まじゅん清ら沖縄口書ち遊ばびら！
（まじゅん ちゅら うちなーぐち かちあしばびら） 昨日や、県人会ぬ集まいやいびーたん。 （ちぬーや、ちんじんくゎい ぬ あちまい やいびたーん） 十人余い来ょーてぃ、初みー「あしびなー」踊いぬエイサー習ーしやいびーたん。 （じゅうにん あまい ちょーてぃ、はじみー「あしびなー」うどぅいぬ エイサー ならーし やいびーたん） わんねー、太鼓打ちゅしが不得手やいびーくとぅ、エイサー習ーしんかいや入りやびらんたん。 （わんねー、てーく うちゅし が ふいーてぃ やいびーくとぅ、エイサー ならーし んかいや いりやびらんたん） 後から、「汗水節」ぬ踊い習ーしやいびーたん。四人ぬ男、会ぬ年功積んだる先生ぬ教いぬ如、ビデオ見じよーんなー習いびーたん。 （あとぅから、「あしみじぶし」ぬうどぅい ならーし やいびーたん。ゆったい ぬ うぃきが、くゎい ぬ にんくー ちんだる しんしー ぬ うしい ぬ ぐとぅ、ビデオ ん－じ よーんなー ならいびーたん） 四月ぬ正月御祝ぇーまでぃ、なー六回習ーしする積むいやいびーん。 （しんぐゎち ぬ そーぐゎち ういうぇー までぃ、なー むけーん ならーし する ちむい やいびーん） あとー、女んちゃーぬ「かぎやで風節」ぬ習ーし。「新玉の年に」んでぃる言葉し、誠正月らーさいびーんやー。 （あとー、うぃなぐ んちゃー ぬ 「かじゃでぃふーぶし」 ぬ ならーし、「あらたまぬとぅしに」 んでぃる くとぅばし、まくとぅ そーぐゎち らーさいびーんやー） なーふぃん気張てぃ習ーびーさ。 （なーふぃんちばてぃならーびーさ） うーふー、琉歌一ち詠まびーたん。御見掛きてぃ呉みそーれー。 （うーふー、るーか てぃーち ゆまびーたん。うみかきてぃ くぃみそーれー） 明き真年なれば （あきまどぅしなりば） 鍬高く上ぎてぃ （くぇーたかくあぎてぃ） 黄金種蒔ちゅい （くがにさにまちゅい） 果報待ちゅさ （がふーまちゅさ） 御総様、まじゅん琉歌詠まびら！ （ぐすーよー、まじゅん るーか ゆまびら） |
まじゅん清ら沖縄口書ち遊ばびら！
（まじゅん ちゅら うちなーぐち かちあしばびら） やっとぅかっとぅ、雪解けやいびーたん！ （やっとぅかっとぅ、ゆちどけ や いびーたん） 今日や、五十度なてぃ、昨日見えーたる雪や今日てーげー無ん成とーいびーん。 （ちゅーや、ぐんじゅーど になてぃ、ちぬー みえーたる ゆちや ちゅー てーげー ねーんなとーいびーん） 足擦らー毛や淡ー見えーてぃ、冬ぬ雪や次第に消えー行ちゃいびーん。 （あしじらーもー や いふぇーみえーてぃ、ふゆ ぬ ゆち や しでーに きえーいちゅいびーん） なー、春や参ーりやびーん。 （なー、はる や めーりやびーん） うーふー、琉歌一ち詠まびーたん。御見掛きてぃ呉みそーれー。 （うーふー、るーか てぃーち ゆまびーたん。うみかきてぃ くぃみそーれー） 白雪や解けてぃ （しらゆちやとけてぃ） 春風ぬ吹けば （はるかじぬふけば） 肝花や咲かち （ちむはなやさかち） 招く世果報 （まにくゆがふ） 御総様、まじゅん琉歌詠まびら！ （ぐすーよー、まじゅん るーか ゆまびら） |
まじゅん清ら沖縄口書ち遊ばびら！
（まじゅん ちゅら うちなーぐち かちあしばびら） 昨日や、沖縄人会ぬ集まいやいびーたん。 （ちぬーや、うちなーんちゅくゎい ぬ あちまい やいびーたん） 皆抜合しいさーに、色数ぬ食ぇー物頂がびたん。 （んな ぬちゃあしい さーに、いるかじ ぬ くぇーむん うさがびたん） ラフテー、タコライス、ソーキ汁、鬼餅、砂糖油揚ぎーんでー活計さびたん。我達家や、胡麻団子持っち参ーびたん。 （らふてー、タコライス、そーきじる、むーちー、さーたーあんだぎー んでー くゎっちーさびたん。わったーやーや、うぐまだーぐ むっちちゃーびたん） 唐船ドーイ、ヒヤミカチ節、ハイサイおじさんんでーぬ唄ぬ中、皆ゆんたくさーに、面白さる一日過ぐさびたん。 （とーしんどーい、ヒヤミカチぶし、ハイサイおじさん んでーぬ うた ぬ なーか、んな ゆんたく さーに、うむっさる いちにち すぐさびたん） うーふー、琉歌一ち詠まびーたん。御見掛きてぃ呉みそーれー。 （うーふー、るーか てぃーち ゆまびーたん。うみかきてぃ くぃみそーれー） ゆんたくぬ花や （ゆんたくぬはなや） 太陽ぬ入るるまでぃ （てぃだぬいるるまでぃ） 忘てぃ時行きば （わしてぃとぅちゆきば） 御無礼さびら （ぐぶりーさびら） |
やっとぅかっとぅ、昨日、四年ぬ掟学校ぬ末ぬ科、受きやびたん。
（やっとぅかっとぅ、ちぬー、ゆとぅ ぬ うちてぃがっこー ぬ しー ぬ こー、うきやびたん） いふぃー難さびたんやしが、三月中頃に掟博士号取い成いる筈やいびーん。 （いふぃー むちかさびたん やしが、さんがち なかぐるに うちてぃはかしごー とぅいないる はじ やいびーん） 次ねー、やがてぃ、「再科」やいびーん。再科んかい通ーれー、アミリカぬ弁護士成いびーん。 （ちじねー、やがてぃ、「せーこー」やいびーん。せーこー んかい とぅーれー、アミリカぬびんぐし ないびーん） くりや、誠に難儀やいびーん。 （くりや、まくとぅに なんじ やいびーん） あんすくとぅ、我んねー、今から気張てぃ、七月ぬ再科受きやびーん。 （あんすくとぅ、わんねー、なまからちばてぃ、しちぐゎちぬせーこーうきやびーん） 再科ぬ後、三月待っち、十月に通おたーが落てぃたーが分かいびーん。 （せーこーぬあとぅ、みちち まっち、じゅうぐゎちに とぅおたーが うてぃたーが かわいびーん） 我んが通ーいるぐとぅ、肝心から願とーいびーん。 （わんが とぅーいる ぐとぅ、ちむぐくるから にがとーいびーん） あんしぇー、くぬ「声同フォーラム」から、一時離りてぃ、命限り気張らんねーならびらん。 （あんしぇー、くぬ「しーどぅーフォーラム」から、いちゅた はなりてぃ、ぬちかじり ちばらんねーならびらん） 我んねー、生き身とぅ共み一番大切な科やいびーんやー。 （わんねー、いちみとぅとぅみ いちばん てーしちなこー やーびーんやー） うーふー、琉歌一ち詠まびーたん。御見掛きてぃ呉みそーれー。 （うーふー、るーか てぃーち ゆまびーたん。うみかきてぃ くぃみそーれー） 肝や騒じてぃん（ちむやさわじてぃん） くくるざし深さ（くくるざしふかさ） 掟うふみちに（うちてぃうふみちに） 花咲かしぇー（はなさかしぇー） |
大bigggggg：気張りよー！回到原帖にふぇーでーびる！気張いびーん。 大Biggggさんは今年日本語N1に挑戦していますか？実は、私は日本語を基礎からきちんと習ったことがありません。読むことはあまり難しくないのですが、話すこと、聞くこと、書くことはまだあまり上手ではありません。特に沖縄語を勉強しているときに、いろいろな資料を調べるのですが、簡単そうに見える日本語の文法や言葉でも、はっきり分からないことがあります。また、何度も読み返して、やっとだいたい分かることも多いのですが、それでもまだ自信がありません。。。そのため、沖縄語の勉強にも少し支障があると感じています。このまま中途半端なままではよくないと思いました。だから今年は、基礎をもう一度しっかり勉強するために、N5からやり直したいと思っています。 |
くねーだんし、中部ぬセントルイスんかい旅さびたん。
くねーだんし、ちゅーぶ ぬ セントルイス んかい たび さびたん。 車っし四時間あたい、道中をぅてぃ色々な所見ーちぇーびたん。 くるまっし ゆじかん あたい、みちなか をぅてい いるいるな とぅくる んーちぇーびたん。 セントルイスをぅてー、大さる「ゲートウェイ・アーチ」見物っし、元々やただぬ遊び所とぅ思てぃをぅたしが、本当や地ぬ下んかい上等る博物館ぬあてぃ、歴史ん多く習てぃびたん。 セントルイス をぅてー、まぎさる 「ゲートウェイ・アーチ」 ちんぶちっし、むとぅむとぅ や ただ ぬ あしびどぅくる とぅ うむてぃをぅたしが、 ふんとー や じぬしちゃ んかい じょーとーる はくぶつかん ぬ あてぃ、りちし ん うほーく ならてぃびたん。 名高るセントルイス肉焼ちんまーさく噛でぃ、ちいちん脂強こーねーらち、今んいっぺーまーさる味ぬ肝んかい残とーてぃ忘ららんびーん。 なだかる セントルイス ししやち ん まーさく かでぃ、ちーちん あんだじゅー こーねーらち、なまん いっぺーまーさる あじ ぬ ちむ んかい ぬくとーてぃ わしららんびーん。 がるーがるーさる旅やてぃ、何ぬ計画ん無らち、朝起きてぃ、すとぅみてぃむん噛でぃ、行ち欲さる所んかい出てぃ行ちびたん。 がるーがるーさる たび やてぃ、ぬー ぬ けーかく ん ならち、あさ うきてぃ、すとぅみてぃむ ん かでぃ、いちぶさる とぅくる んかい んぢてぃ いちびたん。 旅ぬ後や家んかい帰てぃ、仕事んかい戻らんならんびたん。 たび ぬ あとぅ や やー んかい けーてぃ、しぐとぅ んかい むどぅらんならんびたん。 でぃー、仕事さな！ でぃー、しぐとぅさな！ |