轮回世间大行之部

第一章         出生   命名米拉之由来   世系来历

དེར་རས་ཆུང་པས་རྗེ་བཙུན་ལ་ཕྱག་བཙལ། སྙུན་དྲིས་ནས།
རྗེ་བཙུན་གྱི་དྲུང་དུ་པུས་མོ་བཙུགས་ཐལ་མོ་སྦྱར་ཏེ་འདི་སྐད་ཅེས་གསོལ་བ་བཏབ་བོ།
于是，热穹巴向尊者顶礼、问安，然后长跪合十禀道 ：

།བླ་མ་རྗེ་བཙུན་རིན་པོ་ཆེ་སྔར་འདས་པའི་སངས་རྒྱས་རྣམས་ཀྱིས་ཀྱང་མཛད་པ་བཅུ་གཉིས་ལ་སོགས་པའི་རྣམ་པར་ཐར་པ་བསམ་གྱིས་མི་ཁྱབ་པ་སེམས་ཅན་གྱི་དོན་དུ་གསུངས་པས་འཇིག་རྟེན་ན་སངས་རྒྱས་ཀྱི་བསྟན་པ་དར་བ་ལགས་ཤིང་།
“上师尊者大宝！过去诸佛，为利益众生 ，都曾宣说不可思议的十二大行历史，使世间佛法得以兴盛。

ཏཻ་ལོ་ནཱ་རོ་མར་པ་ལ་སོགས་ཏེ་བླ་མ་གྲུབ་ཐོབ་གོང་མ་རྣམས་ཀྱིས་ཀྱང་རང་རང་གི་རྣམ་ཐར་གསུངས་པས་ད་ལྟ་སྐལ་ལྡན་གྱི་གདུལ་བྱ་རྣམས་སྨིན་གྲོལ་གྱི་ལམ་ལ་འགོད་ནུས་པ་ལགས་ན།
德洛巴，那若巴，马尔巴诸得道祖师，都曾亲自宣说其一生事迹，所以，现在方能度诸有缘化机登上成熟解脱之道。

ད་རྗེ་བཙུན་རིན་པོ་ཆེ་ཁྱེད་ཀྱིས་ཀྱང་བདག་ཅག་བུ་སློབ་རྣམས་སྤྲོ་བ་བསྐྱེད་པ་དང་།
མ་འོངས་པའི་སྐལ་ལྡན་གདུལ་བྱར་གྱུར་པ་རྣམས་རྗེས་སུ་གཟུང་ཞིང་།
གཞན་ཡང་སྐྱེ་འགྲོ་མཐའ་དག་སྨིན་གྲོལ་ལ་འགོད་པར་བྱ་བའི་ཕྱིར་ཐུགས་བརྩེ་བ་ཆེན་པོས།
རྗེ་བཙུན་རིན་པོ་ཆེ་ཁྱེད་རང་གི་གདུང་དང་རིགས་ཀྱི་བྱུང་ཁུངས་དང་བཅས་ཏེ།
རྣམ་པར་ཐར་པ་དང་མཛད་པ་རྣམས་གསུང་དུ་གསོལ་ཞེས་གསོལ་བ་བཏབ་པས།
因此，尊者大宝，一为我等弟子们能生起欢喜心，二为摄授将来的有缘化机，三为度一切众生登上成熟解脱之道。今天，请你大发慈悲，将尊者大宝你的身世及一生事迹， 为众宣说吧！ ”

དེར་རྗེ་བཙུན་ཆེན་པོ་ཞལ་འཛུམ་པ་དང་བཅས་ཏེ། རས་ཆུང་པ་ཁོ་བོའི་ཆ་རྒྱུས་ཁྱོད་ཆེ་ནའང་།
འདྲི་ན་དྲི་བ་ལ་ལན་བཏབ་པར་བྱ་སྟེ། ངའི་རུས་ཁྱུང་པོ།
རིགས་ཇོ་སྲས། ང་རང་མི་ལ་རས་པ།
དང་པོ་ནི་ལས་ནག་པོ་ཡང་བྱས། བར་དུ་དཀར་པོ་ཡང་བྱས། ད་ལྟ་ལས་དཀར་ནག་གཉིས་ཀ་དང་བྲལ་ཞིང་།
ལས་ཀྱི་གཞི་ཟད་པས་མ་འོངས་པ་ན་བྱེད་པར་མི་འགྱུར་བ་ཞིག་ཡིན་ཅིང་།
དེ་རྣམས་རྒྱས་པར་བཤད་ན། ལ་ལ་ནི་ངུ་བྲོ།
ལ་ལ་ནི་དགོད་བྲོ་བའི་རྒྱུ་མཚན་མང་པོ་ཡོད་དེ།
བཤད་རུང་དོན་ཆུང་བས་མི་རྒན་སོས་དལ་དུ་ཉལ་དུ་ཆུག་ཅེས་གསུངས་པས།
这样请求后，尊者含笑说道：“热穹巴，我的情况你都清楚。既然问起，我就应当回答。我的先世族名琼波，种姓是觉色 ，我名米拉日巴。最初曾作过恶，后来又修过善；现在善恶两业都已超脱，造业的根子已经完结了，将来当然更不会再造任何业了。关于这方面，要是细说起来，其中既有很可泣之处，也有不少可笑之处，都有一番理由。但说这些没有多大意思，还是让我老朽安安闲闲地睡觉吧！”

ཡང་རས་ཆུང་པས་ཕྱག་བཙལ་ནས་གསོལ་བ་བཏབ་པ།
རྗེ་བཙུན་རིན་པོ་ཆེ་ལགས། ཁྱེད་ཀྱིས་དང་པོར་དཀའ་ཐུབ་དང་ཞེ་བཅད་དྲག་པོས་གདམས་ངག་ཟབ་མོ་རྣམས་ཉམས་སུ་ལེན་ཅིང་།
热穹巴又顶礼叩求道：“尊者大宝！你最初经历苦行，便痛下决心修习深奥的教授。

རྩེ་གཅིག་གི་སྒྲུབ་པ་ལྷུར་མཛད་པས་ད་ལྟ་གནས་ལུགས་མངོན་དུ་གྱུར་ཏེ།
ཆོས་རྣམས་ཟད་སར་འཁྱོལ་བས།
མ་འོངས་པ་ན་འཆིང་འགྱུར་གྱི་ལས་མི་མཛད་ཅིང་མི་མྱོང་བ་ཀུན་གྱི་མཐུན་གྲུབ་ལགས་མོད།
由于专心诚意、勤奋修行，如今已经亲证实相。到了彻悟诸法的极限地步，将来既不会造业缚，也不会受业果报应，这是大家都亲眼所见的。

གདུང་ཁྱུང་པོ། རིགས་ཇོ་སྲས།
དེ་ལ་མི་ལར་མཚན་གསོལ་བའི་རྒྱུ་མཚན་དང་།
སྐུ་འཁྲུངས་ནས་དང་པོ་ལས་ནག་པོ་མཛད་ཚུལ།
བར་དུ་དཀར་པོ་མཛད་ཚུལ་ལ་བརྟེན་ནས་ངུ་བྲོ་བ་དང་དགོད་བྲོ་བའི་རྒྱུ་མཚན་དེ་ལ་དགོས་དོན་བསམ་གྱིས་མི་ཁྱབ་པ་ཞིག་ཡོད་པ་ལགས་པས།
但是，族名为琼波，种姓为觉色，为什么命名为米拉呢？其原因安在？此外你降生后开始造过黑业，后来，又造过白业，于是产生了既有可泣、又有可笑的事来。这些情况都有极为重要的意义。

བདག་སོགས་སེམས་ཅན་ཐམས་ཅད་ལ་ཐུགས་བརྩེ་བ་ཆེན་པོས་དགོངས་ཏེ།
སྐུ་གསུང་ཐུགས་སྙོམས་ལས་སུ་མི་བཞུགས་པར་རྒྱས་པར་གསུང་དུ་གསོལ།
ཁྱེད་འདིར་འཚོགས་ཀྱི་མཆེད་ལྕམ་རྡོ་རྗེ་སྤུན་རྣམས་དང་།
དད་འདུས་ཀྱི་ཉ་མ་རྣམས་ཀྱིས་ཀྱང་ངའི་གསོལ་བ་འདེབས་པའི་གྲོགས་མཛད་པར་ཞུ་ཞེས་གསོལ་བ་བཏབ་ནས་ཕྱག་མང་དུ་བཙལ་བས།
因此，请对我等众生，发大慈悲心，身语意三密不惮烦地为我等详细介绍一番吧！诸位在会的金刚兄弟姐妹们，有信心的男女弟子们，也请一齐帮助我共同恳求上师宣说吧！”说罢，不断叩头。

དེར་ཐུགས་སྲས་བུ་ཆེན་རྣམས་དང་།
དད་ཅན་གྱི་ཉ་མ་རྣམས་ཀྱིས་ཀྱང་ཕྱག་མང་དུ་བཙལ་ནས། སྐྱེས་བུ་དམ་པ་རས་ཆུང་པས་གསོལ་བ་བཏབ་པ་བཞིན་བཀས་གནང་སྟེ།
ཆོས་ཀྱི་འཁོར་ལོ་བསྐོར་དུ་གསོལ་ཞེས་གསོལ་བ་ཡང་ཡང་བཏབ་པས། རྗེ་བཙུན་གྱི་ཞལ་ནས།
ཁྱེད་རྣམས་དེ་ཙམ་དུ་དོ་གལ་དང་ནན་ཏན་དུ་ཡང་འདྲི་ན། གསང་དགོས་མེད་པས་བཤད་པར་བྱ་སྟེ།
这时，诸心传大弟子以及信仰虔诚的男女信徒均叩头不已。大家苦苦哀求道：“请如大德热穹巴所请，赐予教诲，转大法轮吧！”尊者说道：“既然你们这样慎重其事地一再问询，我也不必隐匿，对你们说了吧！ ”

ངའི་རུས་དང་རིགས་ནི་དབུ་རུ་བྱང་ཕྱོགས་ཀྱི་འབྲོག་སྡེ་ཆེན་པོ་ཞིག་གི་ཁྲོད་ནས་རུས་ཁྱུང་པོ། རིགས་སྔགས་རྙིང་མ་པའི་བླ་མ་ཇོ་སྲས་ཞིག་གི་བུ་རྣལ་འབྱོར་པ་ཡི་དམ་གྱིས་རྗེས་སུ་བཟུང་བས་ངག་ནུས་དང་ལྡན་པ་ཞིག་རྒྱལ་ཁམས་ཀྱི་གནས་བསྐོར་བ་དང་རྟེན་མཇལ་བ་ལ་ཕྱིན་པས།
གཙང་ལ་སྟོད་བྱང་གི་ཕྱོགས་གཅུང་བ་སྤྱི་ཞེས་བྱ་བར་ཕྱག་ཕེབས་ཏེ།
我的先世是伍茹北部的一个大牧业部族之一，族名琼波。先祖是一个密教宁玛喇嘛觉色的儿子，是位瑜伽行者。由于本尊的摄授，得到语密法力 的成就；也曾去各地朝山谒圣，周游到了后藏拉堆绛所属名叫窘巴基的地方。

ཡུལ་དེར་འདྲེ་གདོན་འདུལ་བ་དང་།
བྱིན་རླབས་བྱས་པས་ནུས་པ་དང་ལྡན་ཕྱིར་ཕན་པ་ཤིན་ཏུ་མང་བར་བྱུང་ནས་གདུལ་བྱ་དང་ཕྲིན་ལས་ཆེ་བར་འབྱུང་སྟེ།
མཚན་ཁྱུང་པོ་ཇོ་སྲས་སུ་གསོལ་ནས་ལོ་འགའ་བཞུགས་པས།
ཡུལ་དེར་ནད་གདོན་སོགས་རྐྱེན་ཅི་བྱུང་ཡང་གདན་འདྲེན་པ་ཞིག་ཡོད་པ་ལས།
他在那里收服加持鬼魅。因为法力高，收效极大，有了很多信徒，法缘十分兴旺，人们遂叫他做琼波觉色。在那里住了好几年，地方上凡有什么病患和鬼祟灾害都要去请他。

ནམ་ཞིག་གི་ཚེ་ཡུལ་དེ་ན་སྔར་ཇོ་སྲས་ཀྱི་ཕྱོགས་སུ་འོང་ཡེ་མ་ནུས་པའི་གདོན་གཞན་སུ་གང་གིས་ཀྱང་མི་ཐུབ་པའི་འཇིགས་སུ་རུང་བ་ཞིག་ཡོད་པ་དེ། ཇོ་སྲས་ལ་ཤིན་ཏུ་མི་དད་པའི་མི་ཚང་ཞིག་ལ་ཞུགས་ནས་གནོད་དུ་བྱུང་བ་ལ།
བླ་མ་གཞན་གདན་དྲངས་ནས་དྲག་འདུལ་དང་བྱིན་རླབས་བྱས་པས། གདོན་དེས་ཚུར་ཅོལ་ལོ་དང་བཞད་གད་སུན་འབྱིན་བྱས་ནས་ཕན་པ་མ་བྱུང་བའི་ཚེ།
当时，那里有一个鬼，他虽然不敢到觉色面前来，但是别人却不敢冒犯他。这个鬼魅很坏，叫人害怕。有一家人不信觉色，那鬼魅便到他家作祟。那家人请别的喇嘛来收妖除害，结果反被鬼魅作弄和嘲笑。人们对他毫无办法。

དད་ལོག་ཅན་གྱི་མི་དེ་ལ་ཉེ་དུ་ཞིག་གིས།
གདོན་གྱི་ཕག་ཏུ་ཁྱུང་པོ་ཇོ་སྲས་གདན་འདྲེན་པའི་གྲོས་བཏབ་པས།
ཁོ་ན་རེ་རྨ་ལ་ཕན་ན་ཁྱིའི་ཚིལ་ནའང་ཚིལ་གྱིས་བོས་ཤིག་ཅེས་ཟེར་སྐད། དེར་མི་དེས་ཇོ་སྲས་གདན་དྲངས་པས།
这信邪道的人家有一亲戚，背着鬼魅悄悄商量，劝他们请琼波觉色来。那人说道：“俗话说，只要医得好疮，即使狗油也不妨一试。快去请吧！”于是，这家人便把觉色请来。

གདོན་གྱི་སར་ཕེབས་སུ་འཆའ་བ་དང་། ཇོ་སྲས་ང་རྒྱལ་ལངས་ཏེ། གསུང་ཆེན་པོས་ང་ཁྱུང་པོ་ཇོ་སྲས་འོང་གིན་ཡོད་དོ།
།གདོན་བགེགས་རྣམས་ཀྱི་ཤ་ཟ་ཁྲག་འཐུང་བ་ཡིན་པས་སྡོད་ཨང་གསུང་ཞིང་མྱུར་དུ་བྱོན་པས། ཇོ་སྲས་རྩར་མར་ཕེབས་པ་ལ་གདོན་དེ་འཇིགས་ཤིང་སྐྲག་སྟེ་ཧ་ལས་ནས།
ཕ་ཕ་མི་ལ་མི་ལ་ཞེས་ཡང་ཡང་ཟེར་ཞིང་འཇིགས་པའི་སྐད་དུ་མ་ཤོར། ཇོ་སྲས་རྩར་ཕེབས་པ་དང་།
མི་ཁྱེད་འོང་སར་ངས་འོངས་པ་མེད་པས་བདག་ལ་སྲོག་སྩོལ་ཅིག་ཟེར། ཇོ་སྲས་ཀྱིས་ཀྱང་གདོན་དེ་ལ་ཕྱིས་སུ་ལའང་མི་གནོད་པའི་མནའ་བླངས་ཏེ་བཏང་བས།
觉色刚走到鬼魅的盘踞处，抖擞精神，大声喊道：“我琼波觉色来了，要吃鬼肉，喝鬼血，瞧着吧！”说着大步上前。没等他走近鬼魅跟前，那鬼魅已吓得惊魂不定，口中乱叫：“怕、怕、米拉、米拉！”等觉色到跟前，那鬼魅便哀求道：“你所到处，我并未敢来冒犯，请饶命吧！”觉色遂叫这鬼魅发誓，从此不再害人，然后才放了他。

གདོན་དེ་རང་བསྟེན་པའི་མི་ཚང་ཞིག་ལ་བབས་ནས།
ཡང་མི་ལ་མི་ལ་ད་ལན་པས་སྡུག་པ་དང་ཉེན་པ་མ་བྱུང་ཟེར་ཞིང་འདུག་པ་ལ།
མི་ཚང་དེ་རྣམས་ཀྱིས་མི་སུ་བྱུང་བྱས་པས། ཁྱུང་པོ་ཇོ་སྲས་བྱུང་ནས་སྲོག་ལ་བབ་པའི་སྡུག་བཏང་།
མནའ་ཤོར་ཟེར་སོང་སྐད།
据说这鬼魅又回平日供祀他的那户人家去，口里还一个劲儿地嚷着：“米拉、米拉，没有比这回再厉害再危险的了！”这家人问道：“谁来了？”答道：“琼波觉色来了，害得我几乎丢了命，逼着我起了誓。

དེ་ནས་ཇོ་སྲས་ཀྱི་ཡོན་ཏན་དང་ཆེ་བ་བརྗོད་པའི་ཆེད་དུ།
མི་ཀུན་གྱིས་ཇོ་སྲས་ལ་མི་ལ་ཞེས་བརྗོད་པས་གདུང་གི་མཚན་ལ་མི་ལ་ཞེས་གྲགས་སོ།
从此，人们为了颂扬觉色的功德，大家都称觉色为“米拉”。久而久之，“米拉”便成了家族的名称。

།གདོན་དེ་ཡང་ཕྱིས་གནོད་པ་ཡེ་མ་བྱུང་བས་ཚེ་འཕོས་པར་ཀུན་ཁ་འཆམ་མོ།
人们还一致传说，那鬼魅从那以后再也不敢作祟害人，后来竟自投生去了。

།དེ་ནས་ཁྱུང་པོ་ཇོ་སྲས་ཀྱིས་ཡུམ་ཁབ་ཏུ་བཞེས་པས་སྲས་གཅིག་བྱུང་།
དེ་ལ་སྲས་གཉིས་བྱུང་བའི་ཆེ་བ་ལ་མི་ལ་མདོ་སྟོན་སེང་གེར་གྲགས།
དེ་ལ་སྲས་མི་ལ་རྡོ་རྗེ་སེང་གེ་ཞེས་བྱ་བ་ཞིག་བྱུང་སྟེ།
ཕྱིས་དེའི་བརྒྱུད་པ་རྣམས་ལ་སྲས་རེ་རེ་ཡོད་པ་ཞིག་བྱུང་།
此后，琼波觉色娶妻生了一子。其子生了二子，长子名叫米拉多敦森格。多敦森格也生了一子，名叫米拉多吉森格。以后，一脉单传，每代都只有一个儿子。

མི་ལ་རྡོ་རྗེ་སེང་གེ་དེ་ཤོ་ལ་ཤིན་ཏུ་བརྩི་ཞིང་མཁས་པས་རྒྱལ་མང་པོ་ཐོབ་འོང་ཞིང་ཡོད་པ་ལས།
དུས་ནམ་ཞིག་གི་ཚེ་ཡུལ་དེ་ན་མི་གཡོན་ཅན་ཤོ་ལ་ཤིན་ཏུ་མཁས་པ་ཕ་ཚན་རགས་ལ་མང་བ་ཞིག་ཡོད་པ་དེས་མི་ལ་རྡོ་རྗེ་སེང་གེའི་ཚོད་བགམ་པའི་ཕྱིར་རྒྱལ་ཆུང་ངུ་བཙུགས་ཏེ་ཤོ་བརྩེས་པས་ཚོད་ལོངས་ཏེ།
米拉多吉森格喜欢赌博，也善赌博，赢了很多钱财。有一次，这地方的一个狡诈的人也很会赌博，他们家族人多势众。他为了试探米拉多吉森格的赌技，先下很小的赌注，赌了一回，摸清了米拉的底细。

དེའི་ཉིན་ཁོས་རྒྱལ་རང་བཞིན་གྱིས་ཐོབ་པ་ལྟར་བྱས་པས། མི་ལ་རྡོ་རྗེ་སེང་གེ་ཡི་མ་རངས་ཏེ་ནང་པར་ཤོ་ལན་ལེན་བྱས་པས་རུང་ཟེར།
རྒྱལ་སྔར་བས་ཆེ་བ་བཙུགས་ཏེ་ཤོ་རྒྱབ་པས་ཁ་དྲང་ཕྱིར་ཁོས་ལན་གསུམ་གྱི་བར་དུ་ཕམ་པ་ལྟར་བྱས་པའི་མཐར།
ང་ཡང་ཤོ་ལན་ལེན་ཟེར་བས་རུང་ཟེར།
那天，他装着是自然地赌赢的样子，米拉多吉森格不服气，想捞梢，约他明天再赌一次。对方回答：“可以”。次日，果然赌注下得更大。这个赌徒想引他人彀，故意连输三次， 并说：“明天捞梢， 再赌！ ” 他回答：“可以！”

རྒྱལ་ཆེ་ཆུང་ལ་གཉིས་ཀ་ཁ་འཆམས་ནས་ཞིང་ཁང་ནོར་གསུམ་ཤོའི་རྒྱལ་དུ་བཙུགས།
ཞུ་འཆག་མེད་པར་འབའ་ཡི་གེས་བསྡམས་ནས་ཤོ་བརྩེས་པས་ཁོས་ཐོབ་སྟེ་ཞིང་ཁང་ནོར་གསུམ་ཁོའི་ཕ་ཚན་རྣམས་ཀྱིས་རྩིས་བླངས་ནས་མི་ལ་ཡབ་སྲས་ཡུལ་གཞིས་ཀུན་དང་བྲལ་ནས་ཡུལ་ཐོན་བྱོན་ཏེ།
次日， 两人议定赌注大小，以田地、房屋、财产等作赌注。恐怕反悔，便先立约为凭。结果，赌徒赢了。于是对方的族人将米拉的家产、田地、房屋都接收过去了。米拉父子输掉了房屋田产，只好离乡外流。

མང་ཡུལ་གུང་ཐང་གི་སྐྱ་རྔ་རྩ་ཞེས་བྱ་བར་ཕྱག་ཕེབས་ནས་གཞི་བཅས་ཏེ།
ཡབ་མདོ་སྟོན་སེང་གེས་ཡུལ་པ་རྣམས་ཀྱི་ཀློག་སྒྲོགས།
གཏོར་མ། སེར་བསྲུངས།
སྲིའུ་གསོ་བ་ལ་སོགས་གྲོང་ཆོག་རྒྱུགས་པས་ཤིན་ཏུ་བྲིན་པར་བྱུང་བའི་ཡོན་དང་།
他们到了芒域贡塘的江安寨地方才定居下来。父亲多敦森格到民家赶经忏道场，为乡人念经，作施食、防雹、保小儿的关煞等事。佛运亨通，得到不少报酬。

སྲས་རྡོ་རྗེ་སེང་གེས་ཚོང་ཆེ་བ་ལ་དགུན་ལྷོ་བལ་བླན། དབྱར་བྱང་འབྲོག་བླན། ཆུང་བ་ལ་མང་ཡུལ་དང་གུང་ཐང་གི་བར་བླན་པས།
ཡབ་སྲས་གཉིས་ཀྱིས་ནོར་མང་པོ་བསོགས།
儿子多吉森格经营商业，做大买卖时，冬天去南方的尼泊尔，夏天则到北方的大牧场；做小买卖时，只在芒域与贡塘之间活动。父子二人积蓄了很多钱
财。

དེའི་ཚེ་ཡུལ་པའི་གཅེས་ཕྲུག་མ་ཞིག་དང་སྲས་རྡོ་རྗེ་སེང་གེ་གཉིས་དགའ་འདུས་ཀྱི་བཟའ་མིར་སོང་།
དེ་གཉིས་ལ་སྲས་གཅིག་འཁྲུངས་པ་ལ་མི་ལ་ཤེས་རབ་རྒྱལ་མཚན་དུ་མཚན་གསོལ་ནས་བསྐྱེད་བསྲིང་ཞིང་ཡོད་པའི་ཚེ།
མེས་པོ་མདོ་སྟོན་སེང་གེ་སྐུ་ཡལ་བའི་གཤེགས་རྫོངས་རྒྱས་པར་བྱས་རྟིང་། མི་ལ་རྡོ་རྗེ་སེང་གེ་ཚོང་གི་སྒོ་ནས་ནོར་སྤེལ་བས་སྔར་བས་ཀྱང་ཕྱུག་པར་གྱུར་ཏེ།
这时，有一个当地人的娇生爱女与多吉森格很好，二人遂结为夫妇，生下一子，取名米拉喜饶坚赞。当他成长时，祖父多敦森格亡故了，隆重地办了丧事。米拉多吉森格靠经商发了财，比以前更加富裕。

རྩའི་ཉེ་འཁོར་ན་འོར་མ་ཞེས་བྱ་བའི་ཡུལ་མི་ཞིག་ལ་རྩ་ན་ཞིང་དགའ་མོ་གྲུ་གསུམ་པ་ཞིག་ཡོད་པ་དེ།
གསེར་དང་ལྷོ་བྱང་གི་རྫས་མང་པོ་བཅལ་ཏེ་ཉོས་པ་ལ་འོར་མ་གྲུ་གསུམ་དུ་གྲགས།
ཞིང་དེའི་འགྲམ་ན་གནས་ཚང་དབང་བའི་ཁང་རོ་ཞིག་འདུག་པ་དེ་ཡང་ཉོས་ནས་མཁར་ལས་ཀྱི་འགྲམ་བཏིང་སྟེ་མཁར་ལས་བྱེད་བཞིན་པའི་ངང་ནས།
当地附近有一个名叫俄玛的人，在江安寨有一块肥沃的三角形地。米拉家便用黄金和从南北两地贩来的很多货物同他调换。买到手后，改名为“俄玛三角地”。地的附近有俄玛家的一幢破旧房子，也买了过来修成楼房。打好地基后，便开始修建。

མི་ལ་ཤེས་རབ་རྒྱལ་མཚན་ལོ་ཉི་ཤུ་ལོན་པ་དང་།
རྩའི་མི་དྲག་རེར་གྱུར་པ་རུས་མྱང་ཡིན་པ་ཞིག་ལ། དཀར་མོ་རྒྱན་ཞེས་བྱ་བའི་བུ་མོ་གཟུགས་མཛེས་ལ་མི་ཆོས་ཕེར་བ།
དགྲ་གཉེན་གང་ལའང་ཆགས་སྡང་གི་རུས་ཐོན་པ་ཞིག་ཡོད་པ་དེ་བག་མར་བླངས་ཏེ་མྱང་ཚ་དཀར་རྒྱན་དུ་གྲགས་སོ།
这时，米拉喜饶坚赞已经二十岁了。在江安寨有一户族名叫“娘”的富裕人家，这家有一女名为迦摩坚。生得美丽端庄，精明能干，恩怨分明，又很富有感情。他便娶她为妻，后取名娘查迦坚。

།དེ་ནས་མཁར་ལས་ཀྱི་འཕྲོ་མཐུད།
སུམ་ཐོག་གི་སྟེང་ཁང་དུ་ལག་མཛོད་དང་གཡོས་ཁང་ཟུར་ན་ཡོད་པའི་ཚོམས་ཀ་བཞི་གདུང་བརྒྱད་ཡོད་པའི་ཁང་པ་སྐྱ་རྔ་རྩ་ན་དགའ་བ་ཞིག་བརྩིགས་པ་ལ་ཀ་བཞི་གདུང་བརྒྱད་དུ་གྲགས་ཏེ།
དེ་ན་བདེ་སྐྱིད་སྙན་གྲགས་དང་བཅས་ཏེ་གནས་སོ།
接着，他们又继续修建楼房。这房屋的三层楼上有四柱八梁的厅堂，侧面有储藏室和厨房。这房子在江安寨地方算是很不错的了，因此就名为“四柱八梁”。这时，他们生活很优裕，名声很大。

།དེ་ནས་གཅུང་དུ་མི་ལ་མདོ་སྟོན་སེང་གེ་ཡབ་སྲས་ཀྱི་སྙན་གྲགས་ཉེ་གྲོགས་རྣམས་ཀྱིས་ཐོས་པ་ལས། མི་ལ་རྡོ་རྗེས་སེང་གེའི་ཕ་སྤུན་གྱི་བུ་གཡུང་དྲུང་རྒྱལ་མཚན་ཞེས་བྱ་བ་བུ་སྨད་དང་སྲིང་མོ་ཁྱུང་ཚ་དཔལ་འགྲན་དང་བཅས་པ་ཡང་ཡུལ་ཐོན་ནས་སྐྱ་རྔ་རྩ་རུ་སླེབ་བྱུང་བ་ལ། མི་ལ་རྡོ་རྗེ་སེང་གེ་གཉེན་སྲེད་ཆེ་བས་དགའ་ཚོར་ཆེན་པོ་བྱུང་སྟེ།
སྣ་ལེན་དང་སྣ་རྟེན་བྱས་གཞི་ཆགས་པ་ལ་ཚོང་གི་བྱེད་ལུགས་རྣམས་བསླབས་ཏེ་ཚོང་བྱས་པ་ལས།
ཁོང་རྣམས་ཀྱིས་ཀྱང་ནོར་མང་དུ་བསོགས་སོ།
米拉多敦森格父子的名声传到了窘巴基的亲友耳中。米拉多吉森格叔父的儿子叫雍中坚赞的，便带着妻小及妹子穹查白真离开当地来到江安寨。米拉多吉森格一向热情好客，见他们到来，非常高兴。为了使他们能在此安居下来，便教会他们经营商业。因而他们也积蓄了一笔财产。

།དེ་ནས་སྐབས་ཤིག་གི་ཚེ། མྱང་ཚ་དཀར་རྒྱན་སྦྲུམ་དང་ལྡན་པར་གྱུར་ནས། མི་ལ་ཤེས་རབ་རྒྱལ་མཚན་ལྷོ་རྫས་མང་པོ་ཁྱེར་ཏེ། བྱང་སྟག་རྩེའི་ཕྱོགས་སུ་ཚོང་ལ་སོང་ནས་ཡུན་རིང་འགོར་བའི་ཚེ།
不久，娘查迦坚有了身孕，正巧米拉喜饶坚赞运了很多南方货物去绛达孜贩卖，耽搁了很久。

ཆུ་ཕོ་འབྲུག་གི་ལོ་སྟོན་ཟླ་ར་བའི་ཉེར་ལྔ་སྐར་མ་རྒྱལ་ལ་བབ་པའི་ཉིན་ཨ་མ་ལ་ང་སྐྱེས་པས་ཡབ་ཀྱི་སར་བང་ཆེན་བརྫངས་ཏེ།
འདིར་སྟོན་ལས་ཀྱང་ཐུག་ང་ལ་བུ་ཞིག་ཀྱང་སྐྱེས་པས།
བུ་ལ་མིང་འདོགས་པ་དང་མིང་སྟོན་བྱེད་པ་ལ་མྱུར་དུ་ཤོག་བྱ་བའི་ཡི་གེ་བསྐུར་བ་བང་ཆེན་པས་ཀྱང་ཡབ་ལ་སྤྲད།
ལོ་རྒྱུས་རྣམས་བརྗོད་པས། ཡབ་ཤིན་ཏུ་མཉེས་ཏེ། འོ་ལགས་སོ་ངའི་བུ་ལ་མིང་བཏགས་ཚར།
ངེད་ཀྱི་བརྒྱུད་པ་འདི་ལ་བུ་རེ་རེ་ལས་མི་འོང་བ་ཡིན་པས།
ད་ལན་བུར་སྐྱེས་ཡོད་འདུག་པ་དེ། ཐོས་པའི་གཏམ་ལ་དགའ་བ་ཞིག་བྱུང་བས་ངའི་བུའི་མིང་ལ་ཐོས་པ་དགའ་ཟེར།
ད་ཚོང་རྣམས་ཀྱང་ཚར་བས་འགྲོ་ཟེར་ནས་ཡུལ་དུ་བྱོན།
在壬辰年孟秋月二十五日，鬼星值宿，母亲生下了我，派人给父亲报信说：“秋收已到，我已生孩子了。为了给儿子取名字和举办汤饼筵，你快回来吧！”报信的人见到父亲，交了书信，谈了家中情况。父亲很高兴，他说：“啊！好呀，我儿子的名字已经取好了。我们这一脉，总是独子单传。现在生了儿子，听到这个消息，就会叫人喜欢。孩子的名字，就叫闻喜好了。目前，我的买卖已经完毕，可以回去了。”于是，回了家。

ངའི་མིང་ཐོས་པ་དགའ་རང་དུ་བཏགས།
མིང་སྟོན་བཟང་པོ་བྱས་ནས་གཅེས་པར་བསྐྱེད་བསྲིངས།
ཕྱིས་ང་ལ་སྐད་སྙན་པོ་ཐོས་ཚད་སེམས་དགའ་བ་ཞིག་བྱུང་བས། མི་རྣམས་ཀྱིས་ཐོས་པ་དགའ་དེ་མིང་བཏགས་ལེགས་ཤིག་བྱུང་འདུག་ཟེར་བ་བྱུང་།
དེ་ནས་ང་ལོ་བཞི་ལོན་པའི་ཚེ། ཨ་མ་ལ་བུ་མོ་ཞིག་སྐྱེས་པ་མགོན་མོ་སྐྱིད་དུ་མིང་བཏགས།
གཅེས་མིང་པེ་ཏར་ཆགས་པས་པེ་ཏ་མགོན་སྐྱིད་དུ་གྲགས་ཏེ།
这样，我的名字就取为闻喜了。办了热闹的命名筵席，父母很慈爱地抚育我成长。我的声音很好听，听过的人都很喜欢，大家都说闻喜这个名字取得很好。我到四岁的时候，母亲又生了一个女儿，取名衮摩姬，小名白达，因此都叫她为白达衮姬。

ངེད་མིང་སྲིང་གཉིས་ཀ་ལ་གསེར་རལ་དང་གཡུ་རལ་ཉིལ་ལེ་བ་ཡོད་པ་དྲན།
ཡུལ་ནའང་ཁ་དྲག་ཅིང་དབང་བཙན་པས་ཡུལ་མི་དྲག་པ་རྣམས་དང་གཉེན་སྡེབ།
ཞན་པ་རྣམས་འབངས་སུ་ཁོལ་བས་ཆོག་པ་བྱུང་བའི་ཚེ།
记得我们兄妹年幼时，佩戴有许多金玉首饰。我家是地方上又有声望、又有势力的人家，自然，我家也与本地有声望的人结为亲好；贫穷无势的人，则只能供我家役使。

ཡུལ་མི་རྣམས་ཀྱི་ལྐོག་ལབ་ལ་འཁྱམ་པོ་ཡུལ་དུ་ཆགས་པ་ལ་འདི་ཚོ་བས་ཕོ་རྒོད་པ་དང་ནོར་ཆེ་བ་མི་འོང་།
ཕྱིའི་ཁང་ཞིང་ནང་གི་རྡིག །ཕོ་མོའི་རྒྱན་གང་ལ་བལྟས་རུང་ཆོག་པར་འདུག་ཟེར།
ཀུན་སྨོན་དི་རེ་བའི་ངང་ནས་མི་ལ་རྡོ་རྗེ་སེང་གེ་སྐུ་གཤེགས་ཏེ།
ཐུགས་དགོངས་རྫོགས་ཐབས་རྣམས་རྒྱས་པར་བསྒྲུབས་པ་ཡིན་གསུངས།
那时，乡中的人私下议论说：“流浪汉能够有这样发迹发家，体面气派，可能只有他们这一家了。看他们外面的房屋田地，里面的家具陈设，男女的穿着打扮，都是很不错的。”就在大家交口称赞、羡慕不已、闹嚷不休的时候，米拉多吉森格逝世了。丧事办得十分隆重

སྐུ་བལྟམས་པའི་མཛད་པ་སྟེ་དང་པོའོ།།
༈
尊者出生的大行第一章完。

太好了！我正想学呢，希望继续连载全本。感恩！