བསམ་གཞིག 思考

思考
བསམ་གཞིག  །
       居•格桑 著
        -- འཇུ་སྐལ་བཟང་།

བསམ་གཞིག་གི་མགོ་ཏོ།
བར་སྣང་ལ་མཐོ་བར་འཕྱང་།
བྱིས་དུས་ཀྱི་རིགས་ལམ་དེ་ཤ་ཐོར་རུས་ཐོར་དུ་སོང་།
འཇིག་རྟེན་མགོ་རྟིང་མ་སློག་ཀྱང་།
ཅིའི་ཕྱིར་རང་ཉིད་གནམ་ས་བླ་འོག་བསྒྱུར་བར་མི་འདོད།
ཐོགས་མེད་ཀྱི་མནོ་བསམ་ཁོ་ནས་ཀྱང་།
ལྐོག་གྱུར་གྱི་ངོ་འབག་དེ་བཤུ་བར་ཡོངས་སུ་ནུས་ལ།
དངོས་ཡོད་ཀྱི་བྲང་ཁ་དེ་དབྲལ་ཡང་ཕོད།

རླུང་ཁྲོད་ལྷབ་ལྷུབ་ཏུ་ཟགས་པའི་འདབ་ལོ་རེ་རེ།
དེ་ནི་ས་ཆེན་གྱི་ཚེ་སྲོག་ལ་བྲིས་པའི་རྫོགས་ཚིག་ཡིན།
འབྲས་བཟང་སྨིན་པའི་ནམ་ཟླ་ཅི་ལ་ཟེར།
དཔྱིད་དཔལ་གྱི་བུ་མོ་ཞེས་པ་ཡང་།
ལང་ཚོའི་མཚར་སྡུག་ལྡན་པའི་སྤྲང་མོ་ཅི་ལ་མིན།
ངོ་མཚར་བའི་མཛེས་ཉམས་ཅུང་ཞིག་ལྡན་ན་ཡང་།
ལག་ཟུང་སྟོང་པར་ཟད།
ཉིན་བྱེད་དཀྱིལ་འཁོར་ཞིག་གིས།
རབ་རིབ་ཀྱི་སྐྱ་རེངས་ཕ་མཐར་བསྐྲད་རྗེས།
ལྷན་ཅིག་རབ་ཏུ་མུན་ནག་པའི།
རིང་ཞིང་རིང་བའི་མཚན་མོ་རེ་རེ་བཞིན་འཁྲིད་ཡོང་བས།
དེ་ནས་འོད་སྣང་གི་བསླུ་བྲིད་ལ་ཡིད་ཀྱི་རྟོན་པ་ཟད།

རྩི་སྦྲང་འཕུར་བའི་ཤུལ་དུ།
དཀའ་སྤྱད་ཕུད་པའི་གཞན་པ་ཅི་ཞིག་ཡོད།
ད་བསམ་དུས།
ཕོ་རོག་གིས་རྣ་ལ་གཟན་པའི་སྐད་ཅོར་དེ་ཡང་།
དེ་ནི་རང་བཞིན་མཚོན་པའི།
སྙན་ངག་གྱེར་བ་ཡིན་པར་ངེས།

སྐྱེ་བའི་་ཐེངས་མ་ཐམས་ཅད་འཆི་བའི་བསིལ་གྲིབ་འོག་གནས་ཤིང་།  
དར་ཞིང་རྒྱས་པ་ཡོད་ཚད་རྒུད་པའི་གཡང་ཁ་ན་མཆིས་སོ།  །

ཨ་ཙི་ཙི།
མེ་ལོང་འགྱུར་བ་རེད་དམ།
ཡང་ན་གདོང་དབྱིབས་འགྱུར་བ རེད།

ལྕགས་དྲྭ་ཡི་ཁང་པ་ན།
སྟག་རྒོད་ཀྱིས་ཕྱིན་ནས་རྫོགས་མཐའ་མེད་པའི་ས་ཆ་ཡོད།
མཐའ་མེད་ཀྱི་འཇིག་རྟེན་ན།
སྦྲང་ནག་ཆུང་ཆུང་གིས་ག་ས་ག་ལ་རྡུང་།
མིའུ་ཐུང་ཞིག་གི་མཛུབ་རྩེ་ཡིས།
ས་ཆེན་འདི་ཉིད་ཡོངས་སུ་འདེགས།
རྡུལ་ཞིག་གི་སྟེང་ན།
ཀུན་ཏུ་ཕ་མེས་རྐང་གཅིག་ཅན་ལ་ཐུག་པའི་འཇིག་རྟེན་རེ་མཆིས།

མཐོ་རིས་མཆི་མ་མེད་ཅེས་ཡིད་ཆེས་མ་མཛད།
དམྱལ་ཁམས་དགོད་སྒྲ་མེད་ཅེས་ཡིད་རྟོན་མ་གནང་།
ས་འདིར་དཔའ་ངར་ཁོ་ནས་ཐམས་ཅད་ཕྱེ་ཡོད།
སྨག་མུན་གཉིས་སུ་གཤགས་པའི་ཡོལ་བ་བཞིན།
མཚན་མོའི་རླུང་ཁྲོད་ན་འཕྱོ།

ཨ་ཙི་ཙི།
མེ་ལོང་འགྱུར་བ་རེད་དམ།
ཡང་ན་གདོང་དབྱིབས་འགྱུར་བ་རེད།

思考
       居•格桑 著
        
思考的头颅，
高悬于空中，
孩童时的逻辑支离破碎，
虽不能颠倒世界；
怎不能自己来一回天翻地覆呢？
唯有流畅的思维——
也足以扒开神秘的面具，
敢于割开现实的胸脯！

那飘落于风中的一片片叶子，
是给大地生命写下的句号，
如何堪称丰收的季节——
那所谓的春姑娘！
也不就是青春靓丽的乞丐吗？
虽有一丝奇妙的秀色，
却是两手空空，
一轮太阳——
把朦胧的黎明驱逐后；
也便拖来了一个个，
漆黑的漫漫长夜，
从此对光明的诱惑失去了信任。

蜜蜂飞过之后，
除了辛勤还能有什么？
如今一想，
乌鸦那聒耳的鸣叫，
正是朗诵着——
反映本性的诗文！

一切降生的次数都存在于死亡的阴影下，
所有旺盛都憩息于衰败的崖壁。

哎呀呀！
是镜子变了？
还是脸形变了？

在铁笼的房屋中——
有着猛虎走不尽的地域，
在无际的世间，
小小苍蝇在到处相撞，
一位侏儒的指尖，
能撑起整个大地，
一粒尘埃之上，
都有一个祖先独脚人的世界！

莫要相信天堂没有泪水，
勿要坚信地狱没有歌声，
此地唯以英勇开劈的一切——
犹如黑夜截成两半的帷幔，
飘荡于夜风之中，

哎呀呀！
是镜子变了？
还是脸形变了？