུག་ཐག་གཅོད་པ་འདུག །མཐུ་ཆེན་ལ་ཆོས་ཐུགས་རྗེས་འཛིན་པར་ཞུ་ཞུས་པས། ཟ་མ་བཟང་བ་ཞིག་གྱིས་ལ་ངའི་རྩར་ཁྲིད་ཤོག་གསུང་། ཡུམ་གྱིས་ཟ་མ་དང་བཅས་ཏེ་བླ་མའི་དྲུང་དུ་བསྐྱལ་བས་བླ་མའི་ཞལ་ནས། མཐུ་ཆེན་ཁ་སང་གིས་ངས་མ་བྱས་པའི་ཧམ་པ་དེ་འདྲ་མ་བྱེད། ཆོས་འདོད་ན་སྟེར་གསུངས། ཐུན་མོང་གི་སྐྱབས་འགྲོའི་ལུང་དང་སྡོམ་པ་ཞིག་གནང་སྟེ། 师母到了师父面前，说道：“干吗修这些全无意义的房子，尽折磨人！请你发发慈悲，给吐勤传点法吧！” 师父说：“你准备点好吃的，把他领到我这里来！”师母拿着饮食带我一起来到师父面前。师父说：“吐勤，那天我并未怎样，不要骗人。你要法给你传法！”遂传了我一个一般共同的皈依法和戒律。 དེ་ཀུན་ཐུན་མོང་གི་ཆོས་བྱ་བ་ཡིན། ཐུན་མོང་མ་ཡིན་པ་གསང་སྔགས་ཀྱི་གདམས་ངག་དགོས་ན། འདི་འདྲ་བྱེད་དགོས་གསུང་ནཱ་རོའི་རྣམ་ཐར་དཀའ་བ་སྤྱད་ཚུལ་རྣམས་མདོར་བསྡུས་པ་ཞིག་གནང་ནས། ཁྱོད་ཀྱིས་འོང་བ་དཀའ་མོ་ཡིན་གསུངས་པས་མཆི་མ་འཆོར་བའི་དད་པ་དྲག་པོ་སྐྱེས་ཏེ། བླ་མས་ཅི་གསུང་སྒྲུབ་དགོས་སྙམ་ཡིད་དམ་བཅས། 师父说：“这些叫共同法。如果要学不共同法即密乘教授，那么要这样做。”说着把那若巴大师事迹中的修苦行的情形，简略地说了一下。并说：“你恐难办到。”我听了后，生起强烈的信念，两眼落下泪来。心想以后凡师父说的我都遵命照办，在心里暗暗发了誓。 དེ་ནས་ཞག་འགའ་སོང་བ་དང་། བླ་མ་ཞབས་འཆག་པའི་ཕྱག་ཕྱིར་འགྲོ་གསུངས་ཕྱིན་པས། ཕ་ཚན་རྣམས་ཀྱིས་སྲུང་བའི་ས་འགག་དེར་བྱོན་ནས། ད་ཁྱོད་རང་འདིར་མཁར་གྲུ་བཞི་སྐྱ་བོ་དགུ་ཐོག་གཉྫྱི་ར་དང་བཅུ་ཐོག་ཡོད་པ་ཞིག་བརྩིགས། དེ་བཤིག་ཀྱང་མི་བཤིག །གྲུབ་པ་དང་གདམས་ངག་སྦྱིན་སྒྲུབ་པ་ལ་བཞག་ནས་སྒྲུབ་རྒྱགས་སྦྱར་གྱིས་གསུངས། འོ་ན་ཞལ་བཞེས་འདི་རྣམས་ཀྱི་སྐུ་དཔང་དུ་ཡུམ་བཞུགས་པར་རུང་ལགས་སམ་ཞུས་པས། རུང་གསུངས། 又过了几天，师父要出门，让我作为侍者一同前去。到了父族人所遵约守护的那个要道，他说：“现在，你在这里修一个四方碉楼，灰色的九层楼，连宝顶共十层。修成后决不拆除。并传给你修行法和教授，让你修道，供给你修道期间的口粮。”我说：“那么， 师父许诺的这些， 可否请师母作证呢？ ” 师父说：“可以，可以。” དེར་བླ་མས་རྩིག་རྨང་གི་རི་མོ་མཛད། ངས་ཡུམ་གདན་དྲངས་ནས་ཡབ་ཡུམ་གཉིས་ཀ་བཞུགས་སར། སྔར་མཁར་གསུམ་བརྩིགས་ཤིང་བཤིག་པ་ལ། གཅིག་ལ་ཐུགས་བསམ་མ་ཐོངས་གསུངས། གཉིས་པ་ལ་ཕུད་ཀྱིས་བད་གསུངས། གསུམ་པ་ལ་སྨྱོ་བའམ། དྲན་པས་མ་ཟིན་པ་ཡིན་ནམ་བྱས་པ་མི་དྲན་གསུངས། ཞལ་ཏ་གནང་ཚུལ་ཞུས་པས་ཁྱོད་ལ་དཔང་པོ་སུ་ཡོད་གསུངས་པ་དང་གཞན་ཡང་བཀའ་བཀྱོན་མང་དུ་བྱུང་བས། ད་ལན་ཞལ་བཞེས་འདི་རྣམས་ཀྱི་དཔང་པོར་ཡུམ་སྤྱན་དྲངས་པ་ལགས་པས། སྐུ་དཔང་མཛོད་ཅིག་ཞུས་པས། 于是，师父画出建筑物的图形，我去请师母来。我当着师父师母两位的面，说道：“过去修三次，拆三次：第一次，师父说考虑不周；第二次，说喝醉了酒；第三次，说脑子乱，神志不清，说过的记不起了。我把师父吩咐过的话，重新提一下，师父就说，有谁为你作证？反遭到一顿痛骂。这次师父又许诺了这些条件。所以，特请师母作证。请你作个证人吧！” ཡུམ་གྱི་ཞལ་ནས། ངས་དག་དཔང་པོ་བྱས་པས་ཆོག་སྟེ། ཡབ་སྐུ་དབང་བཙན་པས་རྩི་བ་དཀའ་མོ་ཡིན། ལར་རང་ཡབ་མཁར་ལས་མཛད་དོན་མེད་པར་མཛད། བཤིག་དོན་མེད་པར་བཤིག་གིན་འདུག །ཁྱད་པར་ས་འདི་རང་རེ་མིན་པ་ཀུན་གྱི་མནའ་རི་ཡིན་པས། རྒྱ་འདྲེའི་གཞི་ཞིག་འོང་སྟེ། ཞུས་པས་ནི་ཡབ་མི་གསན་གསུང་བ་ལ། བླ་མའི་ཞལ་ནས་ཡུམ་ལ་ཁྱོད་རང་བཅོལ་བའི་དཔང་པོ་དེ་གྱིས། ངས་ཀྱང་ཁས་བླངས་པ་བཞིན་བྱེད། མ་བཅོལ་བའི་དོགས་པ་དེ་མ་སློང་བར་སོང་གསུངས། 师母说：“我当然可以作证人。但师父任性，恐怕难于算数。本来师父修房子就没有必要，修好又拆，更没有道理。尤其是那个山头，不属我们所有，是大家赌咒发誓的地方，恐怕会引起纠纷的。给他说，他也不肯听。”师父说：“师母，人家请你作证人，你就作证人好了。我也照着所许诺的话办。没有谁托咐你来挑起怀疑，去吧！” དེར་ངས་མཁར་གྲུ་བཞིའི་རྨང་བཏིང་ནས་བརྩིགས་པའི་ཚེ། གཞུང་གི་རྔོག་སྟོན་ཆོས་རྡོར། དོལ་གྱི་ཚུར་སྟོན་དབང་ངེ་། གཙང་རོང་གི་མེས་སྟོན་ཚོན་པོ་རྣམས་ཀྱིས་སྐུ་རྩེད་ལ་རྡོ་ཆེན་པོ་རང་གཅིག་སྒྲིལ་ཞིང་བྱུང་བ་རྨང་རྡོར་བཅུག་ནས་སྐེད་སྒོའི་ཐད་ཐོག་སོ་གཉིས་ཙམ་ལོངས་པའི་ཚེ། མར་པ་བྱོན་ནས་ཀུན་ལ་གཟིགས་རྟོག་དགའ་མོ་མཛད་པས། བུ་ཆེན་གསུམ་པོས་བསྒྲིལ་བའི་རྡོ་དེ་ལ་ཕྱག་མཛུབ་བཙུགས་ཏེ་མཐུ་ཆེན་རྡོ་འདི་ག་ནས་བྱུང་གསུངས། ཐུགས་སྲས་བུ་ཆེན་རྣམས་ཀྱི་སྐུ་རྩེད་ལ་བསྣམས་བྱུང་བ་ལགས་ཞུས་པས། 当我正在那里修四方形碉楼的屋基时，雄地的俄敦曲 、兑地的楚敦旺额、藏绒的梅敦村波 等人也来了。他们在嬉戏时滚下一个大石头。我便把它作为墙基砌到中门。大约修到有两层楼高时，师父来了。他把整个建筑仔细地巡视了一番，忽然用手指着三位大弟子所滚下来的石头问我：“吐勤，这石头是从哪儿来的？ ” 我答道“ ：是你的心传大弟子做游戏搬来的。” འོ་ན་ཁོང་ཚོའི་རྡོས་ཁྱོད་ཀྱི་མཁར་ལས་ཀྱི་གོ་མི་ཆོད་རྡོ་འདི་ཐོན་ལ་དང་པོའི་སར་སྐྱོལ་གསུངས། མཁར་འདི་མི་བཤིག་པའི་ཞལ་བཞེས་ཡོད་ཞུས་པས། དེ་ཡོད་དེ་ངའི་བུ་སློབ་རིམ་གཉིས་ཀྱི་རྣལ་འབྱོར་སྒོམ་པ་རྣམས་ཁྱོད་ཀྱི་གཡོག་ཏུ་བཀོལ་བར་མ་ཚད། ཀུན་བཤིག་པ་ནི་མིན་རྡོ་འདི་ཐོན་ལ་རང་གནས་སུ་སྐྱོལ་གསུང་། དེར་རྩེ་མོ་ནས་བཤིག་སྟེ་རྡོ་རང་གནས་སུ་བསྐྱལ་བས། 师父说：“哦，他们搬的石头，对于你的工程不适用。快把这石头搬开，送回原处去。”我说：“这屋子你不是已经答应不拆了吗？” 师父说：“是有这话，但我的弟子都是二次第瑜伽的观修者， 我没有许诺过你奴役他们。我不是让你完全拆。只要你把这石头 搬开，放还原处。”于是，我又从这墙顶上拆起，把石头送还原 地。 ད་ཡང་ཁྱོད་རང་གིས་ལོང་ལ་རྨང་རྡོར་ཆུག་གསུངས། བླངས་པས་ཁོང་གསུམ་གྱི་ཤེད་ང་རང་གཅིག་པོ་ལ་འདོན་དགོས་བྱུང་བས། སྦྱོང་པོ་རང་བྱུང་རུང་སྔར་ལྟར་བརྩིགས་པ་ལ་ངའི་གྱད་རྡོར་གྲགས་པ་ཡིན། 师父又说：“现在你自己可以把它搬来作墙基了。 ” 这样， 我又去搬来。从前，是他们三人的力气，现在不得不由我一人去承担了。这的确使我得到锻炼。这墙基被叫作我的“大力石”。 རི་སྣ་དེར་རྩིག་རྨང་བཏིང་བའི་ཚེ། ཕ་ཚན་ཀུན་གྱི་གྲོས་ལ། མནའ་རི་ལ་མར་པས་མཁར་བརྩིག་པར་འདུག་པས་བསྲུངས་པ་དྲག་ཟེར་བ་ལ། ལ་ལ་ན་རེ་མར་པ་རང་སྨྱོ་ནས་ལ་སྟོད་ཕྱོགས་ཀྱི་བན་ཆུང་ཤེད་པོ་ཆེ་ཞིག་འདུག་པ་དེ། ས་འབུར་ཚད་དང་རི་སྣ་ཡོད་ཚད་ལ་མཁར་གྱི་བཟོ་ལུང་མ་བསྟན་རེ་བརྩིགས། ཕྱེད་ཙམ་ལོངས་པ་དང་། ཡང་ཁོ་རང་བཤིག་ཏུ་བཅུག་ནས་ས་རྡོ་རྣམས་རང་གནས་སུ་སྐྱེལ་དུ་འཇུག་གིན་འདུག །འདི་ཡང་བཤིག་འོང་། མི་བཤིག་ན་བསྲུང་བས་ཆོག །བཤིག་མི་བཤིག་བལྟའོ་ཟེར་བ་ལ། 当那屋基刚筑起时，上师父族的人在那里商议说：“在大家盟誓的山上，马尔巴修起房子来了。我们去制止他才对！”有些人说：“马尔巴他疯了！叫拉堆地区的那个大气力的小和尚，在凡有土、有山口的地方，去修一些怪诞不经的房子；刚修到一半，又让他自己拆了，还让他把土石归还原处。这房子也许是要拆的。若不拆时，再来阻挡也不迟。且看他拆不拆。” མ་བཤིག་པར་མཁར་ལས་ནར་མར་བྱས་པས། བདུན་ཐོག་ཏུ་སོང་བ་དང་ངའི་རྐེད་པ་ལའང་སྒལ་པ་གཅིག་བྱུང་། དེ་དུས་ཕ་ཚན་རྣམས་ན་རེ། ད་མི་བཤིག་པར་འདུག །དང་པོ་བཤིག་པ་དེ་རྣམས་འདིར་རྩིག་པའི་ངན་གཡོ་ཡིན་པར་འདུག །ད་རང་རེ་ཚོས་བཤིག་ཟེར་དམག་ཆས་པས། དེའི་ཚེ་བླ་མས་སྤྲུལ་པ་མཛད་ནས་དམག་ཁྲབ་ཅན་མང་པོས་མཁར་གྱི་ཕྱི་ནང་ཀུན་བཀང་བས། མར་པ་ལོ་ཙཱས་དམག་དེ་ཙམ་གང་ནས་བོས་པ་ན་ཟེར་ཀུན་སྐྲག་སྟེ་འཛིང་མ་ནུས་པར་རེ་རེ་ནས་ཕྱག་འབུལ་དང་ཞུ་འབུལ་ལ་ཕག་ཏུ་བྱུང་བས། ཀུན་ཡོན་བདག་དང་འབངས་སུ་ཆུག་གོ། །དེ་དུས་གཙང་རོང་གི་མེས་སྟོན་ཚོན་པོ་བདེ་མཆོག་གི་དབང་མོ་ཆེ་ཞུར་བྱུང་བས། ཡུམ་གྱི་ཞལ་ནས་ད་ལན་ཁྱོད་རང་ཡང་དབང་ཞིག་ཅིས་ཀྱང་ཐོབ་པ་བྱེད་གསུངས། ང་རང་གི་ཡིད་ལ་ཡང་ངས་འདི་ཙམ་གྱི་མཁར་ཞིག་བརྩིགས་པ་ལ། རྡོ་ར་མགོ་ཙམ་ཞིག་གམ། ས་ཙེལ་པོ་གང་ངམ། ཆུ་ཕོགས་གཅིག་གམ། འཇིམ་པ་ཁྱེམ་གང་སྐྱེལ་བའི་གྲོགས་མེད་པར་བརྩིགས་པ་ཡིན་པས། ད་ལན་དབང་བསྐུར་གནང་འོང་སེམས་པ་བྱུང་སྟེ། ཕྱག་བཙལ་ནས་དབང་གྲལ་ལ་བསྡད་པས། 那时，藏绒的梅敦村波请上师传授胜乐金刚的大灌顶。师母对我说：“这次， 不管怎样， 你自己也去请求灌顶。 ” 我也暗自思忖，我已经建筑了这么些碉房，而且是在无人帮我搬过羊头大的一块石头、一筐土、一桶水、一铲泥的情况下单独修成的。这次可能会传给我灌顶。想罢，便去顶礼。随即坐在接受灌顶的席位上。 བླ་མའི་ཞལ་ནས་མཐུ་ཆེན་ཁྱོད་ལ་དབང་ཡོན་ཅི་ཡོད་གསུངས། བླ་མའི་སྲས་མཁར་གྱི་ཞབས་ཏོག་བསྒྲུབས་པས། དབང་དང་གདམས་པ་གནང་བའི་ཞལ་བཞེས་ཡོད་པ་དེས་གནང་དུ་རེ་བསྡད་པ་ལགས་ཞུས་པས། 师父说：“吐勤，你有什么求灌顶的供养？”我说：“我为上师的公子修建碉房服了劳役，师父也曾允许给我传授灌顶和教授。因此，我是希望得到传授才来坐在这里的。” བླ་མའི་ཞལ་ནས། ཁྱོད་ཀྱིས་སྤེའུ་ལག་ངར་ཙམ་ཞིག་བརྩིགས་པ་ལ། ངས་རྒྱ་གར་ནས་དཀའ་ལས་བྱས་པའི་དབང་དང་གདམས་པ་མི་ཐོབ། དབང་ཡོན་ཡོད་ན་ཁྱེར་ཤོག །དེ་མིན་གསང་སྔགས་ཟབ་མོའི་དབང་གྲལ་དུ་མ་སྡོད་གསུངས། འགྲམ་ལྕག་རྒྱབ། སྐྲ་ནས་བཟུང་ཕྱིར་བཏོན་པས། ད་ལྟ་རང་ཤི་ན་དགའ་བ་ལ་བསམ་མཚན་ཐོག་ཐག་ཏུ་ངུ་ཞིང་བསྡད། 师父说：“你只修了像孤拐那么大的小房子，怎能求我从印度受尽艰苦所得的灌顶和教授？若有供养你拿出来；若无供养，就不要坐在甚深密教的灌顶法席上！”说罢，给我一耳光，揪着头发把我从座位上拉出门外。我真想不如现在就死了才好，整整哭了一夜。 དེ་དུས་ཡུམ་བྱོན་ནས། བླ་མ་ཁོང་ངས་རྒྱ་གར་ནས་བླངས་པའི་ཆོས་འདི་རྣམས་སེམས་ཅན་ལ་ཕན་དུ་རེ་ནས་བླངས་པ་ཡིན་གསུངས། སྐུ་མདུན་དུ་ཁྱི་ཅིག་བྱུང་རུང་། ཆོས་གསུང་ཞིང་མཇུག་བསྔོ་བས་སྡུད་པ་ཞིག་འདུག་པ་ཡིན་ཏེ། ཁྱོད་ལ་ཐུགས་མི་འདོགས་པ་འདི་ཅི་ཡིན་མི་ཤེས་པར་འདུག །འོན་ཀྱང་ལོག་ལྟ་མ་སྐྱེས་པ་གྱིས་གསུངས། སེམས་གསོ་མཛད་སོང་། 这时，师母来了，安慰我说：“师父自己曾说他从印度学回这些大法，是希望利益一切众生。就是一条狗走过他面前，他都要对它说法，末了还要为它作一个简单的回向 。我不知道为什么对你却如此不关心。不过，你可不要生起邪见呀！” ནང་པར་བླ་མ་རང་བྱོན་ནས། མཐུ་ཆེན་ཁྱོད་རང་ད་རེ་ཞིག་མཁར་གྱི་རྩིག་འཕྲོ་ཞོག་ལ། ཞོལ་གྱི་རྣམ་པའི་ཁྱམས་ཀ་བ་བཅུ་གཉིས་ཡོད་པ་གཙང་ཁང་དང་བཅས་པ་ཞིག་རྩིགས། དེ་ལོངས་པ་དང་དབང་དང་གདམས་ངག་སྟེར་གསུངས། དེར་ཁྱམས་ཀྱི་རྨང་བཏིང་ནས་བརྩིགས། ཡུམ་གྱིས་དུས་རྒྱུན་དུ་ཟ་མ་ལ་བྱ་ན་མ་ཆག་པ་དང་། ཆང་བཟི་བེར་རེ་བ་རྒྱུན་དུ་གནང་ནས་སེམས་གསོ་བཏང་བྱམས་པོ་རང་མཛད། 次晨，师父自己也来了，吩咐我：“吐勤，你现在暂时把修碉房的事停下来，另外修一个有十二根柱子的走廊，作为碉房下部的附属物，附带修一间山神堂。等把这工程结束后，我就传你灌顶和教授。于是，我又从走廊的基础开始修起。师母常常给我饭食和菜肴，并且常常给酒让我喝得醉醺醺的，对我多方安慰，十分慈爱。 |
|
|
49#
发布于：2017-11-01 12:50
寂静涅槃大行之部
第一章 怀着厌离心和出离心寻访具足德相之师 ཡང་རས་ཆུང་པས་བླ་མ་ལགས། ལས་དཀར་པོ་མཛད་གསུང་བ་དམ་པའི་ཆོས་ལས་འོས་མེད་པས། རྗེ་བཙུན་ཆོས་དང་མཇལ་བའི་རྐྱེན་ཅི་ལྟ་བུ་ཞིག་བྱུང་ཞུས་པས། 热穹巴又问道：“师父！你曾说行持白业，自然只有无上正法才堪称白业。那么，尊者与法相遇的因缘是怎样的呢？” རྗེ་བཙུན་གྱི་ཞལ་ནས། ང་མཐུ་དང་སེར་བའི་སྡིག་ལ་འགྱོད་ནས། ཆོས་དྲན་དྲགས་ཉིན་ཟས་མི་དྲན། ཕྱིན་ན་སྡོད་སྙིང་འདོད། བསྡད་ན་འགྲོ་སྙིང་འདོད། མཚན་གཉིད་དུ་མི་འགྲོ་བའི་སྐྱོ་ཤས་དང་ངེས་འབྱུང་ཡོད་རུང་ཆོས་ལ་འགྲོ་ཟེར་ནི་མ་ནུས། བླ་མའི་ཞབས་ཏོག་བྱེད་ཅིང་བསྡད་པའི་ངང་ནས་ཆོས་བྱེད་པའི་ཐབས་ཤིག་ཇི་ལྟར་བྱ་སྙམ་པའི་བསམ་པ་དྲག་པོ་རྒྱུན་ཆགས་སུ་ཡོད་པའི་ཚེ། 我失悔放咒放雹的罪行，极想追求正法。为着这事，白天不想吃饭，走时想坐，坐时又想走，夜间不能睡觉。我虽然有了厌世和出离之心，但不敢向师父明说要去修法。只好以侍候师父来打发日子，心里却老想着怎样才能有一个办法去修道。这个急切的念头，不断浮在心上。 བླ་མ་ལ་མེད་པ་ཐམས་ཅད་ཟད་ལེན་བྱས་པས་ཆོག་པའི་ཡོན་བདག །ཟས་ནོར་དུ་འཛོམ་ལ་དད་གུས་ཆེ་བ་ཞིག་ཡོད་པ་དེ། ནད་དྲག་པོ་ཞིག་གིས་ཟིན་ནས། བླ་མ་སྔས་སྲུང་ལ་གདན་དྲངས་སོང་། དེ་ནས་ཞག་གསུམ་ལོན་པ་དང་། བླ་མ་ཞལ་འཛུམ་ནག་རོག་གེ་བ་ཞིག་བྱས་བྱོན་བྱུང་བ་ལ། 师父有一个大施主，是一个凡师父缺乏什么他都可以慷慨布施的人。他衣食富足，又能敬信佛法。一天，这人忽然得了重病，请师父到他病榻前去守护。过了三天，师父面容现出不悦之色回来了。 བླ་མ་ལགས། དེ་འདྲའི་ཞལ་འཛུམ་ནག་པ་ཅི་ལགས། ཞུས་པས། འདུས་བྱས་ཐམས་ཅད་མི་རྟག་པར་འདུག །མདང་ངའི་ཡོན་བདག་དགའ་མོ་དེ་ཡང་ཤི་སོང་བས་འཁོར་བ་འདི་ལ་ཡིད་ཅིག་སྐྱོ་བ་ཡིན། ལར་མི་རྒན་ངས་ཀྱང་གཞོན་སོ་དཀར་ནས་རྒན་སྐྲ་དཀར་གྱི་བར་ལ་མཐུ་གཏད་སེར་གསུམ་ཞིག་ལ་ལས་བྱས། བུ་ཁྱོད་ཀྱིས་ཀྱང་གཞོན་ནུ་ནས་མཐུ་དང་སེར་བས་སྡིག་ཆེན་པོ་བསགས། དེ་ཀུན་ཀྱང་ང་རང་གི་ཐོག་ཏུ་འོང་བར་འདུག་གསུང་། 我问道：“师父，你怎么有不悦之色？ ” 师父说：“一切有为 ， 皆是无常 。我最好的施主，昨晚已经死了。因此，我对于轮回世间，已感到灰心。尤其是我这个老人，从白齿少年到白发老叟的一生中，造了许多关于念咒、厌胜、降冰雹的罪业。徒儿，你也从年轻时起便放咒放雹，造了大罪， 这一切都要归咎到我头上的呀！ སེམས་ཅན་དེ་རྣམས་བླ་མ་རང་གིས་མཐོ་རིས་དང་ཐར་པར་མི་འདྲོངས་པ་ལགས་སམ་ཞུས་པས། སེམས་ཅན་རྣམས་ངོ་བོ་ཆོས་ཉིད་ཡིན་པ་དང་། རྣམ་པ་མཐོ་རིས་དང་ཐར་པར་འདྲེན་པའི་གོ་ཡུལ་ཞིག་དག་ཡོད། ཆོ་ག་ཞིག་ཀྱང་ཤེས་ཏེ། དེ་རྣམས་གོ་བ་དང་ཚིག་ཏུ་ལུས་ནས། རྐྱེན་བྱུང་ཚེ་ཕན་ཐོགས་པའི་གདེང་ཐོབ་པ་ཞིག་རང་མི་འདུག་པས། ད་ང་རྐྱེན་ཐུབ་པའི་ཆོས་ཤིག་བྱེད་པ་ཡིན་པས། ཁྱོད་ཀྱི་ངའི་བུ་སློབ་རྣམས་སྐྱོངས། ངས་ཁྱོད་ཀྱིས་མཐོ་རིས་དང་ཐར་པའི་ལམ་སྣ་ཟིན་པ་ཞིག་བྱའོ། །ཡང་ན་ཁྱོད་རང་ཆོས་གྱིས་ལ་ང་ཡང་མཐོ་རིས་དང་ཐར་པའི་ལམ་སྣ་ཟིན་པ་ཞིག་གྱིས། ངས་མཐུན་རྐྱེན་རྣམས་སྦྱར་གྱིས་གསུངས་པས། 我禀道：“师父， 你自己不能度这些众生到天堂或解脱的路上去吗？”师父说：“一切有情的本体即是法性，引渡他们到天堂或解脱的路上去的道理，我倒知道；作这种道场法事，我也懂得。但是，仅仅是停留在认识和文字上的。大限到时，还是没有什么把握可以挡得住！所以现在我需要求一项能敌业缘 的办法。你给照看着弟子们，我去学法。将来引领你获得升天或解脱法门；要不，你去学法，引领我获得升天或解脱法门，我供养你一切所需。” ངའི་འདོད་པ་གྲུབ་སྟེ་བདག་གིས་ཆོས་བྱེད་པར་ཞུ་ཞུས་པས། འོ་ན་ཁྱོད་ལོ་ཡང་གཞོན་སྙིང་རུས་དང་དད་པ་ཡང་ཆེ་རབ་ཅིག་འདུག་པས། ཆོས་རྣམ་དག་རང་ཞིག་གྱིས་ཤིག་གསུངས་ནས་ཡར་ལུངས་ཀྱི་ཐེར་ཕྲུག་འདྲེས་པ་མཛོ་ཁལ་གཅིག་མཛོ་དང་བཅས་པ་གནང་སྟེ། གཙང་རོང་གི་སྣར་ཞེས་བྱ་བ་ན། བླ་མ་རོང་སྟོན་ལྷ་དགའ་ཞེས་བྱ་བ་དམ་ཆོས་རྫོགས་པ་ཆེན་པོ་ལ་མཁས་ཤིང་གྲུབ་པ་བརྙེས་པ་ཞིག་བཞུགས། དེར་སོང་ལ་སྒྲུབ་པ་ཡང་དག་ཅིག་གྱིས་ཤིག་གསུང་། 知道自己的愿望可以实现了， 我就向上师求道：“我愿去修道。 ” 师父说：“也好，你年纪轻，又有恒心，信念也牢固。但是应当去求一个十分纯正之法！”他把亚隆出产的，大约一头犏牛可以驮动的一驮氆氇连同那条犏牛一起赏给我，吩咐说：“在藏绒的拉尔 地方有一位精通大圆满法 并得到成就的大师名绒敦拉迦，你到他那儿去切切实实地修法吧！ ” ངས་ཀྱང་བླ་མས་ལུང་བསྟན་པ་ལྟར་གཙང་རོང་སྣར་དུ་འོངས་ནས་རྩད་བཅད་པས། བླ་མའི་ཇོ་མོ་དང་གྲྭ་པ་འགའ་འདུག་པ་རྣམས་ན་རེ། འདི་མ་དགོན་ཡིན་ཏེ། བླ་མ་ད་ལྟ་འདི་ན་མི་བཞུགས། མྱང་སྟོད་རི་ནང་བྱ་བའི་བུ་དགོན་ཞིག་ན་བཞུགས་ཟེར། 我遵照师父的指示，来到藏绒的拉尔地方打听。大师的妻子及其门徒说：“这里是本寺，大师现未在此。他在本寺的分寺名娘堆的日浪寺 中。” འོ་ན་ང་བླ་མ་གཡུང་སྟོན་ཁྲོ་རྒྱལ་གྱིས་འདིར་གཏད་ནས་བརྫངས་པ་ཞིག་ཡིན་པས་མཇལ་བའི་གྲོགས་དན་གྱིས་དང་བྱས་ལོ་རྒྱུས་རྣམས་རྒྱས་པར་བཤད་པས། ཇོ་མོས་གྲྭ་པ་ཞིག་ངའི་ལམ་སྣ་ལ་བཏང་བས། 我说我是喇嘛雍敦濯杰介绍并派来的。请派人领我去见大师。我把情况详细说了一番，师母才派一个僧人给我引路。 མྱང་སྟོད་རི་ནང་དུ་བླ་མ་དང་མཇལ། ཐེར་ཕྲུག་དང་མཛོའི་ཕྱག་རྟེན་ཕུལ། བདག་ཉི་མ་ལ་སྟོད་ནས་འོངས་པའི་མི་སྡིག་པོ་ཆེ་ཞིག་ལགས་པས། འཁོར་བ་ལས་ཚེ་འདིར་གྲོལ་བའི་ཆོས་ཤིག་ཞུ་བྱས་པས། 我到娘堆的日浪寺见到大师，把氆氇和犏牛等礼物献上，禀道：“弟子是由远道拉堆来的，是个造了大罪的人。求上师传授即生便超脱轮回的大法。” བླ་མའི་ཞལ་ནས། ངའི་དམ་ཆོས་རྫོགས་པ་ཆེན་པོ་འདི་རྩ་བ་བྱུང་རྒྱལ། རྩེ་མོ་ཐོབ་རྒྱལ་འབྲས་བུ་ཡོག་རྒྱལ། ཉིན་བསྒོམས་ན་ཉིན་སངས་རྒྱ། ནུབ་བསྒོམས་ན་ནུབ་སངས་རྒྱ། སྐལ་ལྡན་ལས་འཕྲོ་ཅན་ལ་སྒོམ་མི་དགོས་པར་ཐོས་པས་གྲོལ་བ་དབང་པོ་ཡང་རབ་ཀྱི་ཆོས་སྐལ་ཡིན་པས་སྟེར་གསུངས། དབང་དང་གདམས་པ་གནང་བ་ལས། 师父说：“我的无上妙法大圆满，根子是出生优胜，尖端是获得优胜，果实是圆满优胜。白天修白天成佛，晚上修晚上成佛。若是有缘的善根，不须修行，只要耳中听到，便可解脱。但是，要最上等的根器和与法有缘的人，方可传授此法。”于是，他给我灌顶和传我教授。 ངའི་བསམ་པ་ལ་ངས་དང་པོ་མཐུ་བྱས་པས་ཞག་བཅུ་བཞི་ལ་རྟགས་ཆེན་པོ་ཐོན། སེར་བ་ལ་ཞག་བདུན་གྱིས་ཆོག་པ་བྱུང་། ད་མཐུ་དང་སེར་བ་བས་ཀྱང་སླ་བའི་ཆོས་ཉིན་བསྒོམས་ན་ཉིན་སངས་རྒྱ། ནུབ་བསྒོམས་ན་ནུབ་སངས་རྒྱ། སྐལ་ལྡན་ལས་འཕྲོ་ཅན་ལ་ཐོས་པས་སྒོམ་མི་དགོས་པ་འདི་འདྲ་དང་འཕྲད་ལུགས་ཀྱིས་ང་ཡང་ལས་འཕྲོ་ཅན་ཞིག་ཡིན་པ་འདུག་སྙམ་ང་རྒྱལ་དང་བཅས་མ་བསྒོམས་པར་ཉལ་བསྡད་པས། ཆོས་དང་གང་ཟག་ཐ་དད་དུ་སོང་བའི་ཚེ། 我寻思着：开始学咒术时，修十四天便得到应验；后学放雹，仅用七天便得成功。现在此法比咒术放雹还要容易，白天修白天成佛，晚修晚上成佛。若是有缘的善根，仅用耳听，不须修炼。今天能遇到这样的法门，看来，我也是个有宿缘的人吧！因此，就产生骄傲之心，不肯观修，而去睡觉了。就这样，我和法完全分开了。 ཞག་འགའ་སོང་བ་དང་། བླ་མའི་ཞལ་ནས། ཁྱོད་ལ་སྟོད་ནས་འོངས་པའི་མི་སྡིག་པོ་ཆེ་ཡིན་ཟེར་བ་བདེན་པར་འདུག །ངའི་ཆོས་ཀྱི་ཁ་ཕོ་དེ་ཡང་ཅུང་ཟད་ཆེས་པ་ཞིག་བྱུང་འདུག་པས། ངས་ཁྱོད་མི་འདྲོངས་པར་འདུག་པས། ད་ཁྱོད་རང་ལྷོ་བྲག་གྲོ་བོ་ལུང་ཞེས་བྱ་བའི་དགོན་པ་ན། རྒྱ་གར་གྱི་གྲུབ་ཆེན་ནཱ་རོ་པའི་དངོས་སློབ། སྐྱེས་མཆོག་སྒྲ་བསྒྱུར་གྱི་རྒྱལ་པོ་མར་པ་ལོ་ཙྪ་ཞེས་བྱ་བ་སྔགས་གསར་མའི་གྲུབ་ཐོབ། ས་གསུམ་ན་འགྲན་ཟླ་དང་བྲལ་བ་ཞིག་བཞུགས། དེ་དང་ཁྱོད་རང་ཚེ་སྔ་མ་ནས་ལས་འབྲེལ་འདུག་པས་དེར་སོང་ཞིག་གསུངས། 过了几天，师父向我说道：“说你是拉堆来的大罪人，这话真是不假。对于我这大法，我也夸张得过分了点儿。看来，我度不了你。现在你去洛扎 ，那里有一寺庙名卓阿隆，寺内有一位印度 大德那若巴的亲炙弟子，译经王，大圣马尔巴。他是密教新派的得道大师。在地上、地下、天上三处都找不出能与之匹敌的人。他与你前生有缘，你往他那儿去吧！” དེར་ང་ལ་སྒྲ་བསྒྱུར་མར་པའི་མཚན་ཐོས་པ་ཙམ་གྱིས་སེམས་ལ་སྨྲ་མི་ཤེས་པའི་དགའ་བ་དང་། ལུས་ལ་བ་སྤུ་ཀུན་གཡོ་བའི་བདེ་བ། མཆི་མ་འཁྲུག་པའི་མོས་གུས་ཚད་མེད་པ་ཞིག་བྱུང་བས། བློ་རྩེ་གཅིག་ཏུ་དྲིལ་ནས། ལམ་རྒྱགས་དང་པོ་ཏི་འདྲ་ཡོད་པ་ཁྱེར་ཏེ། བསམ་པ་གཞན་གྱིས་བར་མ་ཆོད་པར་བླ་མ་དང་མཇལ་ཏེ་ཞལ་མཐོང་བ་ཞིག་ནམ་འོང་ན་ནམ་འོང་ན་བསམ་ཞིང་ཕྱིན་པས། 当时，我一听到译师马尔巴的名字，心里便有一种说不出来的快 乐，全身毛发竖立，非常舒适，眼中不由得掉下喜泪，产生无比敬意。于是，我就一个心眼儿地带上口粮和书籍，心里没有任何别的念头，一心只想去见那位大师。边走边嘀咕着：“什么时候才能见面呀！什么时候才能见面呀！” ང་གྲོ་བོ་ལུང་དུ་ནང་པར་སླེབ་འོང་བའི་དོ་ནུབ་མར་པའི་མནལ་ལམ་དུ་པཎ་ཆེན་ནཱ་རོ་བྱོན་ཏེ་དབང་བསྐུར། རྒྱུ་བཻཌཱུརྻ་ལས་གྲུབ་པའི་རྡོ་རྗེ་རྩེ་ལྔ་པ་དྲི་མས་ཅུང་ཟད་གོས་པ་ཞིག་དང་། གསེར་གྱི་བུམ་པ་བདུད་རྩིས་གང་བ་ཞིག་གནང་ནས། རྡོ་རྗེ་འདིའི་དྲི་མ་བུམ་ཆུ་འདིས་ཁྲུས་ལ། རྒྱལ་མཚན་གྱི་རྩེ་ལ་ཕྱོར་ཅིག །དེས་རྒྱལ་བ་གོང་མ་རྣམས་མཉེས་ཤིང་། སེམས་ཅན་རྣམས་མགུ་བར་བྱས་པ་ཡིན་པས་རང་གཞན་གྱི་དོན་གྲུབ་པ་ཡིན་ནོ་གསུངས་ནས་ནམ་མཁའ་ལ་གཤེགས་པ་དང་། 当我要出发到卓阿隆的头天夜间，马尔巴大师在梦中见到班勤 那若巴走来给他灌顶。赐他染了一点儿尘垢的琉璃做的五股金刚柞和装满甘露的金瓶，说：“用瓶中的水洗涤尽柞上的尘垢，将柞放在宝幢顶上，这可使诸佛欢喜，众生满足。这样，既可自利，又可利他。”说完腾空而去。 བླ་མའི་བཀའ་བཞིན་བུམ་ཆུས་རྡོ་རྗེ་བཀྲུས་ཏེ། རྒྱལ་མཚན་གྱི་རྩེ་ལ་འཕྱར་བས། རྡོ་རྗེའི་འོད་ཀྱིས་འཇིག་རྟེན་ཀུན་ཁྱབ་ཅིང་། རིགས་དྲུག་གི་སེམས་ཅན་རྣམས་ལ་ཕོག་པས་སྡུག་བསྔལ་མེད་པའི་བདེ་བའི་ངང་ནས་རྗེ་བཙུན་མར་པ་རང་དང་རྒྱལ་མཚན་ལ་སེམས་ཅན་ཀུན་གྱིས་ཕྱག་འཚལ་ཞིང་མཆོད་བསྟོད་འབུལ་བ་དང་། རྒྱལ་བ་རྣམས་ཀྱིས་རྒྱལ་མཚན་ལ་རབ་གནས་མཛད་པ་ཞིག་རྨིས་པས། 他遵照师父之命，用瓶中的水洗涤金刚柞后，放在宝幢顶上。于是，金刚柞放出光明，照亮一切世界，并照着六道众生，使其解脱痛苦，得到安乐。因此，一切众生都向马尔巴尊者和宝幢恭敬顶礼，供养赞颂。诸佛也为这个宝幢开光 加持。 ཐུགས་རྒྱལ་ཅུང་ཟད་འཁྲུངས་པའི་ངང་ནས་མནལ་སད་པ་དང་། ཐུགས་དགྱེས་ཤིང་སྤྲོ་བ་ཞིག་བྱུང་བའི་ངང་ནས། ཡུམ་ཚ་བ་འདྲེན་དུ་བྱུང་སྟེ། བླ་མ་ལགས། མདང་ངའི་རྨི་ལམ་དུ་ནུབ་ཕྱོགས་ཨུ་རྒྱན་ནས་ཡིན་ཟེར་བའི་བུད་མེད་གཉིས་ཀྱིས་ཤེལ་གྱི་མཆོད་རྟེན་ཕྱི་དྲི་མས་ཅུང་ཟད་གོས་པ་ཞིག་ཁྱེར་བྱུང་སྟེ། ཡབ་ལ་བླ་མ་ནཱ་རོ་པའི་བཀའ་ལུང་ཡིན་པས། མཆོད་རྟེན་འདི་ལ་རབ་གནས་གྱིས་ལ་རིའི་རྩེར་ཞོག་ཟེར་བ་ལ། ཡབ་ཀྱི་ཞལ་ནས་ཀྱང་མཆོད་རྟེན་འདིའི་རབ་གནས་པཎ་ཆེན་ནཱ་རོས་གྲུབ་གྲུབ་པ་ཞིག་ཡིན་ནའང་། བླ་མའི་བཀའ་སྒྲུབ་དགོས་གསུངས་ནས། མཆོད་རྟེན་བུམ་ཆུས་འཁྲུད་པ་སོགས་རབ་གནས་ཀྱི་ཆོ་ག་རྒྱས་པར་མཛད་དེ། རི་རྩེར་བཞག་པས་མཆོད་རྟེན་དེ་ལས་ཉི་ཟླ་ལྟ་བུའི་འོད་ཆེན་པོ་དང་། མཆོད་རྟེན་དེ་འདྲ་མང་པོ་འཕྲོས་ཏེ། རི་རྩེ་ཀུན་གང་བའི་དཀོན་གཉེར་བུད་མེད་དེ་གཉིས་ཀྱིས་བྱེད་ཅིང་འདུག་པ་ཞིག་རྨིས། ཅི་ཡིན་ནམ་ཞུས་པས། 他在这种有点儿自得的心境中醒来。醒后非常欢喜。就在这时师母给他送茶来，说道：“大师，昨夜我在梦中，见到据说是由北方邬坚来的两个妇女，拿着水晶宝塔，宝塔外面有点尘垢。说是那若巴上师吩咐你为宝塔开光，并把它放在山顶上。于是，你说，关于这佛塔，班勤那若巴师父虽早已开光加持了，既然师尊有命，我再作一番也好。你便用宝瓶的水洗涤宝塔，作了一个盛大的开光法事。然后放在山顶。此塔大放光明，如日月腾辉，并分出无数同样的宝塔来，充满山顶。那两个妇女就作为守塔的香灯师。这奇怪的梦不知是何意思？” རྨི་ལམ་གྱི་དོན་མཐུན་པ་འདུག་དགོངས་ཏེ་ཐུགས་ཤིན་ཏུ་དགྱེས་པ་ཞིག་བྱུང་རུང་། རྨི་ལམ་ལ་འབྱུང་ས་མེད་པས་ཅི་ཡིན་མི་ཤེས། ང་ལམ་ཁ་མ་གིར་ཕྲུ་སློག་ཏུ་འགྲོ་བས་ཆས་གྱིས་གསུངས། 马尔巴知道这两个梦的意思是一致的，心里高兴极了。但是口中却说：“梦是怪诞无稽之事，不知道是什么意思。我要去下边路旁耕地，你准备一下吧！” ལས་མི་འདི་ཙམ་ཞིག་བྱས་ནས་ཁྱོད་བླ་མ་ཆེན་པོ་ཞིག་ལས་ལ་བྱོན་ན། ངེད་རྣམས་ལ་ཀུན་གྱིས་འཕྱ་བ་ཞིག་འོང་བས་བཞུགས་པར་ཞུ་ཞེས་ཞུ་བ་ཕུལ་རུང་། མ་གསན་པར་བླ་མ་རང་བྱོན་ནས་ང་ལ་ཆང་མང་པོ་ཁྱེར་ཤོག་གསུངས། བུམ་པ་གང་ཁྱེར་ཕྱིན་པས། འདི་ང་རང་འཐུང་བ་ཡིན་ད་མགྲོན་ཆང་ཁྱེར་ཤོག་གསུངས། ཡང་བུམ་པ་གང་ཁྱེར་ཕྱིན་པས། དེ་ས་ལ་བསྐུངས་དབུ་ཞྭ་བཀབ་སྟེ། ཕྲུ་སློག་པའི་ངང་ནས་སོ་རང་མཛད་པ་དང་། ཕུད་བཞེས་རུང་བཞུགས་པར་འདུག 师母说：“有这样多劳力，你是大喇嘛，若去耕地，别人要讥笑我们的。请你歇着吧！”虽经劝阻，喇嘛不听，自己坚持要去，还吩咐：“给我多拿点酒来！”便给他送了一瓶酒去，喇嘛说：“这只够我自己喝，还要拿点给客人喝！”于是又送去一瓶。他把酒瓶用土围起来，用帽子盖上。喇嘛一面耕地，一面又一个劲儿地瞭望，一会儿又喝一口酒，坐在那儿等待着。 ངས་ཀྱང་ལྷོ་བྲག་གི་མདའ་ནས། མི་ཕྲད་ཚད་ལ་སྐྱེས་མཆོག་མར་པ་ལོ་ཙྪ་གང་ན་བཞུགས་ཞེས་འདྲི་ཞིང་ཕྱིན་པས། རྒྱུས་ཡོད་ཟེར་བ་ཞིག་ཀྱང་མ་བྱུང་བ་ལ། གྲོ་བོ་ལུང་མཐོང་བའི་ལ་ཁར་སླེབ་པའི་ཚེ་མི་ཞིག་བྱུང་བ་ལ་སྔར་ལྟར་དྲིས་པས། མར་པ་ཟེར་བ་ནི་ཡོད། སྐྱེས་མཆོག་མར་པ་ལོ་ཙཱ་ཟེར་བ་ནི་མེད་ཟེར། འོ་ན་གྲོ་བོ་ལུང་གང་ན་ཡོད་བྱས་པས། གྲོ་བོ་ལུང་ཕ་གི་ཡིན་ཟེར་བསྟན་བྱུང་། ཕ་གི་ན་སུ་བཞུགས་བྱས་པས། མར་པ་ཟེར་བ་དེ་ཀ་ཡོད་ཟེར། དེ་ལ་གཞན་མཚན་མེད་དམ་བྱས་པས། ལ་ལས་བླ་མ་མར་པའང་ཟེར་ཞིང་འདུག་ཟེར། བླ་མའི་གདན་ས་ཡིན་པར་ཐག་ཆོད་དེ། ལ་ཁ་འདི་ལ་ཅི་ཟེར་བྱས་པས། འདི་ལ་ཆོས་ལ་སྒང་ཟེར། 我顺着洛扎的河谷走。逢人就打听大圣马尔巴译师的住处。沿路打听，但是没有一个了解情况的人。慢慢地到了能看见卓阿隆山时，遇见一人，我向他打听。他说：“名叫马尔巴的倒有，但是没有什么大圣马尔巴译师。”我问：“那么，卓阿隆在什么地方？ ” 他用手指着说：“卓阿隆就在那边。 ” 我问：“谁住那里？ ”他答说：“就是刚才说的马尔巴嘛。”我又问：“他没有别的名字吗？”他说：“也有人喊他喇嘛马尔巴的。”我心中暗想，那肯定是大师驻锡的地方了。我又问：“这个山名叫什么？”他答“名叫菊那岗 ”。 ཆོས་ལ་སྒང་ནས་བླ་མའི་གདན་ས་མཐོང་བ་རྟེན་འབྲེལ་ཤིན་ཏུ་ལེགས་སྙམ་དགའ་བ་ཞིག་བྱུང་། དེ་ནས་ཀྱང་ཡར་འདྲི་ཞིང་འོངས་པས། ཕྱུགས་རྫི་མང་པོ་ཞིག་འདུག །དེ་རྣམས་ལ་དྲིས་པས། རྒན་པ་རྣམས་ན་རེ་རྒྱུས་མེད་ཟེར་བ་ལ། དེ་རྣམས་ཀྱི་ནང་ནས་བྱིས་པ་ཡིད་དུ་འོང་ལ་བཞིན་དང་རྒྱན་བཟང་བ། སྨྲ་ལྕེ་བདེ་བ། སྣུམ་གྱི་རལ་པ་ཤིག་གེ་བ་ཞིག་ན་རེ། ངེད་ཀྱི་ཕ་ཇོ་ལ་ཟེར་བ་ཡིན་ནམ། དེ་ཡིན་ན་ངེད་ཀྱི་ཕ་ཇོ་ནི་ངེད་རང་གི་ནོར་གང་ཡོད་ཀྱིས་གསེར་ཉོས་ནས་རྒྱ་གར་ལ་ཁྱེར་འགྲོ། ཚུར་འཁྱོས་མ་ལ་པོ་ཏི་ཕྲ་རིང་བ་མང་པོ་ཁྱེར་ནས་སླེབ་འོང་བ་ཞིག་ཡོད། སྔར་ལས་རྒྱུ་ནས་མི་བྱེད་པའི་དེ་རིང་ཕ་ཇོ་ཕྲུ་སློག་གིན་ཡོད་ཟེར་བ་ལ། 我心想从菊那岗就看见了上师的住处，机缘真巧。不觉欢喜起来。于是，我又一直往上走，沿途打听。见到有很多放牧的人，我就问他们。那些年纪大的说：“不如道。”他们当中有一个生得俊秀，穿着也漂亮，口齿伶俐，披着光滑的头发的孩子说：“你说的是我父亲吗？如果是他，那么，我告诉你。我的父亲，把我们所有的家产变卖，换成黄金，拿到印度去，带回来的东西，就是很多又细又长的书籍。从前，他从未做过地里活；今天，却在耕地哩。” རིགས་པས་བརྟགས་ན་འདྲ་མོ་ཡིན་ཏེ། ཁོང་ལོ་ཙཱ་བ་ཆེན་པོ་ཞིག་ཕྲུ་སློག་གིན་རང་མེད་དམ་སྙམ་ནས་འོངས་པས། ལམ་ཁ་ཞིག་ན་བནྡེ་སྐུ་ཆེ་ལ་སྐུ་ཤ་འབྱོར་པ། སྤྱན་ཡངས་ལ་ཟིལ་ཆེ་བ་ཞིག་ཕྲུ་སློག་ཅིང་འདུག་པ་ལ། མཐོང་མ་ཐག་ཏུ་སྨྲར་མེད་པའི་དགའ་བདེ་བསམ་གྱིས་མི་ཁྱབ་པའི་ངང་ལ། ཚེ་འདིའི་སྣང་བ་ཏུར་ཏུར་པོ་དེ་འགགས་ནས་དར་ཅིག་ལུས་འདུག 当时，我心中想，若用理智推断，很像是他。但是，他是最大译师，不可能去耕地吧。一面想一面走，走到一个路边，看见一个僧人，身体魁伟健壮，一双大眼睛炯炯发光，正在耕地。一看见他，心中便有一种不可言喻、无法想象的快乐之感。当此之时，眼前凡俗的境界顿觉完全消失。我在此境况中沉浸片刻后， དེ་ནས་ངས་དྲུང་པ་ལགས། ཡུལ་འདི་ན་དཔལ་ནཱ་རོ་པའི་དངོས་སློབ། སྒྲ་སྒྱུར་མར་པ་ལོ་ཙཱ་ཞེས་བྱ་བ་བཞུགས་ཟེར་བ་དེ་གང་ན་བཞུགས་ཞུས་པས། བནྡེ་དེས་ངའི་མགོ་མཇུག་མེད་པ་ལ་ཡུན་རིང་བ་ཞིག་བལྟས་ཏེ། ཁྱོད་གང་ནས་ཡིན། ཅི་བྱེད་གསུངས་པས། 便向那人问道：“先生！此地有一个吉祥那若巴的亲炙弟子——马尔巴译师吗？他住在哪里？”那 僧人把我全身上下打量了很久，说：“你从哪里来的？想干什么？” བདག་གཙང་ལ་སྟོད་ཀྱི་མི་སྡིག་པོ་ཆེ་ཞིག་ལགས་ཏེ། ཁོང་སྙན་པ་ཤིན་ཏུ་ཆེ་བར་གདའ་བས་དམ་པའི་ཆོས་ཤིག་ཞུ་རུ་འོངས་པ་ལགས་ཞུས་པས། འོ་ན་ངས་མར་པ་དང་སྤྲད་ཀྱིས། ཁྱོད་ངའི་ཕྲུ་འདི་སློགས་ཤིག་གསུངས་དབུ་ཞྭའི་འོག་ནས་ཆང་ས་ལ་སྐུངས་པ་བཏོན་ཏེ་གནང་བྱུང་བས་ཕན་ལ་ཞིམ་པ་ཞིག་བྱུང་། ཕྲུ་འདི་རེམ་ལ་སློགས་ཤིག་ཟེར་བནྡེ་དེ་ལོག་སོང་བ་དང་། ཆང་ལྷག་མ་ལུས་པར་བཏུང་སྟེ་ཕྲུ་རེམ་ནས་བསློགས་པས། 我说：“我是后藏拉堆造了大罪的人。因听到他的大名，特来拜求大法的。”那人说：“那么，我给他招呼一声，你帮我耕耕地。”说着便从帽子下面把埋在土中的酒取出给我喝。正好解渴，我喝得很香美。他对我说：“把这块地好好耕一下！”说完那僧人便走了。我把余酒一饮而尽。之后，便认真仔细地耕那块地。 དར་ཅིག་ནས་ཕྱུགས་རྫིའི་གསེབ་ནས་ཆ་སྟོན་པའི་བུ་ཆུང་དེ་འབོད་དུ་བྱུང་སྟེ། བླ་མའི་ཞལ་ཏ་ལ་ནང་དུ་ཤོག་གསུང་གིན་འདུག་ཟེར་བས་དགའ་སྟེ། ཁོང་གིས་ངའི་མཇལ་སྣའི་གོ་ཆོད་འདུག་པས། ངས་ཀྱང་ཁོང་གི་ཕྲུ་སློག་འཕྲོ་འདི་གོ་ཆོད་ཅིག་བྱེད་བྱས་ལྷག་ཅུང་ཟད་ཅིག་འདུག་པ་དེ་བསློགས། ཞིང་དེས་ང་བླ་མ་དང་མཇལ་བའི་མཐུན་རྐྱེན་བྱས་པས། ཞིང་གི་མིང་ལའང་མཐུན་རྐྱེན་དུ་ཆགས་ཏེ། དབྱར་ཞིང་གི་མཐའ་དགུན་དཀྱིལ་ལ་ལམ་ཡོད་པ་ཞིག་ཡོད་དོ། 忽见刚才那群牧童中告诉我情况的那孩子跑来喊我：“喇嘛说叫你到家里去！”我一听这话欢喜异常。我想他为我引荐的事办到了，我给他耕地也应当耕完才好。于是把尚未耕完的地耕完了。这块地就成为我和上师相遇的助缘，故以后这地名就叫做“顺缘地。”这块地夏天路在地边，冬天路在地中。 དེ་ནས་ངས་བུ་ཆུང་དེ་དང་བསྡེབས་ཏེ་ནང་དུ་ཕྱིན་པས། སྔ་ནས་ཀྱི་བནྡེ་དེས་གདན་གྱི་སྟེང་ན་འབོལ་ཉིས་རྩེག་གྲུམ་རྩེ་དང་སུམ་རྩེག་སྙེས་འབོལ་དང་བཅས་པའི་སྟེང་ན་སྣུམ་ཕྱིས་ཤིག་བྱས་པ་ལ་སྨིན་ཕྲག་དང་སྣའི་བྱ་གཤོག་གི་གཤོངས། སྨ་ར་དང་ཨག་ཚོམ་རྣམས་འཕྱི་བ་མ་བྱུང་བར་ས་ཁ་ལེ་བ་ཞིག་བྱས་ནས་ལྟོ་ཚིལ་ལྷུག་གེ་འདུག་པ་ལ། འདི་ནི་སྔར་གྱི་དེ་ཀ་ཡིན་པར་འདུག །བླ་མ་གང་ན་བཞུགས་པ་ན་སྙམ་བལྟས་པས། 于是，我同那个孩子一起到了家里。只见刚才那个僧人坐在铺着一层栽绒的两层厚厚的垫子上，上面还放有三层的靠枕。他的脸上用油擦得光光的，眉梢、鼻梁两侧、胡须上没有擦到油，还沾有泥土，肥大的肚子下垂着。我看了一眼，心想：这人不就是刚才的那个人吗？大师又在哪里呢？ བླ་མའི་ཞལ་ནས། ངོ་མི་ཤེས་པ་བདེན་འོང་། མར་པ་ང་རང་ཡིན་ཕྱག་འཚོལ་ཅིག་གསུངས། དེར་ཕྱག་བཙལ་ཞབས་སྤྱི་བོར་བླངས་ཏེ། བླ་མ་རིན་པོ་ཆེ་བདག་ཉི་མ་ལ་སྟོད་ནས་ཀྱི་མི་སྡིག་པོ་ཆེ་ཞིག་ལགས་པས། ལུས་ངག་ཡིད་གསུམ་ཡང་འབུལ། ལྟོ་གོས་ཆོས་གསུམ་ཡང་བླ་མ་ལ་ཞུ། ཚེ་འདིར་སངས་རྒྱ་བ་ཞིག་ཐུགས་རྗེས་འཛིན་པར་ཞུ་ཞུས་པས། 师父说：“真的不认识了吗？马尔巴就是我，快行礼呀！”于是，我便顶礼，把师父的脚放在我头上说：“上师大宝！弟子是远方拉堆的大罪人，谨以身、语、意三业供与上师。请上师赐给我衣食和传授我佛法，恳请慈悲摄授， 传给我今生即能成佛的大法。” བླ་མའི་ཞལ་ནས། སྡིག་པོ་ཆེ་ཡིན་པའི་ཡུས་ང་ལ་མི་འགྲོ། ངའི་ཆེད་དུ་སྡིག་པ་གསོག་ཏུ་བཏང་བ་ནི་མིན། ཁྱོད་ཀྱིས་སྡིག་པ་ཅི་བྱས་པ་གསུངས། རྒྱུ་མཚན་རྣམས་རྒྱས་པར་ཞུས་པས། འདུག་གང་ལྟར་ནའང་ལུས་ངག་ཡིད་གསུམ་འབུལ་བ་དེ་བཟང་། ལྟོ་གོས་ཆོས་གསུམ་ཀུན་མི་འོང་། ཡང་ན་ལྟོ་གོས་སྟེར་ཆོས་གཞན་ནས་ཚོལ། ཡང་ན་ཆོས་སྟེར་ལྟོ་གོས་གཞན་ནས་ཚོལ། དེ་གཉིས་འདོམས་ངས་ཆོས་སྟེར་བ་འདམས་ན་ཚེ་འདིར་སངས་རྒྱ་མི་རྒྱ་ཁྱོད་རང་གི་སྙིང་རུས་ལ་རག་ལས་གསུངས། 师父说“ ：你造大罪怪不到我头上来！并不是我教你去为我造罪。你究竟造了些什么罪？”我便把前后经过情形详细禀告一番。师父说：“是啊！但是，不管怎样，以身语意三业供养还是好的。不过，要我供给粮食，又要传法，恐怕难以全部实现。或者给你衣食，你到别处去求法；或者对你传法，你到别处求衣食。这两条任你选。若选择由我传法，今生能否成佛，全靠你自己勤恒奋进。” འོ་ན་བླ་མའི་དྲུང་དུ་ཆོས་ལ་གཏད་འོངས་པ་ལགས་པས། ལྟོ་གོས་གཞན་ནས་ཚོལ་བར་ཞུ་ཞུས་ནས་དཔེ་ཆ་གཅིག་ཡོད་པ་དེ་མཆོད་ཁང་དུ་བསྐྱལ་བས་ཁྱོད་ཀྱི་དཔེ་གོག་དེ་ཕྱིར་ཐོན། ངའི་རྟེན་མཆོད་རྣམས་ལ་ཆམ་པ་འོང་གསུངས། ངའི་དཔེ་ཆའི་ཁྲོད་ན་མཐུའི་དཔེ་ཆ་ཡོད་པས་ལན་སྙམ་པ་བྱུང་། ང་རང་འདུག་སར་ཚགས་བྱས་ནས་ཞག་ཤས་དེར་བསྡད་དེ། ཡུམ་གྱིས་ཟ་མ་སྐྱིད་པོ་བྱིན་གསུངས། 我禀道：“我是特来上师面前请求传授大法的。那么，我往别处去求衣食吧。”于是，便将我的一本书送往经堂中存放。师父说：“快把你那破书拿走！看玷污我的佛像和供品。”我心中暗想，可能是因为我的书中有那咒术书的缘故吧？！就把它拿来放在我的住处。在那里住了几天，师母给我很好的饮食。 བླ་མ་དང་ཞལ་མཇལ་བའི་མཛད་པ་སྟེ།མཆོག་གི་མཛད་པ་དང་པོའོ།། 与师相见的大行：即殊胜大行第一章完。 |
|
|
50#
发布于：2017-11-01 08:04
|
|
|
51#
发布于：2017-10-31 11:20
|
|
|
53#
发布于：2017-10-30 17:33
ཐུན་མོང་འཇིག་རྟེན་པའི་མཛད་པའོ།།
寂静涅槃大行之部 གཉིས་པ་མཆོག་གྱུར་ཞི་བ་མྱ་ངན་ལས་འདས་པའི་མཛད་པ་ལའང་སྐྱོ་ཤས་དང་ངེས་འབྱུང་གི་སྒོ་ནས་མཚན་ལྡན་གྱི་བླ་མ་བཙལ་བའི་མཛད་པ། 第一章 怀着厌离心和出离心寻访具足德相之师 ཞལ་མཇལ་ནས་ཅི་གསུང་དང་དུ་ལེན་ཅིང་སྡུག་བསྔལ་ཡི་ཆད་ཀྱི་དཀའ་བ་ལ་བརྟེན་ནས་སྡིག་སྒྲིབ་མ་ལུས་སྦྱངས་པའི་མཛད་པ། 第二章 谒见上师 遵命笃行 以痛苦和失望的折磨将罪障清除无遗 བརྩེ་བས་རྗེས་སུ་བཟུང་ནས་སྨིན་གྲོལ་གྱི་གདམས་ངག་ཐོབ་པའི་མཛད་པ། 第三章 得师尊悲悯摄授，得到成熟解脱的教授 དེ་ཉིད་བླ་མའི་དྲུང་དུ་བསྒོམས་པས་ཉམས་རྟོགས་ཀྱི་མྱུ་གུ་འཁྲུངས་པའི་ མཛད་པ། 第四章 在上师身边观修 生出证验之苗 གདམས་ངག་ལ་རང་བྱན་ཚུད་ཚེ་མནལ་ལམ་གྱི་བརྡས་བསྐུལ་བས་ཆིག་རྒྱུད་ཀྱི་གདམས་ངག་ཐོབ་སྟེ་བླ་མའི་དྲུང་ནས་བྱོན་པའི་མཛད་པ། 第五章 掌握教授 因梦兆启示得单传教授后离开上师回归家乡 སླར་ཡང་རྐྱེན་གྱིས་འཁོར་བ་ལ་སྙིང་པོ་མེད་པར་གསལ་ཐེབས་པས་སྒྲུབ་པ་ལ་ཡི་དམ་བཅས་པའི་མཛད་པ། 第六章 借助外缘明白了轮回之义发誓再次修行 བླ་མའི་བཀའ་སྒྲུབ་ཕྱིར་ཚེ་འདི་བློས་བཏང་སྟེ་སྙིང་རུས་དང་དཀའ་སྤྱད་དྲག་པོས་ཡེངས་མེད་དུ་རི་ལ་བསྒོམས་པའི་མཛད་པ། 第七章 为遵从师教，毕生勤奋精进、专一坐山修持 དེ་ལྟར་བསྒོམས་པས་ཉམས་རྟོགས་གོང་འཕེལ་དུ་སོང་ནས་མཐར་ཕྱིན་ཏེ་བསྒྲུབས་འབྲས་ཀྱིས་བསྟན་པ་དང་སེམས་ཅན་ལ་ཕན་གདགས་པའི་མཛད་པ། 第八章 经此修持，证悟增长，终于成功。遂以所得成果利益佛教和众生 རྣམ་བྱང་གི་མཛད་ཕྲིན་རྣམས་རྫོགས་ནས་འགྲོ་རྣམས་ཆོས་ལ་བསྐུལ་ཕྱིར་གཟུགས་སྐུ་ཆོས་དབྱིངས་སུ་ཐིམ་པའི་མཛད་པ་དང་དགུའི་དང་པོ་ནི། 第九章 完成解脱和化度事业为劝众生归佛而将色身融归王法界 |
|
|
54#
发布于：2017-10-30 17:23
第三章 奉母命修炼咒术 惩治仇人 part 3 of 3
རྣལ་འབྱོར་པ་དེས་ཀྱང་ང་རྩད་གཅོད་ཅིང་འོངས་པས། ང་གནུབས་ཁུ་ལུང་ན་འདུག་ཟེར་བ་ཐོས་ནས། ངའི་སར་བྱུང་སྟེ། ཨ་མ་དང་སྲིང་མོ་སོགས་ཡུལ་གྱི་ལོ་རྒྱུས་རྣམས་རྒྱས་པར་བཤད། ཡི་གེ་སྤྲད་པ་ཟུར་ཞིག་ཏུ་བཀླགས་པས། 瑜伽行者为寻访我，一路打探而来。听说我在鲁库隆，便径直来到我处，把母亲及妹子等家乡的情况一一告诉了我，并把信交给我。我到一旁去读，信中写道： ཐོས་པ་དགའ་ཁམས་བཟང་བར་ཡོད་ལས་ཆེ། མ་རྒན་མོ་ལ་བུ་སྐྱེས་པས་བསམ་པ་གྲུབ། ཡབ་མི་ལ་ཤེས་རབ་རྒྱལ་མཚན་གྱི་གདུང་རབས་ཟིན། ཡུལ་དུ་མཐུའི་རྟགས་ཐོན། མི་མགོ་སུམ་ཅུ་སོ་ལྔ་ཁང་པ་གཏིབས་པའི་འོག་ཏུ་ཤི། དེའི་ཕྱིར་ཡུལ་པ་འདི་པས་ངེད་མ་སྨད་ལ་གཤའ་མ་རང་མ་བྱས་པས། ད་དུང་སེར་བ་གྱང་རིམ་དགུ་ཡོད་ཟེར་བ་ཞིག་ཕོབས། དེས་མ་རྒན་མོའི་བསམ་པ་མཐར་ཕྱིན་པ་ཡིན། “闻喜，想你的身体一定很好！为娘生下你这个儿子，甚为遂心。你父米拉喜饶坚赞的事业已有继承人了。法术已经在本乡中奏效。三十五人死于坍屋之下。为此，乡邻们对我们母女仍不怀好心。听说你还可以施放九层墙厚的冰雹。果能如此，那么，为娘的心愿就可完全满足了。 ཡུལ་པ་འདི་པས་ཁྱོད་ཚོལ་དུ་བཏང་ནས་བསད་རྟིང་ང་ཡང་གསོད་ཟེར་བར་འདུག་པས། རང་རེ་མ་བུ་གཉིས་ཀའི་ཕྱིར་དུ་སྲོག་ཟོན་དམ་པར་གྱིས། རྒྱགས་ཆད་ན་ལུང་པ་ཁ་བྱང་དུ་ལྟ་བ། སྤྲིན་ནག་པོ་ལྡིང་ཞིང་། སྐར་མ་སྨིན་དྲུག་འཆར་བའི་འོག་ན་རང་རེའི་ཉེ་ཚན་གྲོང་པ་བདུན་ཡོད་པས། 乡邻们已打发人来寻找你，听说杀你后，再杀我。为了我们母子二人的安全，你要严加提防生命危险。若你没有口粮，在那面朝北的地方，上面黑云密布，还有昴星闪现。在那星宿的下面，内有我们七户至亲好友。 དེ་ནས་རྒྱགས་ཅི་འདོད་འོང་པ་ཡོད་པས་ལོང་། རྩད་མ་ཆོད་ན་ལུང་པ་དེའི་ནང་ན་རྣལ་འབྱོར་པ་འདི་རང་བཞུགས་པ་ཡིན་པས་གཞན་དུ་མ་འདྲི་བྱ་བ་ཞིག་འདུག་པས། 你想要多少口粮，可以从那里取用多少。你若寻不到，只消向在那个地方住的这位瑜伽行者询问，千万不要去问别人。 ” ཡི་གེའི་དོན་ནི་མ་གོ། ཡུལ་དང་ཨ་མ་ནི་དྲན། རྒྱགས་ཆད་པ་ལ་ཤིན་ཏུ་མཁོ་བ་ཞིག་ཡོད་པར་འདུག་ཀྱང་། ལུང་པ་དང་ཉེ་ཚན་རྒྱུས་མེད་པས་མཆི་མ་མང་པོ་ཤོར། 信上虽然这样说了，但是，不明白信中意思。心中又怀念母亲和家乡，同时，口粮要断了，正急需口粮，却不知该从哪个地方去找那个“至亲”。因此，急得流下泪来。 རྣལ་འབྱོར་པ་དེ་ལ་ཁྱོད་ལ་ངའི་གཉེན་རྣམས་ཡོད་པའི་ལུང་པ་རྒྱུས་ཡོད་པར་འདུག་པ་གང་ཡིན་དྲིས་པས། མངའ་རིས་གུང་ཐང་ཡིན་ཟེར། དེ་མིན་རྒྱུས་མེད་དམ་ཁྱེད་རང་གི་ཡུལ་གང་ཡིན་བྱས་པས། དེ་མིན་ལུང་པ་མང་པོ་རྒྱུས་ཡོད་དེ། ཁྱོད་ཀྱི་གཉེན་གྱི་ལུང་པ་རྒྱུས་མེད། ང་རང་དབུས་ནས་ཡིན་ཟེར། 末了，我问那个瑜伽行者：“你知道我们的至亲在什么地方？” 行者答道：“在阿里贡塘。 ” 我又问：“此外再不知道别的地方吗？ 你自己是什么地方的人？ ” 他说：“除此而外， 我知道的地方固然很多。 但是你亲戚的地方我实在不知道。 我是前藏人。 ” འོ་ན་ཁྱེད་རང་འདིར་ཅུང་ཟད་ཅིག་བཞུགས་ཤིག །ང་ད་ལྟ་རང་འོང་གིས་བྱས་ནས། ཡི་གེ་དེ་བླ་མ་ལ་ཕུལ། ལོ་རྒྱུས་རྣམས་ཞུས་པས། ཡི་གེ་དེ་ཚར་གཅིག་གཟིགས་ནས། ཐོས་པ་དགའ་ཁྱོད་ཀྱི་ཨ་མ་དེ་ཞེ་སྡང་ཆེན་པོ་རང་ཞིག་ཡོད་པར་འདུག །མི་དེ་ཙམ་ཤི་རྟིང་ཡང་ད་དུང་སེར་བ་ཕོབ་ཟེར་བ་བྱས་གདའ། ཁྱོད་ལ་བྱང་ན་ཉེ་ཚན་ཅི་འདྲ་ཡོད་གསུང་། སྔར་ཡོད་ཟེར་བ་ནི་མ་ཐོས། ཡི་གེ་ནི་དེ་འདྲ་གདའ། རྣལ་འབྱོར་པ་ལ་དྲིས་པས་ཡང་རྒྱུས་ནི་མི་གདའ་ཞུས་པས། ”我说：“那么请你在这儿稍坐一会儿，我马上就来。”于是我把信呈与师父看，并说明原委。师父把信细看了一遍，说道：“闻喜！你母亲是一个嗔心很大的人，已经死了这么多的人，还说要放雹呀！在北方你有什么亲戚 我回答说：“过去没听说有谁，信中却这样说了，问瑜伽师，他也说不知道。” བླ་མའི་ཇོ་མོ་ཡེ་ཤེས་མཁའ་འགྲོའི་མཚན་དང་ལྡན་པ་ཞིག་ཡོད་པ་དེས་ཡི་གེ་ཚར་གཅིག་བསྒྲགས་ནས། རྣལ་འབྱོར་པ་དེ་ནང་དུ་བོས་ཤོག་གསུང་། བོས་ནས་མེ་ཆེན་པོ་བཏང་། ཆང་ཞིམ་པོ་བྱིན་ཏེ། རྣལ་འབྱོར་པའི་རྒྱབ་ནས་བེམ་པོ་ཕུད་དེ་ཡུམ་གྱིས་གྱོན་ནས། བེམ་པོ་འདི་འདྲ་གྱོན་ནས་རྒྱལ་ཁམས་བསྐོར་བའི་མི་ལ་སྐྱིད་འོང་གསུང་ཞིང་། ཕར་ཅམ་ཚུར་ཅམ་མཛད། དེ་ནས་ཁང་ཐོག་ལ་འཛེགས་སོང་སྟེ། 师父的“觉摩”（妻子）是一位具有智慧空行母德相的师母，她把信念了一遍，说道：“去把那位瑜伽师请进来！”我招呼瑜伽师进来，烧起温暖的火盆之后，给他斟上很好的酒，师母便从行者的背后帮他把衲衣脱下，自己披在身上说：“穿着这样的衲衣云游天下的人，会很舒服的！”一面在房中来回走了几圈，就上楼去了。 ཡུམ་གྱིས་བེམ་པོའི་ནང་ནས་གསེར་བཏོན། ལྷན་པ་སྔར་བཞིན་བཙེམས་ཏེ། བེམ་པོ་རྣལ་འབྱོར་པ་རང་ལ་གཡོགས། དེ་ནུབ་ཀྱི་ཟ་མ་བྱིན་ནས་གནས་སུ་བསྐྱལ་ལོ། 师母从衲衣中把金子取出来，又把补丁像从前一样缝好，仍给行者披上。晚上，留他吃过晚饭才打发他回到住处去。 དེ་ནས་ཡུམ་ན་རེ་ཐོས་པ་དགའ་འདིར་བླ་མའི་དྲུང་དུ་ཤོག་དང་གསུང་། ཕྱིན་པས་གསེར་སྲང་བདུན་པོ་གནང་བྱུང་། གསེར་གང་ན་གདའ་ཞུས་པས། རྣལ་འབྱོར་པའི་བེམ་པོའི་ནང་ན་འདུག །ཐོས་པ་དགའ་ལ་མ་གྲུང་པོ་རང་ཞིག་ཡོད་པར་གདའ། 这以后，师母说：“闻喜，你到师父跟前来一下。”我去了，她交给我七两金子。我问：“金子放在什么地方？”她答说：“在行者的衲衣中。闻喜！你有一个很聪明的母亲。 ལུང་པ་ཁ་བྱང་དུ་ལྟ་བ་ལ་ཉི་མ་མི་འཆར་བ་ལྟར་རྣལ་འབྱོར་པའི་བེམ་པོའི་ནང་ལ་ཉི་མ་མི་འཆར་བ་ལ་ཟེར་བར་གདའ། སྤྲིན་ནག་པོར་ལྡིང་བ་ལྷན་པ་ནག་པོ་ཁ་གང་བཏབ་པ་ལ་ཟེར་བར་གདའ། སྐར་མ་སྨིན་དྲུག་འཆར་བ་སྐུད་པ་དཀར་པོའི་ཧབ་བཙེམས་ལ་ཟེར་བར་གདའ། དེའི་འོག་གི་ཉེ་ཚན་གྲོང་པ་བདུན་པོ་གསེར་སྲང་བདུན་པོ་ལ་ཟེར་བར་གདའ། རྩད་མ་ཆོད་ན་ལུང་པ་དེའི་ནང་ན་རྣལ་འབྱོར་པ་འདི་རང་བཞུགས་པས་གཞན་དུ་མ་འདྲི་བྱ་བ། མ་གོ་ན་གསེར་རྣལ་འབྱོར་པའི་བེམ་པོ་ལ་ཡོད་པས་གཞན་དུ་མ་ཚོལ་བྱ་བར་གདའ་གསུང་། 信中说的面朝北的地方，是指照不到太阳的地方。意思是说行者的衲衣里面，就是照不到太阳的地方；信中说布满黑云，是指补有一方黑色的补丁； 说昴星闪现，是指补丁上粗粗的挑刺有白线条纹；说星下的七家至亲，是指这七两金子；若找不到，在那个地方居住的只有这个瑜伽行者；不要去问别人，这是指若不明白信中意思，黄金就在瑜伽行者的衲衣内，不要到别处去寻找。” བླ་མའི་ཞལ་ནས་ཁྱེད་བུད་མེད་བློ་རྣོ་ཟེར་བ་བདེན་པར་གདའ་གསུང་ཤིན་ཏུ་དགྱེས་འདུག 师父高兴极了，说道：“人说你们妇女的心很灵敏， 这话真不错。 ” དེ་ནས་ངས་རྣལ་འབྱོར་པ་ལ་གསེར་ཞོ་གང་བྱིན་པས་དགའ་སོང་། ཇོ་མོ་ལ་གསེར་ཞོ་བདུན་ཕུལ། བླ་མ་ལ་གསེར་སྲང་གསུམ་ཕུལ་ནས་ད་དུང་བདག་གི་མ་རྒན་མོས་སེར་བ་དགོས་ཟེར་བ་གདའ་བས། སེར་བའི་གདམས་པ་ཐུགས་ལ་འདོགས་པར་ཞུ་ཞུས་པས། 我送一钱金子给行者，他很高兴。我奉献七钱金子给师母，供养三两金子给师父，并禀道：“我的母亲还要求我降冰雹。因此，关于降冰雹之法还望师父垂悯传授！” སེར་བ་དགོས་ན་བླ་མ་གཡུང་སྟོན་ཁྲོ་རྒྱལ་ཅན་དུ་སོང་ཞིག་གསུང་། བླ་མའི་ཡི་གེ་རྟེན་དང་བཅས་པ་བསྐུར་ཏེ། ཡང་ཡར་ལུང་སྐྱོར་པོ་གྲོང་དུ་ཕྱིན། བླ་མ་དང་མཇལ་གསེར་སྲང་གསུམ་གྱི་ཕྱག་རྟེན་དང་། བླ་མའི་ཡི་གེ་རྟེན་དང་བཅས་པ་ཕུལ། སེར་བ་དགོས་པའི་ལོ་རྒྱུས་ཞུས་པས། 师父说：“若要学降冰雹的法术，要到喇嘛雍敦濯杰那儿去。”师父写了一封信并连随信所附礼品交给了我。于是，我又回到亚隆的觉波村。见了上师，供养了三两金子，并将师父所带之信和礼物一并呈上，又禀明要求传授降冰雹法术的原因。 མཐུས་གོ་ཆོད་པར་བྱུང་ངམ་གསུང་། མཐུས་གོ་ཆོད་པར་བྱུང་མི་མགོ་སུམ་ཅུ་སོ་ལྔ་བསད་ལགས་ཏེ། ད་དུང་སེར་བ་དགོས་ཟེར་ཡི་གེ་བྱུང་བས་ཐུགས་ལ་འདོགས་པར་ཞུ་ཞུས་པས། 喇嘛问：“咒术有效力了吗？ ” 我答：“有效力，已死三十五人。现在我母亲又来信，说要能降冰雹， 请师父垂悯！ ” དེ་ལྟར་བྱ་གསུང་གདམས་ངག་གནང་ནས་སྒྲུབ་ཁང་རྙིང་པ་ཞིག་ཏུ་བསྒྲུབས་པས། ཞག་བདུན་ནས་ཐུན་དོང་གི་ནང་དུ་སྤྲིན་འཁྲིགས། གློག་འཁྱུག །འབྲུག་དང་གཟའ་རཱ་ཧུ་ལའི་སྐད་འདོན་པ་བྱུང་བས། ད་ངས་སེར་བ་ལ་མཛུབ་ཁྲིད་བྱས་པས་ཆོག་པ་འདུག་སྙམ་པ་བྱུང་། 喇嘛说：“可以， 就这样办。” 便将修习法传授给我，在一个旧的静室中修炼。修了七天。在作法的土洞中，忽然浓云密布，电光闪闪，惊雷和罗睺的吼声大作。我想这下只要我手指一动冰雹就可听我驱遣了。 བླ་མའི་ཞལ་ནས་ཀྱང་། ད་སེར་བ་ཐོངས་བར་འདུག་པས་ཁྱོད་ཀྱི་ཡུལ་ན་ལོ་ཐོག་མཐོ་དམན་ཅི་འདྲ་ཡོད་རིམ་པར་གསུང་བ་ལ། ངས་ཡུར་མ་རན་པ་ཙམ་དང་། ལྗང་པ་ཕུག་རོན་ནུབ་པ་ཙམ་ཡོད་ཅེས་རིམ་པར་ཞུས་པས། ཅུང་སྔས་གསུང་། ད་ཅི་ཙམ་ཡོད་གསུང་པ་ལ། སྙི་མ་འཐོན་ཙམ་ཡོད་ཞུས་པས། འོ་ན་སེར་བ་གཏོང་དུ་འགྲོ་རན་གསུང་། ངའི་གྲོགས་ལ་སྔར་བང་ཆེན་ལ་ཕྱིན་པ་དེ་བཏང་སྟེ། ངེད་གཉིས་ཀྱིས་རྣལ་འབྱོར་པར་བརྫུས་ནས་ཕྱིན་པས། 喇嘛也说：“这下你已能放雹了。 你们家乡禾苗有多高了？ ” 他渐次问我， 我也渐次回答：“到除草的高度了。” “有藏得住鸽子的高度了。 ” 师父说 “那么稍早了一点！ ” 过了不久， 喇嘛又问： “这下有多高了 ？ ” 我说：“出穗了。 ” 他说：“那么该回去放雹了。 ” 仍派从前曾经差遣过的那位弟子作我的同伴，我俩化装成瑜伽行者回到故乡。 ཡུལ་དུ་རྒན་དྲན་མ་མྱོང་བའི་ལོ་ལེགས་བྱུང་བ་ལ། གང་དགར་རྔ་རྒྱུ་མེད་པའི་ལོ་ཁྲིམས་བྱས། རྩས་མ་སང་རྔ་གནངས་རྔ་དང་ཐུག་བྱུང་། 那年，家乡的年景很好，老辈都不曾见过。他们立有一个秋收乡约，大家不能随便收割粮食。我们到那里时，正赶上快收割的时候。 དེར་ངས་ལུང་པའི་ཕུ་རུ་ཐུན་གསོས། སྔགས་བགྲངས་པས་ནམ་མཁའ་ལ་སྤྲིན་བྱིའུའི་རོ་ཙམ་ཡང་འདུར་མ་འདོད་པ་ལ། དམ་ཅན་རྣམས་ཀྱི་མིང་ནས་བོས། ཡུལ་མིས་སྡུག་བཏང་ཚུལ་གྱིས་བདེན་པ་བདར། བེམ་པོ་བརྡབས་ནས་མང་པོ་ངུས་པས། 我们在一山谷中作降雹的祭祀、念咒，可是，空中连鸟儿的尸体那样大的云都聚合不起来。于是，我喊着守誓护法们的名字，讲了乡邻们迫害我家的情况，祈求善恶报应要分明，还抖着衲衣，大哭一番。 ནམ་མཁའ་ལ་སྤྲིན་ནག་པོ་བསམ་གྱིས་མི་ཁྱབ་པ་གློ་བུར་དུ་འདུས་ནས། གཅིག་ཏུ་འཁྲིགས་ཏེ་སྐད་ཅིག་དེ་ཉིད་ལ། འབྲུ་སྣ་གཅིག་ཀྱང་ལུང་པར་མ་ལུས་པའི་སེར་བ་གྱང་རིམ་གསུམ་ཙམ་ཡོད་པ་བབས་ཏེ། རི་ཐམས་ཅད་གྲོག་པོར་སོང་། ཡུལ་པ་ཐམས་ཅད་འབྲུ་མིག་གིས་མི་མཐོང་བས་ངུ་ཆོང་དུ་སོང་འདུག 忽然，在天空中大团乌云出乎意料地聚合拢来，笼罩于一处。刹那之间，降下了三层墙厚的大冰雹，把地里的粮食打落得一粒不留；所有的山岭都变成涧谷；所有人户颗粒无收。人们见了只有顿脚嚎哭。 དེའི་རྗེས་ལ་ཆར་རླུང་ཆེན་པོ་ཞིག་བྱུང་སྟེ། ངེད་རང་གཉིས་ཀྱང་གྲང་ནས་བྲག་ཕུག་ཁ་བྱང་བསྟན་ཞིག་ཏུ་སྤེན་མའི་མེ་བཏང་ནས་བསྡད་པས། 接着，又降了一次暴风雨，我们二人也冷起来了，便跑到一个北向的岩洞中用一些柽柳生火取暖。 ཡུལ་པའི་སྐྱེས་པ་ལོའི་གཏང་རག་གི་ཤ་ལ་རི་དྭགས་གསོད་དུ་ཕྱིན་པ་རྣམས་ཐོས་པ་དགའ་འདིས་ཡུལ་པ་ལ་སྡུག་བཏང་བ་ཙམ་སུས་ཀྱང་མ་བཏང་། སྔར་མི་དེ་ཙམ་བསད། ད་ལོའི་ལོ་ལེགས་ལ་འབྲུ་མིག་གིས་མི་མཐོང་བ་བཅོས། ད་ཁོ་ལག་ཏུ་ཚུད་ན་གསོན་སྙིང་ལ་དམར་འདོན་བྱས། ཤ་ཁམ་རེ་དང་ཁྲག་ཐིགས་པ་རེ་བཏང་རུང་སྙིང་ན་བ་མི་སངས་པར་འདུག་ཟེར་ཞིང་། ཕུག་པའི་མདུན་ན་མར་འགྲོ་ཞིང་འདུག་པ་ལ། 这时，忽听到有本乡男子的声音，他们是为了每年酬岁祭神的供肉而上山猎取野兽的。这些人经过岩洞的前面往回走时议论道：“闻喜这个家伙，把本地害成了这样，从前谁都没有这样干过。前次已经杀了那么多人，今年这样好的年景，又被他弄得一粒粮食都看不到了。就是抓住他，活活把心挖出来，把肉一块一块地割下来，让血一滴一滴地流出来，也难解心头之恨哩！” རྒན་པ་ཞིག་ན་རེ། ཁ་རོག་ཁ་རོག་སྐད་ཆུང་དུ་ཆུག །བྲག་ཕུག་ཡ་གི་ན་དུད་པ་ཞིག་འདུག་ཅི་ཡིན་མི་ཤེས་ཟེར་བ་ལ། གཞོན་པ་རྣམས་ན་རེ་ཐོས་པ་དགའ་ཁོ་ཡིན་ཐག་ཆོད། ཁོས་འུ་ཅག་མཐོང་བ་མེད་པས། ཡུལ་པས་དམག་གཡབས་ཏེ་མ་བསད་ན་འདིས་ད་དུང་ཡུལ་མི་འདི་ཕུང་དུ་འཇུག་ཟེར་ཞིང་ལོག་སོང་བ་ལ། 其中有一个年老的说道：“安静，安静！小声一点！上面岩洞有烟不知是什么？”那些年轻人说：“一定是闻喜了，他没有看见我们。我等乡民得迅速去召集乡丁。若不将他杀掉，他还要在这地方使坏呢！”说着就回去了。 ངའི་གྲོགས་པོ་ན་རེ་ཁྱོད་རང་སྔོན་ལ་སོང་། ངས་ཁྱོད་རང་ཡིན་པ་ལྟར་བྱས་ཏེ། སྙིང་ཚིམ་བཏབ་ལ་འོང་གི་ཟེར། ངེད་གཉིས་ཀྱིས་ཞག་བཞིའི་ནུབ་དིང་རིའི་མགྲོན་ཁང་དུ་འཛོམ་དུས་བྱས། ཁོ་རྩལ་ཆེ་བ་རྒྱུས་ཡོད་པས་ཡ་མི་ང་བར་བཞག 我的伙伴说：“你先走开，让我假装是你在此等着，作弄他们一番，开开心就来。”我们二人约定，四天以后的晚上，在定日的驿站相会。他的武功很好，情况熟悉，无所畏惧，所以大胆地留下了。 ང་དེ་དུས་ཨ་མ་དང་ལན་ཅིག་ཕྲད་སྙམ་པ་ལ། དགྲས་འཇིགས་ཏེ་མྱུར་དུ་བྲོས་ཏེ་གཉའ་ནང་སྐོར་ཕྱིན་པས། རྐང་པ་ཁྱིས་ཕུག་སྟེ་འཛོམ་དུས་སར་དུས་ལ་མ་སླེབ། 那时我虽然想与母亲再见一面，但又有点害怕，所以急忙逃走。在绕道聂拉木逃走的途中脚被狗咬伤了。因此未能如期赶到约会的地点。 གྲོགས་པོ་ཁོང་ཚོའི་དམག་གིས་བསྐོར་བྱུང་བ་ལ། དཀྱིལ་གཤགས་ནས་འོངས་ཏེ། ཉེ་བའི་ཚེ་མགྱོགས་སུ་ཕྱིན། འགྱང་བའི་ཚེ་དལ་དུ་བཅུག །མཚོན་རྒྱབ་བྱུང་བའི་ལན་དུ་རྡོ་ཆེན་པོ་རེ་ཙམ་འཕངས་ནས། 后来听说我的朋友被他们的乡兵围住，他从包围中冲出。他们追得紧时，他便走得快，离得远时，他便慢慢走。他们使用武器时，他便捡起一些大石头还击， ང་ལ་སྒོས་སུ་སུ་བསྡོས་པ་དེ་ལ་མཐུ་གཏོང་བ་ཡིན། ངས་སྔ་སོར་མི་དེ་ཙམ་ཞིག་བསད་སྙིང་ཚིམ་པོ་མིན་ནམ། ད་ལོའི་ལོ་ལེགས་ལ་འབྲུ་མིག་གིས་མི་མཐོང་བ་བཅོས། དེ་ཡང་སྙིང་ཚིམ་པོ་མིན་ནམ། དེ་ཡིན་པས་ཀྱང་ངའི་ཨ་མ་དང་སྲིང་མོ་ལ་གཤའ་མ་མ་བྱས་ན། ངས་ལུང་པ་འདིའི་ཕུ་རུ་གཏད་འཇུག །མདའ་རུ་སེལ་འཇུག །མི་ཤི་བའི་ལྷག་མ་རྣམས་ཀྱང་རབས་དགུ་བརྒྱུད་ནས་བཅད་དེ། ཡུལ་འདི་ཕུང་ཤི་སྐྱ་ཐེར་ལ་མ་བཏང་ན་ང་མིན་པས། ཁྱོད་ཚོ་སྒུར་ཅིག་སྒུར་ཅིག་ཟེར་ཞིང་འོངས་འདུག་པ་ལ། 当即大声喝道：“谁存心加害于我，我便对他施咒术。前次我已经杀了那么多的人，你们还嫌不够么？今年庄稼很好，但是被冰雹打得不见一粒粮食，难道这样也还觉得不够么？我就这样干！假如你们还要对我母亲和妹mei存心不良，我就要在这地方的山沟头上埋妖物，山沟尾上埋邪怪，还要叫那些幸存没有死的人灭绝九代！我若不把这地方害得人绝地荒，不算好汉！你们好好等着吧！等着吧！”说完他便走了。 ཁོང་ཚོ་སྐྲག་ནས་ཁྱོད་ཀྱིས་ལན་ཁྱོད་ཀྱིས་ལན་ཟེར་གཅིག་ལ་གཅིག་གྱོད་འཇལ་ཞིང་ལོག་སོང་ཟེར། 他们吓得彼此互相责怪，说：“都怪你！” “都怪你！” 这样互相埋怨着各自回家去了。 དེར་གྲོགས་པོས་ངའི་སྔོན་ལ་དིང་རིར་སླེབ་ནས་ཁང་གཉེར་བ་ལ་རྣལ་འབྱོར་པ་འདི་འདྲ་ཞིག་བྱུང་ངེ་དྲིས་པས། མ་བྱུང་ཁྱེད་རྣལ་འབྱོར་པ་བྱ་བ་སྐྱུར་དད་ཆེ་བ་ཡིན། ཡུལ་ཕ་གི་ན་ཆང་སྟོན་ཡོད་དེར་སོང་། སྣོད་མེད་ན་ངས་གཡར་བས་ཆོག་ཟེར། 就这样，我的好朋友赶在我前面到了定日，他问客店的主人有一个如此这般的瑜伽行者到了没有，答说：“没有。你们称为瑜伽行者的人，都好酒贪杯，那边在办酒席，往那儿去吧！如果没有器皿，我可以借。” ཕོར་པ་གཏིང་རིང་ལ་མདོག་སྐྱ་བ་གཤིན་རྗེའི་གདོང་འདྲ་བ་ཞིག་གཡར་བྱུང་བ་ཁྱེར་ནས་སྟོན་མོ་བྱེད་པའི་སར་ང་གྲལ་འགབ་ཅིག་ན་ཡོད་པའི་འགྲམ་དུ་བྱུང་སྟེ། ཁྱེད་ཁ་སང་ནས་མི་སླེབ་པ་ཅི་ཡིན་ཟེར། 说罢便取出一个大碗，底子很深，颜色灰白，好像阎王爷的脸一样，借给了他。他借到碗后便拿去赶酒席。正巧我在那宴会的一个旮旯儿里坐着。他从旁边走过来，问我道：“你昨天为什么未到？” ངས་ཁ་སང་ནས་བསོད་སྙོམས་ཤིག་ལ་ཕྱིན་པས། རྐང་པ་ཁྱིས་ཕུག་སྟེ་མགྱོགས་པོ་མ་སླེབ། ད་མི་སྟོ་བ་ཡོད་ཀྱིས་བྱས་འགྲོགས་ཏེ་ལོག་འོངས་པས། ཡར་ལུང་སྐྱོར་པོ་གྲོང་དུ་སླེབ། བླ་མའི་ཞལ་ནས། ཁྱེད་གཉིས་ལ་ཁར་ཆེ་ཆེན་པོ་རང་ཞིག་བྱུང་ཨང་གསུང་། 我说：“昨天我出去化缘，脚被狗咬伤了。因此未能赶到。脚伤现已无妨碍。”我俩便结伴一道回去。到了亚隆的觉波村，喇嘛说：“你们两人的运气很不错啊！” བདག་གཉིས་ཀྱི་སྔོན་ལ་མི་ནི་མེད་སུ་ལས་གསན་ཞུས་པས། དམ་ཅན་སྲུང་མ་རྣམས་ཞལ་ངོ་ཚེས་བཅོ་ལྔའི་ཟླ་བ་ཙམ་འཕྱར་ནས་སླེབ་བྱུང་བས་གཏང་རག་ཡང་བཏང་ཡོད་གསུང་དགྱེས་དགྱེས་ལྟར་མཛད་ཅིང་འདུག་སྟེ། 我们问道：“没有人在我俩之前先回来，师父听何人说的？”他说：“守誓护法等来时，他们的面容如十五的月亮一般。我还向他们道劳致谢了呢！”说时显出很欢喜的样子。 ངས་དེ་ལྟ་བུའི་སྒོ་ནས་དགྲ་འཐབ་བྱས་པས་ལས་ནག་པོ་བསགས་པ་ཡིན་གསུངས། 以上就是我用这样的办法报仇雪恨造积黑业的事实。 དགྲ་བོ་ཚར་བཅད་པའི་མཛད་པ་སྟེ་གསུམ་པ་དང་། 惩治仇敌的大行第三章完。 |
|
|
55#
发布于：2017-10-30 15:58
轮回世间大行之部
第三章 奉母命修炼咒术 惩治仇人 part 2 of 3 ཁོང་རང་གི་སྲས་ཆེ་བ་དར་མ་དབང་ཕྱུག་བྱ་བ་དང་། ང་གཉིས་ལ་རྒྱགས་ཟོང་དུ་དབུས་ཀྱི་ཕྲུག་དང་ཐེར་མ་འདྲེས་པ་མཛོ་ཁལ་གཅིག་དང་། ཕྱག་རྟགས་རྟེན་དང་བཅས་པ་བསྐུར་ནས། གཙང་རོང་གི་གནུབས་ཁུ་ལུང་དུ་བྱོན་པས། 他的大儿子名达玛旺秋。他给旺秋和我一驮前藏出产的氆氇和毪子作为途中的口粮和费用，还带了礼品和书信等，打发我们前往藏绒的鲁库隆。 བླ་མ་གནུབས་ཆུང་བ་དང་མཇལ་ཏེ། སྣམ་བུ་བུབས་རེའི་ཕྱག་རྟེན་དང་། བླ་མའི་ཕྱག་རྟགས་རྟེན་དང་བཅས་པ་ཕུལ་ནས། དེར་ཡང་རྒྱུ་མཚན་ལོ་རྒྱུས་ཞིབ་པར་ཞུས་ཏེ་མཐུ་ཐུགས་ལ་འདོགས་པར་ཞུ་ཞུས་པས། 到了那个地方，见到鲁穷巴喇嘛，献上一匹毪子作为晋见礼物，同时，转交了师父的礼品、书信，详细说明了来意，要求喇嘛大发慈悲，传我一个咒术。 བླ་མའི་ཞལ་ནས། ངའི་གྲོགས་པོ་ཕྱི་ཐག་རིང་། ལབ་རྗེས་བཙན། ཁྱེད་གཉིས་ལ་མཐུའི་གདམས་ངག་ཅིས་ཀྱང་སྟེར་བ་ཡིན་པས། རི་སྣ་མ་ཀིར་ལག་མཐུས་གླགས་མི་ཆ་བའི་སྒྲུབ་ཁང་རྩིགས་གསུངས། 师父说：“我这朋友太重情义了，如此严守誓约。当然，无论如何我会传你咒术的。不过，先要在山脚下面修建一间用人力摧毁不了的坚固静室。” དེར་འོག་ཏུ་ཐོག་རིམ་གསུམ་ཡོད་པ། སྟེང་དུ་ཐོག་རིམ་གཅིག་ཡོད་པ་ལ་གདུང་བཟང་པོ་ཉ་གཞིབ་གཞིབ་བཏང་། མཐའ་ཕ་བོང་གཡག་རོ་ཙམ་གྱིས་གོ་མཚམས་མེད་པར་གཏམས་ནས། སྒྲུབ་ཁང་གི་སྒོ་གཞན་གྱིས་མི་ཤེས་པ་དང་། ལག་མཐུས་གླགས་མི་རྙེད་པ་བྱས། 于是，我便在那儿修建了一间下面三层、上面一层的静室，竖起很好的梁柱，安上排列得十分整齐的椽子，周围砌上像牦牛一样大小的石头，没有一点儿缝隙。静室的门修造得既隐蔽又坚固，他人不会知道，也无法用人力毁坏。 དེ་ནས་མཐུའི་གདམས་ངག་གནང་སྟེ། མཐུ་བསྒྲུབས་ནས་ཞག་བདུན་སོང་བ་དང་། བླ་མ་བྱོན་ནས། སྔར་ཡིན་ན་ཞག་བདུན་རེས་ཆོག་གི་ཡོད། ད་ལན་ཡང་དེས་ཆོག་འོང་གསུང་པ་ལ། 修好后便传修法秘诀。修到第七天时，师父来了，说道：“这法修七天就行了，现在这就可以了。 ” ངས་ཐག་རིང་གི་མཐུ་ལགས་པས་ད་དུང་ཡང་ཞག་བདུན་བསྒྲུབ་པར་ཞུ་ཞུས་པས། འོ་ན་སྒྲུབས་ཤིག་གསུང་བསྒྲུབས་པས། ཞག་བཅུ་བཞི་འགྲོ་བའི་ནུབ་མོ། ཡང་བླ་མ་བྱོན་ཏེ། དོ་ནུབ་དཀྱིལ་འཁོར་གྱི་མཐར་མཐུའི་རྟགས་ཡོང་བ་ཡོད་དོ་གསུངས། 我要求说：“弟子的咒术施放很远， 请再修七天吧！ ”师父说：“那么修吧！ ” 又修了七天， 共修了十四天， 就在那天晚上，师父又来了，说道：“今夜坛城 的周围， 咒力要起应验。 ” དེའི་ནུབ་མོ་བཀའ་སྲུང་དམ་ཅན་རྣམས་ཀྱིས་མི་མགོ་སུམ་ཅུ་སོ་ལྔ་དོན་སྙིང་དང་བཅས་པ་དམར་ཙ་རེ་ཁྱེར་བྱུང་ནས། ཁ་སང་ནས་ངེད་འབོད་རང་འབོད་ཅིང་བསྐུལ་བ་དེ་འདི་ཀ་དགོས་པ་ཡིན་འོང་ཟེར་དཀྱིལ་འཁོར་གྱི་མཐར་སྤུངས་སོང་། 果然，那天晚上看见守誓诸护法等提着血淋淋的三十五个人头连同心肝五脏来了，说道：“这几天老召唤我们，不断催促，是不是要的就是这些东西？”说着便把那些人头、心等堆在坛城的周围。 ནང་པར་ཡང་བླ་མ་བྱོན་ནས་ད་དུང་བསྒྲལ་རྒྱུ་གཉིས་འདུག་པ་སྒྲོལ་ལམ་འཇོག་གསུང་། དེར་ངས་སྙིང་ཚིམ་དང་བདེན་གཤགས་བདར་བའི་རྟེན་དུ་འཇོག་པར་ཞུ་ཞུས་ནས་བཞག་པས་ཨ་ཁུ་དང་ཨ་ནེ་ལུས་འདུག །དེར་དམ་ཅན་ཆོས་སྐྱོང་རྣམས་ལ་གཏང་རག་གི་ཚོགས་གཏོར་ཕུལ་ནས་མཚམས་གྲོལ་ལོ། ཁུ་ལུང་ན་ད་ལྟ་ཡང་སྒྲུབ་ཁང་གི་ཤུལ་ཡོད་དོ། 黎明，师父出来了，说道：“还有两个没有超度的是超度呢还是留下？ ” 我便央求道：“让他们留着， 好作为善恶报应分明的证据，也让我称心如意！”师父允许了。于是，叔父和姑母二人得以活下来。为了答谢诸守誓护法的大恩，我修了大会供，修完便出 了。现在在库隆还有那静室的遗迹哩。 དེའི་དུས་ངའི་ཡུལ་སྐྱ་རྔ་རྩ་རུ། མཐུའི་རྟགས་ཅི་འདྲ་ཞིག་བྱུང་སྙམ་ན། ཨ་ཁུའི་བུ་ཆེ་བ་ལ་བག་མ་བླངས་པའི་བག་སྟོན་གྱི་སར། ཨ་ཁུའི་བུ་རྣམས་དང་མནའ་མས་ཐོག་དྲངས་ངེད་མ་སྨད་ལ་ཤིན་ཏུ་སྡང་བའི་མི་མདའ་སུམ་ཅུ་སོ་ལྔ་ནང་དུ་འཛོམ། མགྲོན་པོ་གཞན་རྣམས་དང་ངེད་ལ་དཀར་མི་རྣམས་ཆས་འོང་བའི་ལམ་བར་གྱི་གླེང་མོ་ལ། 那时，我寻思这咒术在我的家乡江安寨是怎样应验的呢？据说，那天正巧是我叔父的大儿子娶媳妇的日子，正在大摆酒宴，叔父的儿子及新媳妇等极端仇恨我们母子的三十五人都聚在屋里；别的客人，即同情我们的那些人，还在赴宴的途中。 མི་བདག་བདག་ཏུ་རེ། བདག་པོ་སྒོ་ཁྱིར་འདོན་ཟེར་བའི་གཏམ་དཔེ་ཇི་བཞིན་བྱེད་མཁན་སྙིང་མ་སྡུག་འདི་ཚོ་ལ་ཐོས་པ་དགའི་དག་མཐུ་མི་འོང་རུང་། དཀོན་མཆོག་གི་བདེན་མཐུ་ཞིག་འོང་འཐད་པ་ལ་ཟེར་འདུས་འོང་བ་རྣམས་ནང་དུ་མ་ཚུད་ཙམ་གྱི་བར་དེར། 大家闲谈说：“依靠外人作主管，主人反作看家犬，那些照这个谚语行事的狠心人，即使闻喜口中念的咒力制不住他们，也逃不了三宝的真实法力的！”大家一路说着，已来到门前，还没有进去时， ཨ་ཁུ་དང་ཨ་ནེ་གཉིས་ཀྱིས་མི་འདི་ལ་ཟ་མ་འདི་སྟེར་དང་ལན་འདི་བསྡོག་གི་གྲོས་བྱེད་ཅིང་ཕྱིར་བསྡད་པའི་དུས་སུ། སྔར་ངེད་རང་གི་གཡོག་མོ་ཕྱིས་ཨ་ཁུའི་གཡོག་བྱེད་པ་ཞིག་གིས་ཆུ་བཅུ་རུ་ཕྱིན་པས། ར་བ་ན་རྟ་མང་པོ་བཏགས་ཡོད་པ་མ་མཐོང་བར། 叔父和姑母二人正在商议着什么客招待什么饮食，用什么东西酬答。他们二人是坐在外面的。曾是我家的一位女仆，那时也在叔父家服劳役。她正在河边取水，看见院子里拴着的那些马不见了。 སྡིག་པ་དང་། སྡོམ་དང་། སྦྲུལ་དང་། སྦལ་ལྕོང་ལ་སོགས་པས་གང་བའི་ནང་ན་སྡིག་པ་རྭ་ཅན་གཡག་ཤད་ཙམ་ཞིག་གི་རྭ་བར་ན་ཀ་བ་བཅུག་སྟེ་ཕྱིར་འཐེན་པ་མཐོང་བས་འཇིགས་དྲགས་བྲོས་ཏེ་ཕྱིར་ཐོན་མ་ཐག་ཏུ། 只见全院里布满了蝎子、蜘蛛、蛇、蛙、蝌蚪等等。其中一个有角的蝎子，有牦牛大，它的两个巨钳钳着柱子，使劲地拖。女仆见了吓得魂飞魄散逃跑出来。刚跑到外面不久， ར་བ་ན་རྟ་རྒོད་མ་ཚན་མ་དང་གསེབ་འདྲེས་པ་མང་པོ་བཏགས་ཡོད་པ་ལས། གསེབ་ཀྱིས་རྒོད་མ་རྩེས་པས། རྟ་ཀུན་འགྲོགས་པའི་འཕྲ་ཐོ་དང་། རྒོད་མས་གསེབ་ལ་འཕྲ་བརྒྱབ་པ་ཀ་བ་ལ་ཕོག་པས་ཀ་བ་འགྱེལ་ཏེ་ཁྱིམ་གཏིབས་པའི་གཏིབས་འོག་ཏུ་ཨ་ཁུའི་བུ་རྣམས་དང་། མནའ་མ་སོགས་མི་མདའ་སུམ་ཅུ་སོ་ལྔ་ཤི་བས་ཁང་པའི་ནང་ས་ཚུབ་དང་རོས་གང་། ཕྱི་ངུ་ཆོང་གིས་གང་བ་དེ་པེ་ཏས་མཐོང་སྟེ། 原来院里拴有很多牡马和牝马，牡马去趁牝马，于是群马骚动，彼此互相乱踢。牝马踢牡马，踢在柱上，柱子倒下，整个房屋也倒塌了。压在下面的有叔父的儿子们和媳妇，共有三十五人被压死。霎时间，那房子内尘土飞扬，死尸遍地。外面一片哭声。我的妹mei白达看见这情形， མྱུར་དུ་ཨ་མའི་སར་ཕྱིན་ནས། ཨ་མ་ཨ་མ་ཨ་ཁུའི་ཁྱིམ་གཏིབས་ནས་མི་མང་པོ་ཤི་འདུག་ལྟོས་དང་ཟེར་བའི་གཏམ་བཤད་པས། ཨ་མས་བདེན་ནམ་མི་བདེན་སྙམ་དགའ་དྲགས་ལངས་ཏེ་བལྟས་པས། ཨ་ཁུའི་ཁྱིམ་ས་ཚུབ་ཕྱུར་རེ་བ་དང་། ལུང་པ་ངུ་ཙི་ཐེག་ཐེག་པ་མཐོང་སྟེ། ཧ་ལས་པ་ལྟར་དགའ་ནས། 便飞跑回去告诉母亲：“阿妈，阿妈！叔父的房子倒了，死了很多人，快看呀！”母亲心想是不是真的，高兴得跳起来看个明白。只见叔父家尘土飞扬，听到哭声震地。母亲高兴极了！ དེའི་ཚེ་ཨ་མས་དབྱུག་པ་རིང་པོ་ཞིག་གི་རྩེ་ལ་གོས་སྲུལ་བསྐྱོན་ཏེ་འཕྱར་ནས། སྐད་ཆེན་པོས་གསོལ་ལོ་མཆོད་ཅིག་ལྷ་བླ་མ་དཀོན་མཆོག་གསུམ། ཁོ་དེ་ཡུལ་མི་ཁྱིམ་མཚེས་པ་ཀུན་མི་ལ་ཤེས་རབ་རྒྱལ་མཚན་ལ་བུ་སྐྱེས་ཨེ་འདུག །ང་མྱང་ཚ་དཀར་རྒྱན་གྱིས་གོས་སྲུལ་གྱོན། ལྟོ་ངན་ཟོས་ནས་བུའི་རྒྱགས་སྦྱངས་པ་ལ་དོན་བྱུང་ཨེ་འདུག་ལྟོས་དང་། 当时，母亲便用一件破衣挂在一根木棍的顶端摇晃着，高声叫道：“供养呀，祭祀呀！神圣的上师三宝！喂！乡邻们！米拉喜饶坚赞生得有儿子没有？我娘查迦坚穿破烂的衣服，吃粗劣的饮食，为儿子备办口粮求学，看呀！是不是成功了？ དང་པོ་ཨ་ཁུ་དང་ཨ་ནེ་གཉིས་ན་རེ་ངེད་མ་སྨད་ཀུན་མང་ན་དམག་དྲོངས། ཉུང་ན་མཐུ་ཐོང་ཟེར་བ་བྱས་སོ། །ད་ཉུང་བའི་མཐུ་བཏང་བས་མང་བའི་དམག་ལས་ལྷག་པ་ཞིག་བྱུང་ངོ་། 当初叔父和姑母不是对我们母子说，人多就带人马来打仗，若人少施咒术来害我吗？现在，就是人少施的咒术，这比人多的乡丁还要强呀！ སྟེང་གི་མི་ལ་ལྟོས། འོག་གི་ཕྱུགས་ལ་ལྟོས། བར་གྱི་ནོར་ལ་ལྟོས། ལར་མ་ཤི་ཚེ་རིང་ཙ་ན། བུས་བསྟན་པའི་ལྟད་མོ་འདི་འདྲ་མཐོང་བའི་དུས་བྱུང་བ་ཡིན། ང་མྱང་ཚ་དཀར་རྒྱན་ལ་ད་ལན་ལས་ཉམས་དགའ་བ་ཨེ་འོང་ལྟོས་དང་ཟེར། སྙིང་ཚིམ་དང་གཤག་བདར་བ་ཁྱིམ་དུ་མ་ཚུད་པ་ཀུན་གྱིས་ཐོས་པས། ལ་ལ་ན་རེ་མོ་བདེན་བྱེད་དུ་འོང་ཟེར། ལ་ལ་ན་རེ་བདེན་པ་བདེན་ཏེ་ད་ལན་ཧ་ཅང་དྲགས་ཟེར། 看看楼上的人们，看看楼底下的牲畜，看看房中的财产吧！我留着这条老命不死，才有今天这个时机，看我儿子演这样一幕戏法。看呀，我娘查迦坚可能还有比今天更高兴的事要出现哩！”她心满意足地数落着。当时未进那房子里去的人都听到了，私相议论起来。有的说我母亲很有理，做得对！有的却说她固然有理，未免太过分了。 དེ་སྟོབས་ཀྱིས་མི་ཤི་བྱུང་བ་ཀུན་གྱིས་ཐོས་ནས་འཚོགས་ཏེ། མོས་ད་ལན་གྱི་ཕུང་ཆེན་འདི་གཡོས་པས་མ་ཆོག་པར་སྙིང་ཚིམ་དེ་བྱས། མ་འཚམ་དྲགས་པས། སྡུག་སྣ་དགུ་བཏང་རྗེས་གསོན་སྙིང་ལ་དམར་འདོན་བྱེད་ཟེར་བ་ལ། 因此，那些话让死者的家属知道了，私相议论说：“这个女人造成了这样大的祸害还不称心，尚在幸灾乐祸。实在太不应该了！ 把她折磨够， 然后， 活活挖出心来！ ” རྒན་པ་རྣམས་ན་རེ་མོ་བསད་པས་ཅི་ལ་ཕན། ཡང་རང་རེ་ཚོ་ལ་མོའི་བུས་འདི་འདྲ་བ་ཞིག་འོང་བ་དེ་ཀ་ཡིན་མོད། དེ་བས་དང་པོར་མོའི་བུ་བཙལ་ཏེ་ལག་མཐུས་གསོད་ཅི་ཐུབ་གྱིས། དེ་ནས་མོ་རང་གསོད་ལུགས་སླ་ཟེར་བ་ལ་ཁ་འཆམ། 老人们说“ ：杀了这个女人，有什么用呢？她的儿子还会给我们照样再来一下的。还不如先找到她的儿子，尽可能把他杀掉，然后再除掉这女人就容易了。 ” 大家就这样商议定了。 ཨ་ཁུས་ཐོས་པས། ངེད་ལ་བུ་འཆི་རྒྱུ་དང་བུ་མོ་འཆི་རྒྱུ་མེད། ང་རང་ནི་ཤི་ན་དགའ་ཟེར། ཨ་མ་གསོད་པར་ཆས་པ་ལ། 叔父听见后， 说“ ：现在， 我再没有儿子和女儿可死了。我自己不如死了更好！”说着便准备去杀我母亲。 ཡུལ་མི་རྣམས་ཀྱིས་བཟུང་སྟེ། དང་པོ་ཡང་ཁྱེད་ཀྱི་ཁ་ཕྱིར་འགྲོལ་བས་ཡུལ་འདིར་ཕུང་འདི་བྱུང་བ་ཡིན། ད་ཡང་མོའི་བུ་མ་སོད་པར་ལས་འདི་བྱེད་ན་རང་རེ་ཚོ་འཐབ་བྱས་པས། ཨ་ཁུ་ལ་བྱ་ཐབས་མ་བྱུང་བར་ལུས། 乡邻们把他挡住，说道：“从前，我们就是依了你的话，害得这个地方遭此大祸。现在，那女人的儿子还未除掉，你却这样做！那么我们先干一仗！”叔父没有办法，只得罢了。 དེ་ནས་ཡུལ་མི་རྣམས་ཀྱིས་ང་གསོད་དུ་གཏོང་བའི་གྲོས་བྱས་པས། ཞང་པོ་ཨ་མའི་སར་འོངས་ནས། ཁ་སང་གི་གཏམ་དེ་དང་བྱེད་ལུགས་དེས། ད་ཡུལ་མི་རྣམས་ཀྱིས་ཁྱོད་རང་དང་བུ་ལག་མཐུས་གསོད་པར་འདུག་གིས། ནུས་པ་རང་ཅི་ཡོད་དམ་མཐུ་བྱུང་བ་རང་གིས་ཆོག་མོད་ཟེར་མང་པོ་འབར་དུ་བྱུང་བ་ལ། 乡邻们既议定要派人杀我，舅舅急忙去告诉母亲说：“因你昨天说的那些话和那番举动，惹恼了乡邻。现在他们要来杀你们娘儿俩。你们自己有什么力量？不是说只要施点咒术就行了么？可是……”舅父和母亲大大争吵了一番。 ཨ་མས་ཞང་པོ་རང་གི་ཐོག་ཏུ་མ་བྱུང་བ་ལགས། དེ་ཙམ་གྱི་གོ་བ་ཞིག་དག་ང་ལ་ཡང་ཡོད་དེ། ངའི་ནོར་ཚན་དེ་ཕྲོགས་པའི་ཁར་བྱེད་ལུགས་དེ་བྱས་པས་བསྲན་བཟོད་པ་དཀའ་མོ་ཀ་གདའ་ཞེས་ལན་གཞན་མ་བཅལ་བར་ངུས་པས། 母亲说：“舅舅，事情没有落到你头上，你说的这些道理我都懂。我的家产被夺去不算，他们还采取那种态度对待我们，实在令人难忍啊！”她说了这些后，不再吱声，只掩面啜泣。 ཞང་པོ་ཡང་བདེན་པ་ཁྱོད་ཀ་བདེན། ད་གསོད་མཁན་བྱུང་དོགས་ཡོད་པས་སྒོ་དམ་དུ་ཆུག་ཟེར་ཐོན་སོང་། 舅父说：“你说的是。现在提防有人要来暗害你，把门紧紧关上吧！”说罢就去了。 སྟེང་སྒོ་དམ་པའི་ངང་ནས་བསམ་བློ་མང་པོ་གཏོང་ཞིང་ཡོད་པའི་སྐབས་སུ། ཨ་ཁུའི་གཡོག་མོ་སྔར་ངེད་རང་གི་ཡིན་པ་དེས། ཁོང་ཚོ་གྲོས་བྱེད་པ་ཐོས་ནས་མོས་རུས་ཞེན་གྱིས་མ་བཟོད་པར། ཨ་མ་ལ་ཁོང་ཚོ་གྲོས་འདི་ལྟར་བྱེད་ཅིང་འདུག་པས་སྲས་ཀྱི་སྲོག་ཟོན་མཛོད་ཅིག་ཅེས་བྱ་བཏང་བས། 母亲将门紧紧关上，便左思右想，想筹划一个善策。忽然，叔父的女仆——就是从前我家的人，听到叔父他们商议的毒计，她怀着恋旧之情，于心不忍，便来给母亲暗地报信，说他们是怎样商量的，少爷要当心生命危险。 ཨ་མའི་བསམ་པ་ལ། ཁོང་ཚོའི་གྲོས་དེ་ང་རེ་ཞིག་བློ་བདེ་ཚར་སྙམ་ནས། ཞིང་བྲེ་པེ་སྟན་ཆུང་གི་ཕྱེད་པོ་ཡང་བཙོངས་པའི་རིན་ལ་གསེར་སྲང་བདུན་བྱུང་བ། ཡུལ་པའི་མི་བཏང་བས་ནི་མ་བྱུང་། གཞན་བང་ཆེན་ནི་མ་འབྱོར་པས། ཨ་མ་རང་ང་ལ་ཕྲད་པ་དང་རྒྱགས་སྐྱེལ་བ་དང་ཁ་ཏ་འཇུག་པ་ལ་འོང་སྙམ་པའི་ཚེ། དབུས་ཕྱོགས་ཀྱི་རྣལ་འབྱོར་པ་བལ་པོ་བསྐོར་ནས་ལོག་འགྲོ་བ་ཞིག་ལྡོམ་བུ་བྱེད་དུ་བྱུང་བ་ལ། 母亲心想，他们既然定了这个计策，那么我暂时可以放心，于是，又把剩下的“哲白登穹”地的那一半也卖了，换得七两金子准备给我。可是乡邻中没有可以派遣的，也没有别的送信人。她正打算自己亲自来会我，为我送口粮，并告知这些情况时，恰巧有个前藏的瑜伽行者去尼泊尔朝山回来，路过这里来化斋。 ལོ་རྒྱུས་རྣམས་ཞིབ་པར་དྲིས་པས། བང་ཆེན་གྱི་འོས་སུ་བྱུང་སྟེ། ཞག་འགའ་འདིར་བཞུགས། དབུས་གཙང་གི་ཕྱོགས་ན་ངའི་བུ་ཞིག་ཡོད་པས། དེ་ལ་ཕྲིན་རེ་ཙམ་བསྐུར་བ་ཡིན་པས། དེ་རྣམས་ཀྱང་སྤྲོད་གྲོགས་གྱིས་བྱས་ནས། 母亲详细询问了他的来历，知道这个人可以拜托，就把他当作使者，对他说道：“请在这里住几天。我有一个儿子在卫藏地区，我想给他带一封信。同时，这些东西也请你帮忙交给他。” དེ་བར་ལ་ཞབས་ཏོག་སྐྱིད་དུ་ཚོར་བ་བྱས། ཨ་མས་མར་མེ་ཞིག་སྤར་ཏེ། ངའི་བསམ་པ་བཞིན་གྲུབ་ན་མར་མེ་འདི་ཡུན་རིང་དུ་གནས་པ་དང་། མི་འགྲུབ་ན་མྱུར་དུ་འཆི་བའི་ཕྲིན་ལས་ཐོས་པ་དགའི་བླ་མ་དང་ཆོས་སྐྱོང་རྣམས་ཀྱིས་མཛོད་ཅིག་བྱས་དམོད་བོར་བས། མར་མེས་ཉིན་ཞག་ཕྲུགས་གཅིག་ཐུབ་སྟེ། བསམ་པ་གྲུབ་པར་ཡིད་ཆེས་ནས། 母亲尽力招待他，使他感到高兴。母亲点一盏灯，发誓说：“假若能够如愿，那么这灯就长明；若不然就即熄灭。祷请闻喜的上师和护法显示威灵！”那盏灯果然经过一昼夜都没有熄灭。母亲知道能够如愿，这才放了心。 རྣལ་འབྱོར་པ་རྒྱལ་ཁམས་བསྐོར་བ་ལ་གོས་ལྷམ་གལ་ཆེ་བས། ལྷན་པ་དང་ཀྲད་པ་གྱིས་བྱས་ལྷམ་གྱི་ཀྲད་རྒྱུན་རྣམས་ཁོ་རང་ལ་སྤྲད། གོས་བེམ་པོ་ཞིག་འདུག་པ་དེ་ལ་ཨ་མ་རང་གིས་ལྷན་པ་རྒྱབ། 她对行者说：“行者要云游天下，衣履是很要紧的。因此衣服要补缀，鞋子要掌底。”于是把掌鞋底的皮线等交给行者自己去料理。他有一件千疤万补的衲衣，母亲拿来亲自为他补缀。 བེམ་པོའི་ནང་གི་རྒྱབ་གཞུང་དུ། རྣལ་འབྱོར་པ་ལ་རྒྱུས་མེད་པའི་གསེར་སྲང་བདུན་པོ་སྦས་པའི་སྟེང་དུ་ལྷན་པ་ནག་པོ་ཁ་གང་གྲུ་བཞི་པ་ཞིག་རྒྱབ། དབུས་སུ་སྐུད་པ་དཀར་ལ་སྦོམ་པའི་གཟེར་ཚོམ་སྐར་མ་སྨིན་དྲུག་གི་དབྱིབས་འདྲ་བ་ཕྱིར་མི་མངོན་པ་ཞིག་གིས་མནན་ཏེ། རྣལ་འབྱོར་པ་ལ་ཡང་རྔན་པ་ཆེན་པོ་བྱིན་ནས། ཡི་གེ་གབ་ཡིག་ལ་རྒྱ་ལ་དམ་ཡོད་པ་ཞིག་བསྐུར་ནས་བརྫངས་སོ། 就在行者的衲衣里子中，暗暗将七两黄金缝进去，不让他知道。上面加补上一块四方形黑色补丁。补丁中间又用白而粗的线，缝成条纹，如昴星一样，遮盖着不露痕迹。她重重酬劳了行者，还将一封隐语信密封了口托他带走。 དེ་ནས་ཨ་མའི་བསམ་པ་ལ་ཡུལ་མི་འདི་རྣམས་ཀྱི་གྲོས་བྱེད་ལུགས་འདིས། ཅི་བྱེད་མི་ཤེས་པས་སྡིགས་མོ་ཞིག་བྱེད་དགོས་སྙམ། པེ་ཏ་ལ་བསླབས་ནས། ཁ་སང་གི་རྣལ་འབྱོར་པ་དེ་ལ་ཨ་ཇོས་ཡི་གེ་བསྐུར་བྱུང་བྱ་བ་ཀུན་ལ་བསྒྲགས། ཨ་མས་ངས་བསྐུར་བ་ལྟར་བྱས་པའི་ཡི་གེ། 那时，母亲心中想，不知乡邻们的计策打算对我怎么办？我得先恐吓他们一下。就暗地叫白达放话说，昨天的行者带来哥哥的信，信中如何如何，向大家宣扬。母亲还模仿我的口气造了一封假信，上面写着： ཨ་མ་དང་སྲིང་མོ་ཁམས་བཟང་ངོས་ནས་མཐུའི་རྟགས་མཐོང་ལས་ཆེ། ད་དུང་ཡུལ་མིས་ཁྱེད་མ་སྨད་ལ་སྒོས་སུ་སྡང་པོ་བྱེད་མི་བྱུང་ན་མིང་རུས་ཡི་གེ་ལ་བྲིས་ལ་བསྐུར་ཐོང་། ངས་མཐུ་ལ་བརྟེན་ནས་མིའི་སྲོག་གཅོད་པ་ཟ་མའི་ཕུད་མཆོད་པ་བས་སླ་བར་འདུག་པས་རབས་དགུ་བརྒྱུད་ནས་བཅད་པས་ཆོག “想来阿妈及妹子身体平安，咒术的效力当然看见了。现在乡邻中若还有仇恨你们母女的，可将他的姓名写上寄来，我依仗咒力，取人的性命，比用手指弹食供神还要容易。我可以把他的九代斩尽杀绝。 ཡུལ་པ་སྤྱིས་སྡང་པོ་བྱས་ན་ཁྱེད་རང་མ་སྨད་འདི་ཕྱོགས་སུ་ཐོན་ཤོག །ངས་ཡུལ་དེ་བྱུང་བའི་རྗེས་ཀྱང་མེད་པ་ཞིག་བཟོ་བ་ཡིན། ང་ལོངས་སྤྱོད་དང་འཚོ་བ་ཐོགས་མེད་ཀྱི་ངང་ནས་སྒྲུབ་པ་བྱེད་ཅིང་ཡོད་པས་ངའི་སེམས་ལས་མ་བྱེད། བྱ་བ་ཞིག་བྲིས་ནས་རྒྱ་བྱས་ཏེ། 若本乡人全都仇恨我母子，你们母女可以离开本乡，到我这儿来！我可以将本乡完全毁掉，不留一点遗迹。我这里生活享用不用发愁，现在在修法，不要为我操心。”等等。信上盖了印， ཐོག་མར་ཞང་པོ་སོགས་ངེད་རང་ལ་དཀར་མི་རྣམས་ལ་བསྟན། དེ་ནས་ཡི་གེ་ཞང་པོའི་ལག་ཏུ་བཞག་ནས་ཀུན་གྱིས་མཐོང་བར་བྱས་པས། ཁོང་རྣམས་ཀྱི་གྲོས་འགྱུར་ཏེ། ལག་མཐུའི་བསམ་སྦྱོར་བོར་ནས། ཞིང་འོར་མ་གྲུ་གསུམ་ཡང་ཨ་ཁུའི་ལག་ནས་བླངས་ཏེ། ཨ་མ་ལ་སྤྲད་འདུག 先交给舅父等同情我们的人看，然后把信留在舅父手中，让大家都能看见。这就迫使他们改变计策，放弃了刺杀我们的意图，并且从叔父手中把俄玛三角田也退还给我母亲了。 |
|
|
57#
发布于：2017-10-28 17:28
轮回世间大行之部
第三章 奉母命修炼咒术 惩治仇人 (part 1 of 3) ༈ །།གསུམ་པ་ནི། ཡང་རས་ཆུང་པས་རྗེ་བཙུན་ལགས། རྗེ་བཙུན་གྱིས་དང་པོ་ལས་ནག་པོ་མཛད་གསུངས་པ་ཅི་ལྟ་བུ་ཞིག་མཛད་ཞུས་པས། མཐུ་དང་སེར་བས་སྡིག་བསགས་པ་ཡིན་གསུངས། རྗེ་བཙུན་མཐུ་དང་སེར་བ་སློབ་པའི་ཉེ་བར་ལེན་པའི་རྐྱེན་ཅི་ལྟ་བུ་ཞིག་བྱུང་ཞུས་པས། 热穹巴又向尊者问道：“尊者曾说最初造有黑业，不知是怎样造的？” 尊者说：“我施用咒术和冰雹造了大罪。”热穹巴又问：“尊者去学咒术及放冰雹的起因是怎样的？” ང་མི་ཐོད་གད་ཁ་ན་ཀློག་སློབ་དུས་རྩའི་མདའ་རུ། སྐྱིད་སྟོན་གྱི་ཆང་ས་ཆེན་པོ་ཞིག་བྱུང་བ་དེའི་གྲལ་དབུ་ལ་སློབ་དཔོན་སྤྱན་དྲངས་པའི་ཕྱག་ཕྱི་ལ་ངས་ཀྱང་ཕྱིན། དེར་ཆང་མང་བ་དང་སློབ་དཔོན་ལ་ཟུར་ནས་ཀྱང་ཆང་འདྲེན་མང་རབ་བྱུང་བ་ཀུན་ནས་བཏུང་བས་བཟི་བེར་སོང་ཡོད་པ་ལ། སློབ་དཔོན་གྱིས་ང་ལ་ཁྱོས་མ་རྣམས་བསྐུར་ཏེ་སྔོན་ལ་བརྫངས་པས། 我在米推格喀学习期间，一天，江安寨坝子下边，有家人在办喜事。他们请我的师父作贵宾，坐首席。我作为侍者，也同师父一道前去。那里预备了很多酒。他们单独向师父敬酒，我们开怀痛饮，不觉酩酊大醉。师父把收到的供养物交给我，令我先回去。 ཆང་གིས་བཟི་བ་དང་། དེའི་ཉིན་གླུ་ལེན་མཁན་རྣམས་ལ་སེམས་འཕྲོས་ནས། གླུ་ལེན་སྙིང་འདོད་པ་ཞིག་བྱུང་བ་དང་། གྲེ་བ་བདེ་མོ་ཞིག་ཡོད་པས། གླུ་ལེན་ཞིང་འོངས་པས། 我喝醉了酒，又对这天那些唱歌的人感到很有趣，因此便产生了想唱歌的念头。我本来有一个好嗓子，于是，我一边走路一边唱着。 ངེད་རང་གི་ཁང་པའི་མདུན་ན་ཡར་ལམ་ཡོད་པས་སྒོའི་ཐད་དུ་སླེབ་རུང་གླུ་བླངས་པས། ཨ་མ་ནང་ན་ཡོས་རྔོད་ཀྱིན་ཡོད་པས་ཐོས་ནས། ཅི་ཟེར་སྐད་འདི་ནི་ངའི་བུའི་སྐད་འདྲ། ངེད་མ་སྨད་བས་སྡུག་པ་ནི་ས་ཐོག་ན་མེད་པས་ཁོ་ནི་གླུ་ལེན་མི་ཐང་སྙམ་ནས་ཡིད་མ་ཆེས་པར་བལྟས་པས། ང་ཡིན་པར་ཤེས་ནས་ཧ་ལས་ཏེ། 回私塾的路，要经过我家门前。到了家门口，我还在唱歌。母亲正在屋里炒青稞，听到歌声，心中生疑，想道：“怎么！这好像是我的孩子的声音 世界上再没有比我们娘儿三人受的苦更大的了。他怎么还唱歌？”她不相信，朝外一看，果然是我，不觉大为惊异。 སྐམ་པ་གཡས་སུ་བོར། ཡོས་དཀྲུགས་གཡོན་དུ་བོར། ཡོས་བརྔོད་འཕྲོ་ཚིག་ཏུ་བཅུག །ལག་པ་གཡས་སུ་ཡོག་པ་ཞིག་ཁྱེར། གཡོན་དུ་ཐལ་བ་སྤར་གང་ཁྱེར། སྐས་རིང་བ་ལ་བབས། ཐུང་བ་ལ་མཆོངས་ནས་ཕྱིར་ཐོན་བྱུང་སྟེ། ཐལ་བ་དེ་གདོང་ལ་བཏབ། ཡོག་པ་དེ་མགོ་ལ་ལན་འགའ་བརྒྱབ་ནས། 她把火钳抛在右边，炒棒扔在左边，没炒完的青稞仍留在锅里也顾不得烧焦了。她右手拿着一根通火棍，左手抓了一把灰土，下楼时，长梯阶就滑，短梯阶便跳，急急忙忙地跑出门来，撒了一把灰土在我脸上 ， 用通火棍朝我头上打了 几下， ཡབ་མི་ལ་ཤེས་རབ་རྒྱལ་མཚན་ཁྱེད་ལ་བུ་འདི་འདྲ་སྐྱེས་སོ། །ཁྱེད་རབས་ཆད་གདའ་བ། ངེད་མ་སྨད་ཀྱི་ལས་བསྐོས་ལ་གཟིགས་དང་ཟེར་ཨ་མ་ཡུག་ཅིག་བརྒྱལ་ནས་འགྱེལ་འདུག་པའི་ཚེ། སྲིང་མོ་ཡང་ཐོན་བྱུང་སྟེ། ཨ་ཇོའི་བསམ་བློ་ལ་ཨ་མ་ལ་ལྟོས་དང་ཟེར་ངུ་ཞིང་འདུག་པ་ལ་བདེན་སྙམ་ནས། 一边喊道：“爸爸，米拉喜饶坚赞，你生了这样的儿子，要绝后了！看看我们母子们的苦难命运哪！”母亲说着，突然晕倒在地。这时，妹mei也出来了，对我说：“哥哥，你怎么想的？你看看母亲呀！”便大哭起来。 ང་རང་ཡང་མཆི་མ་མང་པོ་ཤོར། ངེད་མིང་སྲིང་གཉིས་ཀྱིས་ངུ་བའི་ངང་ནས་ཨ་མའི་ལག་པ་མཉེད་བཞིན་བོས་པས་དར་ཅིག་ནས་བརྒྱལ་བ་སངས་ཏེ་ལངས་བྱུང་ནས། ངུ་བའི་གདོང་གིས་ང་ལ་ཅེ་རེ་བལྟས་ནས། བུ་རང་ངེད་མ་སྨད་བས་སྡུག་པ་ས་ཐོག་ན་མེད་པ་ལ་ཁྱོད་གླུ་ལེན་པ་དྲན་པ་རང་འདུག་གམ། ང་མ་རྒན་མོ་ནི་བསམ་མནོ་གཏོང་གིན་ཡི་མུག་པ་དང་ངུ་བྲོ་བ་མིན་པ་མི་འདུག་ཟེར། སྨྲེ་སྔགས་འདོན་ཞིང་ངེད་མ་སྨད་གསུམ་ཀས་ངུས་སོ། 我想他们责备得对，也忍不住嚎啕大哭。兄妹二人一面哭着，一面揉着母亲的手呼喊。过了一会儿，母亲从昏迷中苏醒过来。她站起来，满面忧愁地盯着我说：“儿呀！比我们母子苦的人这世上恐怕没有了吧！你还有心唱歌吗？老娘我想起来实在寒心，除了哭，没有别的办法！”说着又嚎啕大哭起来。于是，我们母子三人哭成一团。 །དེ་ནས་ངས་ཨ་མ་ལ་ཨ་མ་བདེན་ཏེ། དེ་ཙམ་གྱི་སྡུག་པ་མ་བྱེད། ངས་ཨ་མ་གང་འདོད་པའི་ལས་བྱའོ་བྱས་པས། 接着，我向母亲说：“母亲说的很对，请你不要太悲伤了。你老人家想怎样，我一定遵命去办！ ” ཨ་མ་ན་རེ་ང་དག་ཁྱོད་ཀྱི་སྟེང་དུ་བེར་གྱོན། འོག་ཏུ་རྟ་ཞོན་པའི་ཡོབ་ཆེན་སྡང་བ་དགྲ་འདི་ཚོའི་གཉའ་ཐོག་ན་ཕར་ཤུད་དེ་བ་ཞིག་འདོད་པ་ཡིན་ཏེ། དེ་རང་མི་འོང་བ་འདྲ། ངན་གཡོ་ཆེ་རབ་འོང་བ་འདྲ་བ་འདུག་པས། མཐུ་གཏད་སེར་གསུམ་མཐར་ཕྱིན་པ་ཞིག་བསླབས་ནས། ཨ་ཁུ་དང་ཨ་ནེས་གཙོ་བྱས་པའི་ཡུལ་མི་ཁྱིམ་མཚེས་རང་རེ་མ་སྨད་ལ་སྡུག་པོ་གཏོང་མཁན་འདི་ཀུན་རྩ་བ་དགུ་བརྒྱུད་ནས་རབས་ཆད་པ་ཞིག་འདོད་དེ། ཨེ་འོང་ལྟོས་དང་ཟེར་བ་ལ། 母亲说：“我希望你上穿绫罗的披风， 下骑高头大马，马镫从我们所憎恨的那些仇敌的脖子上越过去，这似乎已经无望了。恶人的手段会更狡猾起来的。因此，只想让你彻底地学习一种用诅咒、厌胜 、降冰雹的方法，把以叔父和姑母为首的对我们母子逞凶的乡邻都斩尽杀绝，让他们绝子灭孙！你试试看， 能办到吗？ ” ངས་ཨེ་འོང་བལྟའོ་ཨ་མ་རང་བླ་མའི་འབུལ་བ་དང་ང་རང་གི་རྒྱགས་ཅི་འབྱོར་གྲབས་གྱིས་ཤིག་བྱས་པས། 我答道：“我试试看能不， 请母亲尽力去给我预备供养师父的礼品和我自己的口粮吧！” ཨ་མས་མཐུ་སློབ་པའི་ཆ་རྐྱེན་དུ་ཞིང་བྲེ་པེ་སྟན་ཆུང་གིས་ཕྱེད་བཙོངས་པའི་རིན་ལ་གཡུ་སྐར་ཆེན་འོད་འཕྲོ་བྱ་བ་ཞིག་དང་། རྟ་དཀར་པོ་སེང་གེ་སྲབ་མེད་བྱ་བ་ཡུལ་ན་དགའ་བ་ཞིག་དང་། ཚོས་ལྟང་གཉིས་བུར་ལྟང་གཉིས་ཁུགས་འདུག་པའི་བུར་ལྟང་གཉིས་འཕྲལ་དགོས་ལ་སྤྱད་ནས་གྲབས་ཚར་བ་དང་། 母亲为了给我准备学法术所需的费用，便把哲白登穷那块地卖去一半，买来一块松耳石 ， 名 “放光大星” ； 买了一匹白马，名“无缰狮子”，它是这一带最好的马。此处还有茜草 （染料）一驮 ，黄糖一驮。黄糖是为应付急需而准备的。 ངས་གུང་ཐང་གི་ལྷུན་གྲུབ་མགྲོན་ཁང་བྱ་བར་ཞག་འགའ་བསྡད་ནས་ལམ་གྲོགས་བཙལ་བས་མངའ་རིས་དོལ་ནས་ཡིན་ཟེར་བའི་གཅེས་ཕྲུག་ལྔ་དབུས་གཙང་གི་ཕྱོགས་ལ་ཆོས་དང་མཐུ་སློབ་ཏུ་འགྲོ་བ་ཡིན་ཟེར་སླེབ་བྱུང་བ་ལ། 准备就绪后，我便到贡塘名叫伦珠的客店去住了几天，想找个同伴。刚好来了五个青年哥儿，说是阿里堆地人，要去卫藏地方学佛法和咒术。 ང་ཡང་མཐུ་སློབ་ཏུ་འགྲོ་བས་རང་རེ་རྣམས་སྡེབ་འགྲོ་བྱས་པས། རུང་ཟེར་བ་དང་། གུང་ཐང་སྨད་དུ་ཁྲིད་ཕྱིན་ནས་ཞག་ཤས་ངེད་ཀྱིས་ཞབས་ཏོག་བྱས། 我对他们说：“我也是要去学咒术的。我们一起去吧！”他们答应后，我就把这五个人引回下贡塘，在我家招待了几天。 དེ་བར་ལ་ཨ་མས་ཁོང་རྣམས་ལ་ངའི་ཕག་ཏུ་ངེད་ཀྱི་བུ་འདི་ལ་སྙིང་རུས་ཡེ་མེད་དོ། །ཁྱེད་གྲོགས་པོ་རྣམས་ཀྱིས་བསྐུལ་ལྕག་གྱིས་ལ་མཐུ་ཤིན་ཏུ་མཁས་པ་ཞིག་སློབས་ཤོག་ཅིག་འདིར་སླེབ་དུས་སྣ་ལེན་དང་བྱ་དགའ་གཟབ་པ་བྱེད་དོ་ཟེར་བ་བྱས་འདུག 这期间，母亲暗地里拜托他们说：“我这孩子，简直没有恒心，希望朋友们要提醒鼓励他。务必让他把咒术学得很精通。将来你们回来时，我要好好报答和款待你们的。” །དེ་ནས་རྟ་ལ་ཚོས་ལྟང་གཉིས་བཀལ། གཡུ་ལུས་ལ་བཅངས་ཏེ། ངེད་རྣམས་ཀྱིས་ལམ་དུ་ཆས་པ་ལ། ཨ་མས་ཐག་རིང་གི་བར་དུ་སྐྱེལ་དུ་ཕྱིན་པའི་ལམ་བར་དང་། སྐྱེལ་ཆང་འཐུང་སར། ཨ་མས་ངའི་གྲོགས་པོ་རྣམས་ལ་ཁ་བརྡ་མང་པོ་བྱེད་ཅིང་འདུག 这以后，我把茜草等两驮东西驮在马背上，松耳石带在身边就出发了。母亲送了我们很长一段路。在路上及吃饯行酒的地方，母亲对我的同伴又再三殷殷嘱咐。 ཁྱད་པར་དུ་ང་རང་ཟུར་དུ་བཀར་ནས། མ་གཅིག་དང་བུ་གཅིག་འབྲལ་མི་ཕོད་པར་ཨ་མས་ངའི་ལག་པ་ནས་བཟུང་སྟེ་བཅང་བཅང་བྱས་ཤིང་། གདོང་མཆི་མས་གང་བའི་ངུ་། ངག་གིས་བུ་འུ་ཅག་མ་སྨད་ཀྱི་ལས་བསྐོས་ལ་ལྟོས་ལ། ཡུལ་དུ་མཐུའི་རྟགས་ཐོན་པ་ཞིག་ཅིས་ཀྱང་གྱིས་ཤོག་ཅིག །ཁོང་ཚོའི་མཐུ་དང་འུ་ཅག་གིས་མཐུ་མི་འདྲའོ། །ཁོང་ཚོ་གཅེས་ཕྲུག་རང་དགའ་རྒྱགས་པའི་མཐུ་ཡིན་པར་འདུག །འུ་ཅག་མ་སྨད་སྡུག་ཐུག་པའི་མཐུ་ཡིན་པས་ཁྱོད་སྙིང་རུས་སྐྱེད་ཤོག་ཅིག །བརྒྱ་ལ་གལ་ཏེ་བུ་ཁྱོད་ཀྱིས་ཡུལ་དུ་མཐུའི་རྟགས་མ་ཐོན་པར་ལོག་བྱུང་ན། ང་མ་རྒན་མོ་ཁྱོད་རང་གི་མདུན་དུ་ལྕེབས་ནས་ཤི་སྡོད་དོ་ཟེར། 她特别把我拉到一边，我们母子俩依依难舍。母亲紧紧握着我的手，泪汪汪地说：“你要记住我们母子的苦难命运，到外地去务必要学会灵验的咒术！我们去学咒术与他们不同。他们是公子哥儿，学咒术不过为了取乐；我们母子是被逼得无可奈何才去学的呀！你要发愤呀！假使你到外地学了咒术不顶用就回家来，那么，老娘我就死在你的面前。” དམ་བཅའ་བསྒོས་ནས་ངེད་མ་སྨད་སོ་སོར་གྱེས་པ་ལས། ང་ཨ་མ་ལ་སེམས་འཕྲེང་དྲགས་ཏེ། ཡང་ཡང་ཕྱི་མིག་བལྟ་བ་དང་མཆི་མ་མང་པོ་ཤོར། ཨ་མ་ཡང་ང་བུ་གཅིག་པོ་ལ་སེམས་འཕྲེང་བས། ངེད་རྣམས་མཐོང་མཐོང་གི་བར་དུ་ང་ལ་མིག་ཅེ་རེ་ངུ་ཞིང་བསྡད་འདུག་པ་ལ། 她让我发誓后，我们母子才分别了。这时，因为心里牵挂着母亲，我不时回头去看她，眼泪也流个不止。母亲呢，也因为眷恋我这个独子而难分难舍。所以，一直到我们彼此还瞧得见的时候，母亲还坐在那里凝视着我，哭个不停。 ང་ཡང་ཨ་མ་དང་ཡུད་ཙམ་ཞིག་ཕྲད་པ་ལ་ཕྱིར་ལོག་གམ་ལོག་གམ་སྙམ་པའི་སེམས་ཤིན་ཏུ་འཕྲེང་བ་ཞིག་བྱུང་སྟེ། ངེད་མ་སྨད་ཕྱིས་མི་ཕྲད་པ་དེ་སེམས་ཀྱིས་ཚོར་བ་ཡིན་པར་འདུག །མི་མཐོང་བ་དང་ཨ་མ་ཡུལ་དུ་ངུ་ཞིང་ལོག་ཕྱིན་པས། 我很想回去与母亲再待片刻，心中老盘算着；“回去吗？回去吗？”那时，心中实在难过得很！也许是预感到我们母子以后不能再见面了吧，一直等到看不见我时，母亲才哭着回家去了。 ཞག་འགའ་ནས་མྱང་ཚ་དཀར་རྒྱན་གྱི་བུ་མཐུ་སློབ་ཏུ་སོང་འདུག་ཟེར་བའི་གྲགས་པ་ཆེན་པོ་བྱུང་འདུག 过了几天，大家便传开了，说：娘查迦坚的儿子学法术去了。 ངེད་རྣམས་ཀྱིས་དབུས་གཙང་གི་ལམ་དུ་ཞུགས་ནས་ཕྱིན་པས། གཙང་རོང་གི་གཡག་སྡེ་ཞེས་བྱ་བར་སླེབ། དེར་ཕྱུག་པོ་ཆེན་པོ་གཅིག་ལ་རྟ་དང་ཚོས་རྣམས་བཙོངས་པས་རིན་གསེར་དུ་བྱུང་བ་ལུས་ལ་བཅངས་ཏེ། 我们走上去卫藏的大道，到了藏绒名叫雅德的地方。我把马和茜草卖给了一个富家，换成黄金，藏在身边。 གཙང་པོ་རྒྱབ་ནས་དབུས་ཕྱོགས་ལ་གཏད་ཕྱིན་པས། ཐོན་ལུག་ར་ཁ་བྱ་བར་དབུས་པའི་བན་བཙུན་མང་པོ་དང་ཕྲད་དེ། དེ་རྣམས་ལ་དབུས་ཕྱོགས་ན་མཐུ་གཏད་སེར་གསུམ་ལ་མཁས་པ་ཇི་སྐད་བྱ་བ་ཡོད་དྲིས་པས། 渡过藏布江直向前藏前进。到了屯陆饶喀 ，遇到很多前藏的出家人，便向他们打听，前藏地方精通诅咒、厌胜、降冰雹等法术的人都有哪些。 བནྡེ་གཅིག་ན་རེ་ཡར་ལུང་སྐྱོར་པོ་གྲོང་བྱ་བ་ན་བླ་མ་གཉགས་གཡུང་སྟོན་ཁྲོ་རྒྱལ་བྱ་བ་བཞུགས་ཏེ། ཁོང་མཐུ་གཏད་སོགས་དྲག་སྔགས་ལ་གྲུབ་པ་ཐོབ་པ་ཡིན་ཟེར་ཏེ། བནྡེ་དེ་ཁོང་གི་སློབ་མར་འདུག 有一个僧人说道：“在亚隆 名叫觉波的村子里，有一位喇嘛名聂*雍敦濯杰，听说他对于法术等威猛咒已获得成就。”原来，这位僧人就是他的徒弟。 དེ་ནས་ངེད་རྣམས་ཀྱིས་བླ་མ་གཡུང་སྟོན་ཁྲོ་རྒྱལ་རང་ལ་གཏད་ཕྱིན་པས་ཡར་ལུང་སྐྱོར་པོ་གྲོང་དུ་སླེབ། བླ་མ་དང་མཇལ་བའི་ཚེ། ཁོང་གྲོགས་པོ་རྣམས་ནི་ཕྱག་རྟེན་སྣ་རེ་ཙམ་ལས་མི་གཏོང་བར་འདུག 于是，我们便径直去寻访雍敦濯杰喇嘛。到了亚隆的觉波村时，见到了喇嘛。我的那些同伴每人只供养了一件礼物，我呢，便将金子与松耳石完全供养了。 ངས་གསེར་གཡུ་ཀུན་ཕུལ་ཏེ། འདི་མིན་ལུས་ངག་ཡིད་གསུམ་ཡང་འབུལ། བདག་ལ་ཡུལ་མི་ཁྱིམ་མཚེས་སྐྱིད་དུ་ཕངས་པ་འགའ་བདོག་པས། ཡུལ་དུ་རྟགས་ཐོན་པའི་མཐུ་ཕུལ་དུ་ཕྱིན་པ་ཞིག་ཐུགས་རྗེས་འཛིན་པ་ཞུ་ཞིང་། དེ་བར་གྱི་ལྟོ་གོས་ཀྱང་ཐུགས་རྗེས་འཛིན་པར་ཞུ་ཞུས་པས། 我向上师禀道：“我不但把这些东西供养，连身语意三业都一齐供与上师。因为我们的乡邻，曾经多次迫害我们，所以特来恳求师父，悲悯于我，传我一个施在我家乡能够应验、很不寻常的咒术，以便报仇。另外在学法期间，一切衣食所需，也请慈悲接济！” བླ་མ་ཞལ་འཛུམ་པ་ཞིག་མཛད་ནས། ཁྱོད་ཀྱི་གཏམ་དེ་རྣམས་ལ་བརྟག་པར་བྱ་གསུང་། 师父听后笑了笑说“ ：你说的话我还要考虑一下。 དེ་ནས་ངེད་རྣམས་ལ་མཐུ་མཐིལ་ཕྱིན་པ་ནི་མ་བསླབས། གནམ་ས་ཁ་རྡེབ་པ་ལྟ་བུའི་ཁ་ཕོ་ཡོད་པའི་ངན་སྔགས་སྣ་རེ་ཙམ་དང་། ཡང་ཕན་བྱེད་ཀྱི་གདམས་ངག་ཕྱག་ལེན་དང་བཅས་པ་སྣ་རེ་ཙམ་གནང་ནས་ལོ་གཅིག་ཙམ་སོང་བ་དང་། 这样，我们就在那儿住了一年。但是，深奥的咒术并未传给我们，只传授了一个可以夸口说能够使天翻地覆的邪咒，和一些有益的教授及其实行的细则。 ངའི་གྲོགས་པོ་ཀུན་ལོག་འགྲོ་གྲབས་བྱེད་ཅིང་འདུག་པ་ལ། བླ་མས་དབུས་ཕྲུག་གི་གོས་ལེགས་པ་རེ་ཀུན་ལ་བཙེམས་ནས་གནང་གིན་འདུག 我的同伴们都准备要回去了，师父把前藏地方出的羊毛氆氇，给同学们每人做了一件衣服。 ང་ནི་ཡིད་ཅིག་མ་ཆེས་ཏེ། མཐུ་དེ་དག་གི་ཡུལ་དུ་རྟགས་ཐོན་པ་ཡང་དཀའ་བར་འདུག །མཐུའི་རྟགས་མ་ཐོན་པར་ཡུལ་དུ་ལོག་རུང་ཨ་མ་ལྕེབས་ཏེ་འཆི་བ་མིན་པ་མི་འོང་སྙམ་ནས་གྲབས་མ་བྱས་པས། 但是，我却不放心，担心现在所学的这些咒术很难在家乡应验。如果法术不灵，就回家去，母亲一定自杀无疑。想到这里，便不作回归之计。 གྲོགས་པོ་རྣམས་ན་རེ། ཐོས་པ་དགའ་ཡར་མི་འགྲོའམ་ཟེར། ང་འགྲོ་བ་ལ་མཐུ་མ་ལོབས་བྱས་པས། ཁོང་རྣམས་ན་རེ་རང་རེས་བསྙེན་པ་སྐྱེལ་ནུས་ན་གདམས་ངག་དེ་ཀུན་ཟབ་མོ་རང་འདུག །བླ་མ་རང་ལའང་དེ་བས་ལྷག་པ་མེད་གསུང་གིན་འདུག་པས། ངེད་རྣམས་ཀྱིས་མཐུའི་སྒྲོ་འདོགས་ཆོད། ཁྱོད་རང་ལྷག་མ་འདྲ་ཨེ་གནང་ལྟོས་ཤོག་ཟེར། 同伴们问道：“闻喜，你还不回家吗 我答道“ ：我怎么回去？咒术还未学到哩！”他们说：“这些教授已经是极为高深的了。只有靠各人自己努力去修持。师父也说过除此再无高深的咒术。我们对于咒术的奥妙已经通晓。看你能否得到格外的传授吧？” ཁོང་ཚོས་བླ་མ་ལ་གཏང་རག་དང་ཕྱག་ཕུལ་ནས་ཆས་འདུག་པ་ལ། ངས་ཀྱང་བླ་མས་གནང་བའི་གོས་དེ་གྱོན་ནས་ཁོང་རྣམས་གྲོ་ལམ་ཞིག་གི་བར་བསྐྱལ། ཁམས་བདེ་བྱས་ནས་ཁོང་ཚོ་ཡུལ་དུ་ལོག་སོང་། 他们向师父谢恩顶礼后便起身回家。我也把师父赐的衣服穿上，送了他们一程以后，彼此祝福、告别，他们就回乡去了。 ངས་བླ་མའི་དྲུང་དུ་ལོག་འོངས་པའི་ལམ་ལ། རྟ་བོང་གི་སྦངས། བ་གླང་གི་ལྕི་བ། ཁྱི་ལུད་རྣམས་འཐུ་ཞིང་འོངས་པས་ཐུ་བ་ཁྲིག་པ་གང་རྙེད་པ། བླ་མའི་གསོལ་ཞིང་གཤིན་པོ་རང་ཞིག་ཡོད་པ་དེའི་ཁར་ས་ཁུང་བྲུས་ཤིང་སྦས་པ། 我又转身回到师父那里。在路上，我一路拾骡马粪、牛粪、狗粪，捡了整整一衣兜。师父有一块肥沃的土地，我便在那地边挖一个坑把粪埋上。 བླ་མ་གཟིམས་ཁང་གི་སྟེང་ན་ཡོད་པས་གཟིགས་ཏེ། གྲྭ་པ་འགའ་ལ་ང་ལ་སྔར་སློབ་མ་ཇི་སྙེད་ཅིག་བྱུང་སྟེ། མ་གི་བས་ཤ་ཚ་བ་མ་བྱུང་། ད་དུང་ཡང་མི་འོང་། ཁོ་ད་ནང་ང་ལ་ཁམས་བདེ་ཞུར་མི་འོང་བ་དེ་ཡང་ལོག་འོང་བའི་རྟགས་སུ་འདུག 师父在楼顶上看见了，便对一些僧徒说道：“我从前有过很多徒弟，像下面那个徒弟那样体贴人的却一个也未见过。今后恐怕也不容易找到。今早上他没来向我告别辞行，就表示仍要回来。 ཁོ་དང་པོ་ངའི་སར་སླེབ་འོངས་པའི་ཚེའང་ང་ལ་ཡུལ་མི་ཁྱིམ་མཚེས་སྐྱིད་དུ་ཕངས་པ་ཚོ་ཞིག་ཡོད་པས། མཐུ་གནང་བར་ཞུ་ལུས་ངག་ཡིད་གསུམ་འབུལ་ཟེར། གླེན་པ་མ་གི་འདྲ་ཞིག་འོང་བ། ཁོའི་གཏམ་དེ་རྣམས་བདེན་ན་ནི་མཐུ་མ་བྱིན་ན་སྙིང་ཡང་རྗེ་བར་འདུག་གསུངས་པ་གྲྭ་པ་ཞིག་གིས་ང་ལ་བསྐྱར་བས། 他初来我处时，便说了很多关于乡邻如何迫害他们的情况，要求传授咒术，并愿将身语意三业都作供养。竟然有像下面那位徒弟那样憨厚的人！若是他所说的是真话，我不传授咒术，他就太可怜了！”一个僧人把师父的话转告我。 གོ་བཅད་མཐུ་ཟུར་པ་ཞིག་འོང་བར་འདུག་སྙམ་དགའ་ནས། བླ་མའི་དྲུང་དུ་ཕྱིན་པས། བླ་མའི་ཞལ་ད་ལ་ཐོས་པ་དགའ་ཁྱོད་ལོག་མི་འགྲོ་བ་ཅི་ཡིན་གསུངས། 我心想那么肯定可以学到一个特别的咒术了，便高兴地来到师父的面前。师父说：“闻喜，你为什么不回去呢？” དེར་ངས་བླ་མ་རང་གིས་གནང་བའི་གོས་དེས་ཕྱག་རྟེན་བྱས་ཕྱག་ཕུལ། ཞབས་སྤྱི་བོར་བླངས་ཏེ། བླ་མ་རིན་པོ་ཆེ། བདག་ངེད་མ་སྨད་གསུམ་ཡོད་པ་ལ་ཨ་ཁུ་དང་ཨ་ནེས་གཙོ་བྱས་པའི་ཡུལ་མི་ཁྱིམ་མཚེས་འགའ་དགྲར་ལངས་ཏེ། མི་འཚམ་པའི་སྤྱོད་ཁྱེར་སྣ་ཚོགས་ཀྱི་སྒོ་ནས་སྡུག་པོ་རང་བཏང་། དེ་ལ་ལན་གཞན་གླན་པའི་སྟོབས་མེད་པར། ཨ་མས་བདག་མཐུ་སློབ་ཏུ་བརྫངས་པ་ལགས། བདག་གིས་མཐུའི་རྟགས་མ་ཐོན་པར་ཡུལ་དུ་ལོག་ན། བདག་གི་མདུན་དུ་ཨ་མ་ལྕེབས་ནས་འཆི་བ་ཡོད་པས་མ་ཕྱིན་པ་ལགས། དེས་ན་མཐུ་མཐིལ་ཕྱིན་པ་ཞིག་གནང་བར་ཞུ་ཞེས་ཞུ་བ་ཕུལ་ནས་ངུས་པས། 我又把师父所赐的衣服仍然作为礼品回供给他，恭敬顶礼，将上师的脚放在我头顶上，禀道：“上师大宝！弟子母子三人，因与叔父和姑母为首的乡邻结仇，他们用种种不正当的手段和使坏心眼折磨我们受苦受难。我们又无力用别的办法加以报复，母亲才让我来学咒术，我若未学到灵验的咒术便回家去，母亲一定会在我的面前自杀的，所以不敢回去。请师父传我一个顶高的咒法。”请求后，我不禁哭泣起来。 ཁྱོད་ལ་ཡུལ་མིས་སྡུག་པོ་ཅི་འདྲ་བཏང་གསུང་། ངས་ཡབ་མི་ལ་ཤེས་རབ་རྒྱལ་མཚན་སྐུ་གཤེགས་ཚུལ་ནས། ཨ་ཁུ་དང་ཨ་ནེས་སྡུག་པོ་བཏང་ཚུལ་རྣམས་ངུ་ངག་གིས་རྒྱས་པར་ཞུས་པས། 师父问道：“你的乡邻对你们是怎样迫害的？”我便把父亲米拉喜饶坚赞去世后，叔父和姑母如何迫害我们的一切情形连哭带说地向师父详细禀告。 བླ་མ་ཡང་སྤྱན་ཆབ་ཉིལ་མཛད་ནས། དེ་ལྟར་བདེན་ན་ཧ་ཅང་མི་འོས་པར་འདུག་པས། མཐུ་ངས་བྱས་ཀྱང་ཆོག་པར་འདུག་སྟེ། ཏབ་ཏོབ་ལར་མི་འདྲེན། 师父也流下泪来，对我说：“这些若是真的，那实在是太无道理了！咒术么，我固然可以亲自去作，但是不能着急。 ལར་ངའི་མཐུ་འདི་ལ་སྟོད་མངའ་རིས་སྐོར་གསུམ་ནས་གསེར་གཡུ་བརྒྱ་འབུལ་སྟོང་འབུལ། སྨད་མདོ་ཁམས་སྒང་གསུམ་ནས་ཇ་སིགས་དང་གོས་དར་བརྒྱ་འབུལ་སྟོང་འབུལ། བར་དབུས་གཙང་རུ་བཞི་ནས་སྣམ་ཕྲུག་དང་མར་ནས་བརྒྱ་འབུལ་སྟོང་འབུལ། བྱར་དྭགས་ཀོང་གསུམ་ནས་མཛོ་རྟ་དང་གནག་ལུག་བརྒྱ་འབུལ་སྟོང་འབུལ་བྱུང་སྟེ། 本来，为求我这个法术，有从上部阿里三围来的，供养成百上千的黄金和松耳石；有从下部多康三岗来的，供养成百上千的茶叶和绸缎；有从中部卫藏四翼来的，供养成百上千的氆氇、酥油和青稞；有从甲尔、达波、工布 三处来的，供养成百上千的牛马羊群。 ལུས་ངག་ཡིད་གསུམ་འབུལ་ཟེར་བ་ཁྱོད་ལས་མ་བྱུང་བས། མི་ཁྱོད་ཀྱི་གཏམ་དེ་ལ་བརྟག་པ་མྱུར་བ་ཞིག་བྱེད་གསུངས་ནས་དེའི་ཚེ་བླ་མ་ལ་གྲྭ་པ་རྟ་བས་བང་མགྱོགས་པ། གླང་པོ་ཆེ་བས་སྟོབས་ཆེ་བ་ཞིག་ཡོད་པ་དེ་ངའི་ཡུལ་དུ་བལྟར་བཏང་བས། ཁོང་མྱུར་དུ་འཁོར་བྱུང་སྟེ། བླ་མ་རིན་པོ་ཆེ་ཐོས་པ་དགའ་བདེན་པར་འདུག་པས། མཐུ་ཤིན་ཏུ་གནང་དགོས་པར་གདའོ་ཞུ་ཞིང་འདུག་པ་ལ། 至于说以身、语、意三业来作供养的，除你而外，再无他人了。等我尽快地调查清楚了你说的情况虚实如何再说。”当时，师父找了一位僧徒，那人行走比马还快，力气比象还大，派他到家乡去打听。他很快就回来了，向师父禀道：“上师大宝！闻喜说的全是实情，完全应该传他咒术。” ང་ལ་བླ་མའི་ཞལ་ནས། དང་པོ་ནས་ཙབ་ཙོབ་ལ་མཐུ་བྱིན་ན་གླེན་པ་ཁྱོད་ཀྱིས་གྱོད་བྱས་ཀྱིས་དོགས་པ་ཡིན། ད་བདེན་པ་ཡོད་འདུག་པས། མཐུ་སྟེར་མཐུ་སློབ་ཏུ་གཞན་ཞིག་ཏུ་འགྲོ་དགོས་ཏེ། 于是，师父对我说：“如果一开始就马马虎虎传给你咒术，担心你这憨直的人会吃亏。现在，知道了你说的完全是实情，可以传你咒术了。可是，你要到别处去学。 ང་ལ་མཐུ་གཟའ་གདོང་དམར་ནག་ཅེས་བྱ་བ་ཧཱུྃ་ཤི་དང་ཕཊ་འགྱེལ་ཐོངས་པ་ཞིག་ཡོད་པ་དེ། གཙང་རོང་གི་གནུབས་ཁུ་ལུང་བྱ་བ་ན་བླ་མ་ཁུ་ལུང་པ་ཡོན་ཏན་རྒྱ་མཚོ་བྱ་བ་སྨན་ཡང་ཤེས་སྔགས་ཀྱང་ཤེས་པ་ཞིག་ཡོད་པ་དེ་ལ་བྱིན། ཁོང་ལ་སེར་བ་མཛུབ་ཁྲིད་ཐོངས་པ་ཞིག་འདུག་པ་དེ་ང་ལ་བྱིན་ནས། ངེད་གཉིས་མཐུན་པའི་གྲོགས་པོ་བྱས་ཏེ། 我有一个名叫红面黑面凶曜法 说‘吽’字人就要死，说‘呸’字人就要倒的咒术。这个法传授给了藏绒鲁库隆 地方一个名叫库隆巴云登嘉错的喇嘛了。那人懂医药也懂法术。他会一种手一指就可召来冰雹的法术，他传给了我，于是，我们成了非常要好的朋友。 ང་ལ་མཐུ་སློབ་ཏུ་བྱུང་ཚད་ཁོང་ཅན་དུ་བཏང་བར་བྱས། ཁོང་ལ་སེར་བ་སློབ་ཏུ་བྱུང་ཚད་ང་ཅན་དུ་བཏང་བར་བྱས་ཡོད་པས། དེས་ན་ཁྱོད་ཀྱང་ཁོང་གི་དྲུང་དུ་ང་རང་གི་བུ་འདི་དང་བསྡེབས་ནས་གཏོང་བ་ཡིན་གསུངས། 我们曾约定凡来我处学咒术的，我就打发到他那里去；凡到他处学放冰雹法术的，他就打发到我这里来。所以，你要到他那里去学，我可以派我的儿子同你一道去。” |
|
|
59#
发布于：2017-10-27 16:39
轮回世间大行之部
第二章 幼年丧父 亲族结仇 丧失财产 亲身体验苦之真谛 །།གཉིས་པ་ནི། ཡང་རས་ཆུང་པས་ཞུས་པ། བླ་མ་ལགས། དང་པོ་ཡབ་དང་བྲལ་བས་འོ་བརྒྱལ་མང་པོ་ཐུགས་ཉམས་སུ་བཞེས་གསུངས་པ་ཅི་འདྲ་བཞེས་ལགས་ཞུས་པས། 热穹巴又问道：“师父，听说当初你丧父后，遭受了很多苦难。 究竟是怎样受苦的呢？ ” དེ་ནས་ང་ལོ་བདུན་ཙམ་འགྲོ་བའི་ཚེ། ཡབ་མི་ལ་ཤེས་རབ་རྒྱལ་མཚན་དེ་སྙུང་གཞི་དྲག་པོ་རང་ཞིག་གིས་ཟིན་ནས། སྨན་པ་དང་མོ་མ་རྣམས་ཀྱིས་ཀྱང་མི་འཚོ་བར་ལུང་བསྟན་ཅིང་བོར། གཉེན་ཉེ་འབྲེལ་རྣམས་ཀྱིས་ཀྱང་མི་འཚོ་བར་ཤེས། ཁོང་རང་ཡང་མི་འཚོ་བར་ཁོ་ཐག་ཆོད་ནས། 我在七岁的时候，父亲米拉喜饶坚赞便得了重病，无论延医还是算卦，都断言没有生望而放弃救治。亲族等也知我父亲将不久于人世，父亲自己对活下去也绝望了。 ཨ་ཁུ་དང་ཨ་ནེ་ལ་སོགས་གཉེན་ཉེ་རིང་གྲོགས་དགའ་བཤེས་ཡུལ་མི་ཁྱིམ་མཚེས་དྲག་པ་ཀུན་བསགས་ཏེ། བུ་སྨད་ནོར་དང་བཅས་པ་བཅོལ་བཏམས་བྱས་ནས། མཐར་ཕ་ཤུལ་བུས་འཛིན་དུ་འཇུག་པའི་ཁ་ཆེམས་ཡི་གེ་རྒྱས་པར་བྱས་ཏེ། ཀུན་གྱིས་ཐོས་པར་བསྒྲགས། 于是，便把叔父、姑母以及一切有声望的族人、亲友、乡邻都请来，当众把妻室儿女连同家产一起作了安排，要求最终得让儿子继承父业，便将这意思郑重其事地写成遗嘱，并宣读给大家听过。 དོན་བསྡུ་ལ་ངག་ཏུ་ང་ད་ལན་གྱི་ནད་འདིས་མི་གཏོང་བ་འདུག་ཅིང་། དེས་ན་ངའི་བུ་འདི་ཡང་ད་ལྟ་ཆུང་འདུག་པས། ཨ་ཁུ་དང་ཨ་ནེས་གཙོ་བྱས་པའི་གཉེན་བཤེས་ཀུན་ལ་བཅོལ་བཏམས་བྱ་རྒྱུ་ལ། 父亲还大致把遗嘱说了一遍：“这次，我这病可能饶不了我了。我的儿子年幼，因此，特向你们叔父、姑母为首的亲戚、族人作如下托咐： ངའི་ཕུ་ན་ནོར་གནག་རྟ་ལུག་གསུམ། མདའ་ན་འོར་མ་གྲུ་གསུམ་གྱིས་གཙོ་བྱས་པའི་ཞིང་སྤྲང་མིག་ཏུ་མི་ཚུད་པ་འགའ། ཁང་པའི་འོག་ན་ཕྱུགས་བ་ར་བོང་གསུམ། སྟེང་ཁང་ན་རྡིག་གསེར་དངུལ་ཟངས་ལྕགས་གཡུ་དང་གོས་དར་འབྲུའི་བང་མཛོད་ལ་སོགས་ཏེ། མདོར་ན་མི་ནོར་གཞན་ལ་སྨོན་མི་དགོས་པ་ཡོད་པས། 在我家的山沟里放牧着马、牛、羊；在坝上有以‘俄玛三角地’为主的、足以使穷人眼红的一些肥沃土地；楼下畜棚中有牛、羊、驴等牲畜；楼上房屋里有金、银、铜、铁、玉石等财产以及绫罗衣物和粮库总之，我们的财产已能自足。 འདི་རྣམས་ཀྱི་སྟེང་ནས་ཆ་ཤས་ཤིག་ང་རང་གི་རྗེས་སུ་ཐོངས། དེ་ལྷག་རྣམས་ཁྱེད་འདིར་ཚོགས་ཀུན་ལ་ང་རང་གི་བུ་འདིས་ཁྱིམ་སོ་མ་ཟིན་གྱི་བར་ལ་བཅོལ་ལོ། །ཁྱད་པར་དུ་ཨ་ཁུ་དང་ཨ་ནེ་གཉིས་ལ་བཅོལ་ལོ། །བུ་འདིས་ཁྱིམ་སོ་ཕེར་བ་དང་། མཛེས་སེ་དང་ཆུང་གཉེན་བསྒྲིགས་ཡོད་པས། མོ་རང་མནའ་མར་བསུ་ནོར་རྣམས་ལྷག་ལུས་མེད་པར་ཕོག་ལ་ཕ་ཤུལ་བུས་འཛིན་དུ་ཆུག་ཅིག 从这些财产中用一些为我办后事，其余的托在座诸位亲族暂管，直到我儿子能成家时再交给他。尤其是要拜托叔父和姑母二位，到我儿子能成家时，因他从小就和泽塞订下亲事，就把这姑娘迎娶过来。把财物家产全部归还他们掌管，务必让儿子能够继承父业。 །དེ་བར་ལ་ངའི་བུ་སྨད་གསུམ་གྱི་སྐྱིད་སྡུག་ཁྱེད་ཨ་ཁུ་དང་ཨ་ནེས་གཙོ་བྱས་པའི་གཉེན་ཚན་ཀུན་ཤེས་སོ། །སྡུག་ཏུ་མ་འཇུག་ཅིག །ང་ཤི་དུར་ཁུང་ནས་བལྟའོ་ཞེས་གསུངས་ནས་གྲོངས་སོ། 在这以前，我的妻室儿女三人，完全靠你叔父和姑母二人为首的亲戚们照看，不要使他们吃苦。我死后会从墓穴中看着的！” 父亲说完就断气了。 །དེ་ནས་ཡབ་ཀྱི་གཤེགས་རྫོངས་རྣམས་བྱས། དེ་ལྷག་གི་ནོར་རྣམས་ཀུན་ཁ་འཆམ་པར། མྱང་ཚ་དཀར་རྒྱན་རང་ཚགས་བྱེད་དུ་ཆུག །ཁ་འཛིན་དགོས་པ་ཀུན་གྱིས་ཟུར་ནས་ཅི་ལེགས་གྱིས་ཟེར་བ་ལ། ཨ་ཁུ་དང་ཨ་ནེ་གཉིས་ན་རེ་མི་ཉེ་བྱས་རུང་དྲུང་པོ་ཉེ། ཁོང་མ་སྨད་ངེད་ཀྱིས་སྡུག་ཏུ་མི་འཇུག །ནོར་རྣམས་ཁ་ཆེམས་བཞིན་ངེད་ཀྱིས་ཚགས་བྱེད་ཟེར་ནས། 办完丧事后，所余的财产，大家主张让我母亲娘查迦坚独自管理，需要帮忙时，大家可以从旁竭力相助。叔父和姑母说：“不贴心也还是亲房嘛！我们决不会让他们娘儿三人受苦。照遗嘱办，财产由我们经管。” ངའི་ཞང་པོ་དང་མཛེས་སེའི་ཕ་མིང་གིས་ལོ་རྒྱུས་བྱས་རུང་མ་ཉན་པར་ཕོ་ནོར་རྣམས་ཨ་ཁུས་བྱས། མོ་ནོར་རྣམས་ཨ་ནེས་བྱས། གཞན་རྣམས་ཕྱེད་མར་བགོས་ཏེ། ཁྱེད་མ་སྨད་རྣམས་གསོ་རེས་བྱེད་ཟེར་ནས། 我的舅父和泽塞的父兄，都向他们说明情由，他们不听。于是，男人的东西，叔父拿了去；女人的东西，姑母拿了去；其余的他们各分一半。他们说：“我们轮流供养你们娘儿们吧！” ངེད་མ་བུ་གསུམ་ལ་ནོར་དབང་རྒྱུ་མ་བྱུང་བའི་ཁར། དབྱར་ཞིང་ལས་བྱེད་དུས་ཨ་ཁུའི་གཡོག །དགུན་བལ་ལས་བྱེད་དུས་ཨ་ནེའི་གཡོག །ལྟོ་ཁྱིའི་ལྟོ་ལས་བོང་ལས། གོས་སྲུལ་ཕྲག་ཐག་ཆད་པ་ལ་དྲེས་མའི་སྐེ་རགས་བཅིངས་པ་གྱོན་ནས། ལས་དལ་མེད་བྱེད་དགོས་བྱུང་བས་ཡན་ལག་རྣམས་སེར་ཀར་སོང་། ལྟོ་གོས་ངན་པའི་སྟོབས་ཀྱིས་ཁ་མདོག་སྐྱ་ལ་ཤ་རིད་པ། 就这样，我们母子三人，不但没有得到财产，而且夏天要给叔父干农活，冬天，又去给姑母捻毛线。吃的如狗食一样的东西，要干毛驴才干的重活；穿的衣服破烂不堪，只得用草绳做腰带拴起来，整天得无休止地干活，手脚都裂了口。由于衣食太坏，我们变得形容憔悴，骨瘦如柴。 སྐྲ་དང་པོ་གསེར་གཡུའི་རལ་པ་ཉིལ་ལེ་བ་ལ། ཕྱིས་སྐྱ་བོ་བསེང་བསེང་ཤིག་སྲོའི་རལ་པ་ཉིལ་ལེ་བ་བྱུང་བས། མཐོང་བ་དང་ཐོས་པའི་མི་སེམས་ཆུང་ཀུན་མཆི་མ་འཆོར་བ་དང་། ཨ་ཁུ་དང་ཨ་ནེ་ལ་ལྐོག་ལབ་དིར་རེ་བ་བྱུང་རུང་འཛེམ་མེད་བྱས། ངེད་མ་སྨད་ལ་སྡུག་པོ་རང་བཏང་བས། 想当年，我们的头上戴着黄金珠宝头饰，而今，头发蓬松，虮虱成堆。凡是看见或听见这种情况的有悲悯心的人，无不为我们掉泪。别人暗中纷纷议论叔父和姑母的不是，但是他们不理睬，仍然叫我们母子受苦。 ཨ་མས་ཨ་ནེ་ལ་ཁྱུང་ཚ་དཔལ་འགྲན་དུ་མི་འདུག་བདུད་མོ་སྟག་འགྲན་དུ་འདུག་བྱས་པས། ཨ་ནེ་ལ་བདུད་མོ་སྟག་འགྲན་དུ་མིང་ཆགས། དེ་དུས་འཇིག་རྟེན་པའི་གཏམ་དཔེ་ལ། མི་བདག་བདག་ཏུ་རེ་བདག་པོ་སྒོ་ཁྱིར་འདོན་ཟེར་བ་དེ་ངེད་མ་སྨད་ལ་བྱུང་། 母亲说姑母不是叫穹查白真，而是杜摩达真。于是，从此“杜摩达真”便成了姑母的名字。世间俗话说：“依靠外人把家管，主人反成看家犬。”这句话应验在我们这孤儿寡母身上了。 སྔར་ཡབ་མི་ལ་ཤེས་རབ་རྒྱལ་མཚན་བཞུགས་པའི་ཚེ། མི་དྲག་ཞན་ཀུན་ངེད་ཀྱི་ཞལ་འཛུམ་དཀར་ནག་ལྟ་བ་ཡིན་ཏེ། ཕྱིས་ནོར་ཡོད་རྒྱལ་པོའི་ཚུལ་དུ་སོང་ནས། ཨ་ཁུ་དང་ཨ་ནེའི་ཞལ་འཛུམ་དཀར་ནག་ལྟ་བ་བྱུང་། ཨ་མ་ལ་ཡང་མི་རྣམས་ཀྱིས་ལྐོག་ལབ་ཏུ་ཁྱོ་ཕྱུག་ཆུང་མ་གྲུང་། བལ་འཇམ་སྣམ་བུ་ལེགས་ཟེར་བ་དེ་བདེན་པར་འདུག་སྟེ། མི་གོ་ཆོད་རེ་མེད་ཙ་ན་དཔེ་འདི་དང་འདྲ། 从前，我父亲米拉喜饶坚赞在世时，无论贫富贵贱的人都看我们的脸色；后来呢，有钱便是王，人们都看叔父、姑母的面色行事了。人们在背后议论母亲说：“丈夫有钱，妻子就能干；羊毛柔软，氆氇就好看。”这话的确不错。要没有一个能干的人，家里的情况真像那样呀！ དང་པོ་མྱང་ཚ་དཀར་རྒྱན་ཁྱོ་བཟང་གིས་མགོ་འདོན་དུས། མོ་བློ་ཁོག་ཆེ་ལ་གྲུང་། ལག་བཅུད་ཆེ་ཟེར་བ་ཡོད་དེ། ད་གྲུང་ཞན་གྱིས་ཤན་ཕྱེད་ནས་གདའོ་ཟེར། སྡུག་རེས་བྱུང་ན་ལབ་རེས་ཀྱི་དཔེ་དེར། རང་ལས་ཞན་པ་ཀུན་གྱིས་རྒྱབ་ནས་འཕྱ་བ་བྱུང་། 最初，由于有精明的丈夫给她撑腰，那时，据说娘查迦坚是个有胆量、又能干、会烹饪的人；现在呢，论贤愚简直是前后判若两人了。俗话说：“倒一次霉就要受一次闲话。”真是这样。那些比我们不如的人，都在后面讥讽我们。 ང་ལ་མཛེས་སེའི་ཕ་མས་གོས་ལྷམ་སོ་མ་རེ་བྱིན་ནས། མི་ནོར་དུ་མ་སོང་ན། ནོར་མི་རྟག་རྩྭ་ཁའི་ཟིལ་པ་བྱ་བ་ཡིན་པས་ནོར་མེད་སྙམ་པ་མི་དགོས། དང་པོ་ཡབ་མེས་རྣམས་ལའང་ནོར་རྟིང་སོར་བྱུང་བ་ཡིན། ཁྱེད་རང་ཚོ་ལའང་ནོར་ཡོད་པའི་དུས་འོང་ཟེར་ནས་སེམས་གསོ་ཡང་ཡང་བཏང་། 一次，泽塞的父母给了我新衣服和鞋子，并一再安慰我说：“只要人没有差池就好，常说金钱乃无常之物，如草上露水，不用发愁无钱。过去你们祖上不也是后来才发迹的吗？你们也会有发迹的时候的！ དེ་ནས་ང་ལོ་བཅོ་ལྔ་ཙམ་ལོན་པའི་ཚེ། ཨ་མ་ལ་ཕ་མས་བྱིན་པའི་ཞིང་སྐལ་བྲེ་པེ་སྟན་ཆུང་བྱ་བ་མིང་མི་སྙན་རུང་སྟོན་ཐོག་གཞུན་པོ་འོང་བ་ཞིག་ཡོད་པ་དེ། ཞང་པོས་སོ་ནམ་བྱས་པའི་ནས་སྐྱེད་འཕེལ་དུ་ཅི་འགྲོ་བྱས་ནས་ཕག་ཏུ་སོག་གིན་ཡོད་པ་ཡང་མང་རབ་ཏུ་སོང་བ་ལ་ཤ་མང་པོ་ཉོས། ནས་དཀར་མོ་མང་པོ་ལ་ཕྱེ་བྱས། ནག་པོ་མང་པོ་ཆང་དུ་བཙོས་པས་མྱང་ཚ་དཀར་རྒྱན་མ་སྨད་ནོར་སློང་བྱེད་པ་ཡིན་པ་འདུག་ཟེར་བ་བྱུང་། 到了我十五岁那年，我母亲的娘家给她的那块名叫“哲白登穷”的陪嫁田，名字虽然不好听，但是收获却不错。舅父把他从这块地上收获的青稞，尽量拿去放债，暗暗把它积蓄起来。到了足够多时，我们买了很多肉，拿很多白青稞磨成糌粑，用黑青稞酿了酒。因此，别人都说可能娘查迦坚母子要索还财产了。 དེ་ནས་ངེད་རང་གི་ཁང་པ་ཀ་བཞི་གདུང་བརྒྱད་མ་དེར་གདན་མང་པོ་གཡར་ནས་བཏིང་སྟེ། ཨ་ཁུ་དང་ཨ་ནེས་གཙོ་བྱས་པའི་གཉེན་ཉེ་འཁོར། གྲོགས་དགའ་བཤེས་ཡུལ་མི་ཁྱིམ་མཚེས་རྣམས་དང་། ཁྱད་པར་ཡབ་མི་ལ་ཤེས་རབ་རྒྱལ་མཚན་སྐུ་གཤེགས་ཁར་ཞལ་ཆེམས་ཀྱི་ཡི་གེ་རྒྱུས་ཡོད་པ་རྣམས་བོས་ཏེ། ཨ་ཁུ་དང་ཨ་ནེ་ལ་ཤ་ཁོག་འཛུགས། གཞན་གཟུག་ཐོབ་པ་ལ་གཟུག །ལྷུ་ཐོབ་པ་ལ་ལྷུ། ཆང་དཀར་ཡོལ་གྱི་གཡང་ཚེ་དང་བཅས་པའི་སྟོན་མོ་བཟང་པོ་དྲངས་ནས། 于是，我们借了很多垫子，铺在自己的四柱八梁的房子里。然后去请以叔父和姑母为首的亲戚、朋友和乡邻，特别是把父亲米拉喜饶坚赞临终时在场、了解遗嘱情况的人一一请了来。我们把整腔肉摆在叔父和姑母面前，对其他的人，该吃块肉的摆上块肉，该吃散肉的摆上散肉。在装饰有祝福纹的瓷酒杯里斟上了酒，隆重地举办了一个宴会。 ཨ་མས་གྲལ་གྱི་དབུས་སུ་ལངས་ཏེ། འོ་ལགས་སོ། །བུ་སྐྱེས་པ་ལ་མིང་ཆང་དྲངས་པ་ལ་གཏམ་བྱ་བར་གདའ་བས། ང་ཡང་གཏམ་ཚིག་གསུམ་པ་ཞིག་གཏོང་བ་ལགས་པས། ཡབ་མི་ལ་ཤེས་རབ་རྒྱལ་མཚན་སྐུ་ཐིམ་ཁར་ཞལ་ཆེམས་གསུངས་པ་རྒྱུས་ཡོད་ཀྱི་མི་བགྲེས་པ་ཨ་ཁུ་དང་ཨ་ནེས་གཙོ་མཛད། འདིར་བཞུགས་ཀྱི་གྲལ་པ་རྣམས་སྙན་གསན་པར་ཞུ་ཞེས་བརྗོད་ནས། 席间，母亲从座中起立，对大家说道：“啊！是的，常言说，‘生孩子要取名字，敬酒要讲理由’。今天，我有三句话要说。先夫米拉喜饶坚赞去世时，立有遗嘱，以叔父和姑母为首的在座诸位长辈、亲友是知道的。请诸位再听一遍。” ཞང་པོས་ཡབ་ཀྱི་ཞལ་ཆེམས་ཀྱི་ཡེ་གེ་བཀླགས་པའི་མཐར། ཨ་མས་ཡི་གེ་འདིའི་དོན་གསུང་ངག་དང་བཅས་པ་འདིར་བཞུགས་ཀྱི་བགྲེས་པ་ཀུན་གྱི་ཐུགས་ལ་གསལ་བས་རྒྱས་པར་ཞུ་མི་དགོས་པར་གདའ། དོན་དྲིལ་བ་ལ་སྔར་ཕན་ཨ་ཁུ་དང་ཨ་ནེ་གཉིས་ཀྱིས་ངེད་མ་སྨད་གསུམ་ལ་མགོ་འདོན་ཡང་དག་མཛད་པ་ཐུགས་ལ་བཏགས། ད་ང་རང་གི་བུ་དང་། མཛེས་སེ་གཉིས་ཀས་ཁྱིམ་སོ་ཟིན་པར་འདུག་པས། ངེད་རང་གི་ནོར་བཅོལ་རྣམས་སྤྲོད་པ་དང་། མཛེས་སེ་ཡང་མནའ་མར་བསུས་ནས་ཡབ་ཀྱི་ཞལ་ཆེམས་བཞིན་ཕ་ཤུལ་བུས་འཛིན་དུ་འཇུག་པར་ཞུ་བྱས་པས། 于是，舅父便把父亲的遗嘱读了一遍。读完后，母亲说道：“这遗嘱上的意思和他临终时说的话，在座的长辈们都清楚，不用再多说了。总起来说，过去，叔父和姑母二位对于我们母子三人真诚的照顾，我们牢记在心。现在，我的儿子同泽塞二人都已到成家立业之年，请归还我们所寄存的财物。我们准备把泽塞娶过门，请按照他父亲的遗嘱，让儿子继承父亲的遗产吧！” ཨ་ཁུ་དང་ཨ་ནེ་གཉིས་ཅི་ལ་མི་འཆམ་རུང་ལྟོ་ལ་འཆམ་པ་དང་། ང་བུ་གཅིག་པོར་སོང་བ་དང་། ཨ་ཁུ་ལ་བུ་མང་པོ་ཡོད་པའི་སྟབས་ཀྱིས། ཨ་ནེ་དང་ཨ་ཁུ་གཉིས་གཅིག་ཏུ་དྲིལ་ནས་ཁྱེད་ཀྱི་ནོར་རམ་དེ་གང་ན་ཡོད་པ་ཡིན། དང་པོ་མི་ལ་ཤེས་རབ་རྒྱལ་མཚན་ཁོ་རང་ཁམས་བཟང་རིང་ལ་ཁང་ཞིང་གསེར་གཡུ་མཛོ་རྟ་གནག་ལུག་རྣམས་ངེད་ཀྱིས་གཡར་བཏང་བ། ཁོ་རང་འཆི་ཀར་ནོར་བདག་པོ་ལ་སྤྲད་པ་ཡིན། 叔父和姑母平时不和睦，但在吞食财物上却是一致的。我家只有一个儿子，叔父和姑母他们的儿女很多。叔父和姑母两人便联合起来，说道：“你们的财产？它在哪里？当初，米拉喜饶坚赞在世时，那些房屋田地、金银财帛、牛羊牲畜，都是我们借给他的。他死的时候，财产当然还给原主。 ཁྱེད་རང་དབང་བའི་ནོར་གསེར་སེ་གཅིག་གམ། ནས་འཕུལ་གང་ངམ། མར་ཉག་གཅིག་གམ། གོས་དར་རྐྱང་སྣ་གཅིག །དུད་འགྲོ་ཚེ་འཛུགས་གཅིག་ཀྱང་མིག་གིས་མ་མཐོང་བ་ལ་ད་འདི་འདྲ་ཟེར་བ། ཁྱོད་ཀྱི་ཁ་ཆེམས་ཀྱི་ཡི་གེ་སུས་བྲིས། སྡུག་སྨད་ཚོ་ལྟོགས་གྲིར་མ་བསད་པར་གསོས་པ་ངེད་རབ་ཡིན། ལར་མི་ངན་ལ་དབང་བསྐུར་ན་ཆུ་ལ་བྲེས་འཇལ་བྱེད་བྱ་བ་དེ་འདི་འདྲ་ལ་ཟེར་བ་ཡིན་ཟེར། 从未见过你们有一厘金子，一合青稞，一斤酥油，一件有色的绫罗衣物，一只羊羔。而今竟然说出这样的话来！你那遗嘱是谁给写的？养活了你们穷娘儿三个才没有被饿死，都是我们的恩德。俗话说，‘恶人得了势，水都要用升子 gai，’原来说的就是这个！” སྣ་བུས་སྟན་ལས་ཧར་ལངས་བྱས། སེ་གོལ་གཏོགས། ཐུ་བ་སྤྲུགས། རྐང་པ་བརྡབས་ནས་ནན་ཏར་མ་སོང་ན་ཁང་པ་ཡང་ངེད་དབང་བས། མ་སྨད་ཚོ་ཕྱིར་སོང་ཟེར་ཞིང་ཨ་མར་ཐལ་ལྕག་གིས་བརྡུངས། ངེད་མིང་སྲིང་གཉིས་ཕུ་དུང་གི་ལྕག་གིས་བརྡུང་། 说罢，鼻里嗤了一声，勃然离座，又是打响指，又是抖衣襟，又是顿脚。接着说道：“当心点！说真话，这房子都归我所有！你们娘儿母子给我滚出去！”说着打了母亲几耳光，又挥舞着袖子打我们兄妹俩。 དེའི་ཚེ་ཨ་མ་ནི། ཡབ་མི་ལ་ཤེས་རབ་རྒྱལ་མཚན། ངེད་མ་སྨད་ཀྱི་ལས་བསྐོས་ལ་གཟིགས་དང་། ང་ཤི་དུར་ཁུང་ནས་བལྟའོ། །གསུངས་པ་དེ་གཟིགས་པའི་དུས་ལ་བབ་གདའ་འོ་ཟེར། ངུ་ཞིང་འགྱེལ་ནས་འགྲེ་ལོག་ལོག་བྱེད་ཅིང་འདུག །ངེད་མིང་སྲིང་གཉིས་ཀྱིས་ནི་ར་མདའ་ངུ་བ་མིན་པ་མ་བྱུང་། 这时母亲放声痛哭，倒在地上打滚，口中喊道：“他爹，米拉喜饶坚赞，看看我们母子的苦难命运吧！你说你死后要从墓穴中看的，今天是你看的时候了！”我们两兄妹除了跟着母亲哭泣外，什么也不能做。 ཨ་ཞང་གིས་ནི་ཨ་ཁུ་ལ་བུ་མང་པོ་ཡོད་པས་རྒོལ་མ་ནུས། གཞན་ཡུལ་མི་ངེད་རང་ལ་དཀར་བ་རྣམས་ནི་ངེད་མ་སྨད་ཚོའི་སྙིང་རྗེ་བ་ལ་ཟེར་བ་མི་ངུ་བ་མི་འདུག །གཞན་རྣམས་ཀྱང་ཤུགས་རིང་ནར་ནར་འདུག 舅父呢，怕叔父儿子多，不敢去触犯他们。乡邻中同情我们的人，都说我们娘儿们可怜，没有不为我们流泪的。其余的人都在叹息。 །ཨ་ཁུ་དང་ཨ་ནེ་ནི་ངེད་ལ་ནོར་དགོས་ཟེར། ནོར་ཁྱེད་རང་ལ་འདུག་པ། ཡུལ་མི་ཁྱིམ་མཚེས་ལ་ཤ་ཆང་ཕངས་མེད་བཤམས་ནས་སྟོན་མོ་བཤམ་རྒྱུ་འདུག་པ། ཁྱེད་ཀྱི་ནོར་རམ་དེ་ངེད་ལ་མེད། ཡོད་ནའང་མི་གཏོང་བས་མ་སྨད་ཚོ་མང་ན་དམག་དྲོངས། ཉུང་ན་མཐུ་ཐོང་ཟེར་ཞིང་ཐོན་སོང་། དེའི་ཕྱི་བཞིན་ཁོང་ལ་དཀར་མི་རྣམས་ཀྱང་ཐོན་སོང་། 叔父和姑母反向我们说道：“哼！向我们要钱！钱，你们有嘛！你们有很丰富的酒肉摆筵席，全不吝惜地请乡邻。我们没有你们的财产！就是有，也不给你们！穷娘儿们，要是拼人多，你们可以聚集人马来打；如果人少，你施法术谋害好了！”说完便愤愤离开了。偏向他们的人也都随着他们走了。 ཨ་མ་ནི་དེ་ནས་ཀྱང་ངུ་ཐག་མ་ཆོད་པར་འདུག་པ་ལ། ཞང་པོ་དང་མཛེས་སེའི་ཕ་མིང་སོགས་ངེད་རང་གི་དཀར་མི་ཀུན་ཨ་མའི་སེམས་གསོ་ཕྱིར་བསྡད་ནས། ཆང་ལྷག་རྣམས་འཐུང་ཞིང་ཨ་མ་ལ་ད་མ་ངུ་ངུས་པས་མི་ཕན། དེ་རིང་འདིར་སྟོན་གྲལ་དུ་ཚོགས་པ་ཀུན་ལ་ནོར་སློང་རེ་གྱིས། ངེད་འདི་ན་ཡོད་པ་ཀུན་གྱིས་ཀྱང་ཅི་དྲག་རེ་སྟེར། ཨ་ཁུ་དང་ཨ་ནེ་གཉིས་ཀྱིས་ཀྱང་ཅི་དྲག་རེ་སྟེར་འོང་ཟེར་བ་ལ། 这时，母亲更是哭个不停。舅父与泽塞的父兄等同情我们的人，为了安慰我母亲，仍回原座，饮起余酒，并对母亲说道：“不用哭了，哭也无用。可以向今天席上的客人募化，我们也会资助一些的。或许叔父、姑母也会尽可能给点吧！” ཨ་ཞང་ན་རེ་དེ་ཀ་གྱིས་ལ་བུ་འདི་ཡོན་ཏན་ཞིག་སློབ་ཏུ་ཐོང་། ཁྱེད་རང་མ་སྨད་ངའི་སར་སྡོད་ལ་ཞིང་གི་སོ་ནམ་གྱིས། ཅི་ཕན་བྱེད་པ་ལས་འོས་མེད། གང་ནའང་ཨ་ཁུ་དང་ཨ་ནེ་ལ་ངོ་མི་ཚ་བ་ཞིག་བྱེད་དགོས་ཟེར་བ་ལ 舅父接着说道：“对了，就这样办！把这孩子送去学点本领，你们母女就住在我那里干点农活，尽量朝好的方面努力吧！总之，大家要争点气，别让叔父和姑母笑话！” ཨ་མ་ན་རེ་རང་གི་ནོར་ལ་དབང་རྒྱུ་མ་བྱུང་བའི་སློང་བྱས་པའི་ནོར་གྱིས་བུ་ཚ་མི་གསོས། ཨ་ཁུ་དང་ཨ་ནེས་ངེད་རང་གི་ནོར་གྱི་ཆ་གཅིག་སྤྲད་རུང་སྟེར་དགོས་མེད། བུ་འདི་ཡོན་ཏན་ཞིག་སློབ་ཏུ་ཅིས་ཀྱང་གཏོང་། 母亲说：“自己的家产，自己得不到手，靠乞讨来的钱财，养不活子女。叔父和姑母本来应该退还我们的一部分财产，不是要他们施舍。这孩子无论如何要送去学点本领。 ངེད་མ་སྨད་ཨ་ཁུ་དང་ཨ་ནེས་གཤའ་མ་རང་མ་བཅོལ་བའི་རྟིང་ལ། རྔ་གདང་རྒྱུག་དང་དུད་པ་ལང་རྒྱུག་བྱས་ནས། ཁོང་གཉིས་ཀྱི་མངོན་བློ་འཕྱར་བ་ཡིན། ཞིང་གི་སོ་ནམ་ཡང་འདི་ཀ་ནས་བྱེད་ཟེར་ནས། 叔父和姑母他们连最起码的待遇都不给我们母子，今后我们将沦为哪里有鼓声响、哪里冒炊烟就往哪里跑的讨饭乞丐。这样，他们的坏心愿就得逞了。我们母女就靠在此干农活维持生计。 就这样办吧！ རྩའི་མི་ཐོད་གད་ཁ་བྱ་བ་ན་སྔགས་རྙིང་མ་པའི་སློབ་དཔོན་ཀླུ་བརྒྱད་མཁན་གྲོང་ཆོག་ལ་ཤིན་ཏུ་བྲིན་པ་ཞིག་ཡོད་པ་དེར་ང་ཀློག་སློབ་ཏུ་བཏང་། དེ་དུས་གཉེན་རྣམས་ཀྱིས་ཀྱང་ནོར་སློང་སྣ་རེ་སྣ་གཉིས་བྱིན་འདུག །ཁྱད་པར་མཛེས་སེའི་ཕ་མས་རྒྱགས་ཆུ་སྡོར་མེ་ཤིང་ཡན་བསྐུར་ནས་ང་ཀློག་སློབ་སར་མཛེས་སེ་མོ་རང་སེམས་གསོ་ལ་ཡང་ཡང་བཏང་བྱུང་། 在江安寨一个名叫米推格喀的地方，有一位密教旧派的大师名鲁吉堪。很多人请他念经作法。母亲便打发我到那儿去学习读书识字。行前，亲戚们接济了一点点东西。尤其是泽塞的父母送了些干粮、酥油、肉类，甚至连柴都送来了。并且几次打发泽塞到私塾中来安慰我。 ཨ་ཞང་གིས་ཨ་མ་དང་སྲིང་མོ་མི་ལས་དང་སྤྲང་དུ་མི་འགྲོ་བའི་དུས་ཀྱི་ལྟོ་བྱིན། ཨ་མ་སྤྲང་དུ་ཨ་ཞང་གིས་མ་བཅུག་པར་མིའི་ལས་ཉིན་འཁལ་ཉིན་ཐགས་བྱེད་ཅིང་། ངེད་མིང་སྲིང་ལ་ཅི་ཕན་དང་ནོར་ཅི་གསོག་བྱས། སྲིང་མོས་ཅི་ལྕོགས་ཀྱིས་མི་གཡོག་དང་། རྔ་གདང་རྒྱུག་དུད་པ་ལང་རྒྱུག་བྱས་ནས་ལྟོ་གོས་ཅི་རྙེད་བྱས་རུང་། ལྟོ་སྐྱ་ལ་གོས་སྲུལ་བ་ཡིད་ཕམ་པ་ལས་སྐྱིད་པོ་རང་མ་མྱོང་གསུངས་པས། 舅父不让母亲和妹mei出外打短工和乞讨，便按时接济食粮。因为舅父不准乞讨，便让母亲整天替人纺线织布。就这样辛苦地抚育我们兄妹二人，并且尽量积攒一点钱财。我的妹mei也去给人做些力所能及的活计，所谓“哪里有鼓声响、哪里冒炊烟就往哪里跑”，尽量去寻找衣食。就这样，我们过着粗食破产的生活，心里除了感到悲哀外，没有丝毫快乐。 དེའི་ཚེ་ཆོས་ཉན་དུ་གྱུར་ཚད་ཐུགས་སྐྱོ་ཤས་དང་ངེས་འབྱུང་གི་སྒོ་ནས་མཆི་མ་འདོན་ཞིང་དར་ཅིག་ཀུན་ཁ་རོག་པར་འདུག་གོ 米拉尊者说完，凡是在会上听法的人，都生起了厌离心和出离心，流下眼泪。片刻间，大家一言不发，会场寂然无声。 །སྡུག་བསྔལ་གྱི་བདེན་པ་ཕུལ་ཕྱིན་ཐུགས་ཉམས་སུ་བཞེས་པའི་མཛད་པ་སྟེ་གཉིས་པའོ།། 亲身全面地体验到苦之真谛的大行第二章完。 |
|
